Rôm 2:13 - Kálar Nzyɛ̌m : Ejwán é Sáá

¹³ Mʉr ábi nkâm ɨ́ míh mé Nzyɛ̌m ɨ́ lɔ̌b njóʼá métié wé omér. Waá dí esâ mpʉ métié maá dí etɨ́e yɨ́ nyá, nyɨ́haá ó ngá bi nkâm ɨ́ míh mé Nzyɛ̌m.

Kálara Zyɛ̌m Edwán é mpʉ̌n

¹³ Mʉr, nye aŋa bi mokebe é mih mo Zyɛm ebe mbi nye ndɨ ebaʼle motie mo Zyɛm ɨ. Waa lé edu mpʉ motie maa lé elɛɛ ɛ, nye ome ó ngo bi mokebe é mih mo Zyɛm.

Rôm 2:13 ပူးပေါင်းရင်းမြစ်များ

1 Yʉanes 3:7

Bwán bâm, ayɨ́ bîr gá ó, mʉr dímlaa bɨ̌n. Mʉr dí esâ bísyɛ́ɛla bí ótîtyěl nyá ó dí tîtyěl mpʉ̌ Yésʉs dí tîtyěl yɨ́.

Rôm 2:25

Tíʼá mpʉ́n, wé e nyɔm ó, njɨ lɨ́ esú é mʉ̂r dí ebaʼle métié nyá. Mʉ̂r gbáh métié maá nó, tíʼá mpʉ́n wé, wé l'akǎ be e nyɔm. Nye mʉr tɨ̂, nyɨ́ dwirǎ mpʉ mʉ̂r á be apǎ tíʼɔɔ mpʉ́n nyá.

Galásia 2:16

Sâ gwár, mɨná bé lɨ́ egʉ́a gá ó, mʉr, nyé abi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mʉ̌r bi nkâm ó, ɨ́ lɔ̌b búʼó, lɨ́ edyêʼ koo e Yésʉs-Krîst. Mɨná bɨ́ dyɛ̂ʼwo ntémé e Yésʉs-Krîst. Búʼó gá yɨ́ná yaá, yé aduho ɨ́ mbaʼlá metié. Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié.

1 Yʉanes 2:29

Bɨ̌n bé lɨ́ egʉ́a ó, Krîst, nye ó tîtyěl mʉr. Bɨ̌n bé ɨ́ jala le egʉ́a ntémé ó, mʉr nyɨnyɛ̂h dí esɨsâ bísyɛ́ɛla bimpâ nyá, nyɨ́ byɛ̂l e nzɨ̌ nkul mé Nzyɛ̌m.

Rôm 10:5

Moyɨ̂z á si cɛma, dumo e nzɨ̌ ebi nkâm ɨ́ mbaʼlá métié ó: «Waá nyɨnyɛ̂h dí ebaʼle métié nyá, óbǐ twiʼ ó, ɨ́ metié maá.»

Lʉkas 8:21

Yésʉs ntɔ̂ʼ lɛ́ɛ e bʉr bɨ́bɛ̂h ó: «Nyɔ̌ŋ wǎm, bɨ́ɔɔ́ bâm le okɛ́l bâm, bé ó baá o dí ejóʼǒ lɔ́ɔ́ mé Nzyɛ̌m, le esâ wé mejóʼo bá.»

Rôm 3:30

Ebě, Nzyɛ̌m, nye ó njɨ ngwár. Ɨ́ páʼ bʉ̂r o b'á tíʼɔɔ mpʉ́n bá, nyě dwé bé nkam ó, ɨ́ lɔ̌b búʼó yɔ́ɔ́. Bʉr o dí abě tíʼá mpʉ́n bá, bé lɨ́ ebi nkâm ntémé ó, ɨ́ lɔ̌b búʼó yɔ́ɔ́.

Mɨlʉmlʉ 13:39

Bʉr bɨ́bɛ̂h ngá dyêʼ koo e né bá, bé óbi nkâm ɨ́ nzɨ̌ nyé. Bé ódweŋɔɔ nkâm ɨ́ mimbi mílɔ̌b mímyɛ̂h. Bé á bé agwá bi nkâm ɨ́ nzɨ̌ metié mé Moyɨ̂z.

Lʉkas 18:14

Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n ó: nwɨa mɔnɨ́ tœ́a waá á ka tô mbɛ̌r wé ó, nyé osí bi nkâm ɨ́ míh mé Nzyɛ̌m, abě mpʉ̌ Farizyɛ̂n, ebě, mʉr nyɨnyɛ̂h dí ebɨ̂r nyé mʉr tɨ̂ʼ kʉ́ nyá, ósulɔɔ sí. Waá nyɨnyɛ̂h dí ejɔr nyʉ̂l nyé nyá, óbɨ́nɔɔ kʉ́.»

Galásia 5:4

Bɨ̌n, bʉr o dí elɛ́ɛ ó, bɨ̌n bé óbi nkâm ɨ́ míh mé Nzyɛ̌m ɨ́ lɔ̌b mbaʼlá métié wɨ́n bá, bɨ̌n e Krîst, bɨ́ bɔ́ʼa! Bɨ̌n bɨ́ pɔʼǎ súm Nzyɛ̌m á gwa be ó, nye ósʉ bɨ́n metyɛʼ me mpóm mé yɨ́.

Rôm 3:23

Bɨ́bɛ̂h, bé á si sâ syóm. Bisyɛ́ɛla bimpâ byɔ́ɔ́ alwɨ́ŋlɨ, ajala e kûm mé Nzyɛ̌m.

Rôm 3:20

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Yʉanes 13:17

Ɨ́ báánâ, bɨ̌n bɨ́ gʉ́a bísɨ́ǎ byaá. Bɨ́n ósâ byé nó, bɨ̌n bé óbe ó mbɨ̂mbɨá.»

1 Korɛnt 4:4

Mipahlá mí lémé wâm, myé anwâhle mê. Nó yé alɛ̂ʼle ó, mé abe e mebě. Tî Yésʉs ó dí etíʼě lɔ̌b wâm.

Jacques 1:27

Mpǎŋ búʼó ɨ́ míh mé Nzyɛ̌m Sɔ́ŋ ɨ́ pémémé, yé ó nɛ́ɛ: mʉr tôʼ bwá bé ónyʉ̌l ɨ́ menɔɔlʉ. Nye súʼaa ntémé mikúho mi dí esia e mitúú mí. Nye díʼee e ncɛrá le bisá bí sí yɨ̂, lɨ́ esú ó, byé ayɨ́ kala nyé bilœ̌ʼ byɔ́ɔ́.