Rôm 16:4 - Kálar Nzyɛ̌m : Ejwán é Sáá

⁴ Jɔʼ mé á gwa dwe yɨ́, bé á si tiʼ me. Bé á be ó, bé búrá ó e me, lɨ́ esú lé étiʼ mê. Bɨ̌h e bʉr ó páʼ mé Mbɛ̌r-Nzyɛ̌m dí lɨ́ esú é bíkûl e biloo wɨ́, bɨ̌h bé lɨ́ ebuú dwe bé nzyǒo tɨ̂.

Kálara Zyɛ̌m Edwán é mpʉ̌n

⁴ É jɔʼ me a ngbaa dwè e, bé a si tiʼ me. Bé a be ó, bé dwè be, jala e me, é l'efu le etiʼ me. Bɨh e mɨmbɛr mɨ Zyɛm ndɨ ɨ mɨlal mɨ bʉr o ndɨ abe oYʉden ɨ, bɨh bé ebul dwe be ekiba tɨ.

Rôm 16:4 ပူးပေါင်းရင်းမြစ်များ

1 Yʉanes 3:16

Mbi wɨ̂ʼ ó mɨ́ná dí edweʼe gá sá dí kpɛ̌l mpâ yɨ́: Yésʉs-Krîst á si dwe twiʼ yé lɨ́ esú gá lɨ́ná. Nó ntémé ó mɨ́ná dí gá e mempʉ́lá kwá bʉ́ʉ́ óbûʼla yɨ́. Mɨná jáná gá mempʉ́lá maá ó, lɨ́ edwe bícwiʼ gá bíná lɨ́ esú é bɨ́ɔɔ́ gá bɨ́ná.

Filipi 2:30

Ebě, nye á be ó sí gwá dwe ɨ́ lɔ̌b syɛ́ɛ́ mé Krîst. Nye á gwa dwe ó, lɨ́ enzě kɛm mê, lɨ́ enze mé e mingúlá bɨ́n á be abe e nkul edwe mé mí.

1 Tesalonika 2:14

Bɨ́ɔɔ́ bâm! Okɛ́l bâm! Bʉr ó Mbɛ̌r-Nzyɛ̌m dí ɨ́ sí Yʉ́da bá, bé á si bee mitúú. Bɨ̌n ntémé mû ó lɨ́ esia e mitúú mímpwár myaá. Bɨ̌n le onɔ́ɔ́ mû ó lɨ́ ekʉ́ nwɨɨla ɨ́ pâʼ waá, ebě, bʉr ó kúl bʉ̂r yɨ́n, bɨ́ tíble bɨ́n mpʉ óYúden dí eboó titíble bɨ́ɔɔ́ bɔ́ɔ́ bé á bûʼla Yésʉs bá.

1 Korɛnt 16:1

Ɨ́ nkǒ páʼ ménzyɛ̌ŋ me dí lɨ́ esú é bʉ̂r o dí egúmo e Nzyɛ̌m bá, mě lɛ́ɛ́ bɨ́n ó: sáʼ gá jwɨʼ gwár mpʉ mé á boo lɛ́ɛ e bʉr ó Mbɛ̌r-Nzyɛ̌m dí ɨ́ sí Galásia bá ó, bé sâʼ yɨ́.

1 Korɛnt 7:17

Gwá baʼle gá yɨ́ɛ sɨ̂: yé jala ó, mʉr nyɨnyɛ̂h díʼee ɨ́ tyé Tî Yésʉs á boo tyêl nye tɨ̂ʼ yɨ́. Mʉ̌r mbɨa ó, dû kʉ̌ tyěn Nzyɛ̌m á tɨ́e ó, nye dúʼoo wɨ́. Etié laá, lé ó mé dí ekala ɨ́ Mbɛ̌r-Nzyɛ̌m gúmó yɨ́yɛ̂h lɨ́.

Rôm 5:7

Mɨná bé lɨ́ egʉ́a gá ó, yé ɨ́ buú kɔbla ó, nyʉ́ʉ́ mʉ̂r kámaa ó, nye búraa e mʉr swîh, mʉr waá damá bě tîtyěl mʉr. Damá jóʼo nó, nyʉ́ʉ́ mʉ̂r óbɛ̌m tíʼe ɨ́ lémé wé ó, nyě búrá ó e mʉr á bu lɛ̂ʼle bʉr mpam nyá.

Mɨlʉmlʉ 16:5

Nó ó bʉ̂r ó Mbɛ̌r-Nzyɛ̌m, bé á nʉa pîm ɨ́ búʼó yɨ́, ɨ́ bigúmo ɨ́ buo buo. Tâŋ obûʼla ntémé nzě bubuǒ dʉ́ó lɨ́lɛ̂h.

Mɨlʉmlʉ 15:41

Nó ó bé á nze tô, tô le elaa ɨ́ sí Sirî le yaá Silisía, lɨ́ egbɨ̂gba bʉ̂r ó Mbɛ̌r-Nzyɛ̌m pîm ɨ́ búʼó, bigúmo bigúmo.

Yʉanes 15:13

Kpɛ̌l dí ɨ́ buú bwaʼ yɨ́, yé ó yaá mʉ̂r dí edwě twiʼ yé lɨ́ esú lé ósó bé nyá.

Mɨngwiha 1:4

Yé ó mɛm Yʉánɛs ó dí ecɛma bɨ́n mekaná mâʼ nyá, bʉr ó Mbɛ̌r-Nzyɛ̌m dí ɨ́ binkana nzaangbá bi dí ɨ́ sí Azía bí. Nzyɛ̌m sʉ́ʼoo bɨ̌n metyɛʼ me mpóm le egbâ mépyɛbla ɨ́ milémé mín. Mé díʼee e bɨ̌n, duho e waá á boo be nyá. Nye ntémé ó dína. Nye ntémé ónze. Mé díʼee e bɨ̌n ntémé, duho e misísǐm nzaangbá dí ɨ́ mpǒm mecwɨ́ɨ́ mé jwɨ́ɨ́ mé Nzyɛ̌m mí.

Mɨlʉmlʉ 9:31

Mbɛ̌r-Nzyɛ̌m nzě bi mépyɛbla, táare ɨ́ sí Yʉ́da, kala ɨ́ yaá Samarî, kumǒ kumáa ɨ́ yaá Galilê yɨ́yɛ̂h. Wé á si bu nʉa pîm le megwɨ́e. Mbɛ̌r-Nzyɛ̌m ntɔ̂ʼ bwaʼ ɨ́ nzɨ̌ Sísǐm mé Nzyɛ̌m. Wé á titiʼe ntémé ó, lɨ́ ekʉ́ dwáawo Tî Yésʉs.

Mɨlʉmlʉ 15:26

Bé ó b'á bîr bicwiʼ byɔ́ɔ́ ɨ́ lɔ̌b díé mé Tî gá wɨ́ná, Yésʉs-Krîst.

Rôm 16:3

Sohaa gá me Prǐska, bé e njʉ̂m wé Akílas, bʉr o bɨ́h le onɔ́ɔ́ dí eséǎ syɛ́ɛ́ mé Yésʉs-Krîst bá!

Rôm 16:5

Sohaa gá ntémé Mbɛ̌r-Nzyɛ̌m dí enzě gwɨ̂hla ɨ́ mbɛ̌r wɔ́ɔ́ wɨ́. Me lɨ́ esohǒ Epayɨ́netɔs, dí só kpɛ̌l wǎm nyá. Nye ó b'á be mʉr esôʼ ɨ́ sí Azía á dyêʼ koo e Krîst nyá.