Rôm 16:3 - Kálar Nzyɛ̌m : Ejwán é Sáá

³ Sohaa gá me Prǐska, bé e njʉ̂m wé Akílas, bʉr o bɨ́h le onɔ́ɔ́ dí eséǎ syɛ́ɛ́ mé Yésʉs-Krîst bá!

Kálara Zyɛ̌m Edwán é mpʉ̌n

³ Soha ga me Priska bé e njʉm we Akilas, bʉr o nwan yam ndɨ é l'empomo e syɛɛ egwar é zyɛŋa wih boo Yesʉs-Krɨst ɨ.

Rôm 16:3 ပူးပေါင်းရင်းမြစ်များ

2 Timotɛ 4:19

Sohaa mé Prǐska, bé le Akílas, ndu e mbɛ̌r bʉ̂r mé Onesíforos.

1 Korɛnt 16:19

Bʉr ó Mbɛ̌r-Nzyɛ̌m dí ɨ́ sí Azía bá, bé lɨ́ esoho bɨ́n. Akílas, bé e Prǐska ti e bʉr ó Mbɛ̌r-Nzyɛ̌m dí egwɨ̂hla ɨ́ mbɛ̌r wɔ́ɔ́ bá, bé lɨ́ esoho bɨ́n ɨ́ díé mé Tî Yésʉs ntémé.

Mɨlʉmlʉ 18:26

Nye nzě táare élwib ɨ́ mpáh minjɨʼla oYúden tʉ́ŋlʉ̌ ɨ́ kpɛŋlɛm, abáawo mʉ̂r. Jɔ̌ʼ Prǐska, bé le Akílas, bé á jóʼo nye yɨ́, bê nzě nʉa nyê, ntɔ̂ʼ kʉ́ gwá tɨ́ɔɔ nyé nzɨ̌ mé Nzyɛ̌m.

1 Korɛnt 16:16

bɨ̌n sâʼ mimbi mi bʉ̂r mínɨ̌ mejóʼo, bé e bʉr o bé e boo nɔ́ɔ́ dí eséa e nkul bá.

Rôm 16:9

Me lɨ́ esohǒ Úrbanos, dí mʉr bɨ́h e né dí eséǎ syɛ́ɛ́ gwár ɨ́ mpúhlá nyɨ́h e Yésʉs-Krîst nyá. Me lɨ́ esoho ntémé só kpɛ̌l wǎm Stákus.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Rôm 8:11

Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Rôm 16:4

Jɔʼ mé á gwa dwe yɨ́, bé á si tiʼ me. Bé á be ó, bé búrá ó e me, lɨ́ esú lé étiʼ mê. Bɨ̌h e bʉr ó páʼ mé Mbɛ̌r-Nzyɛ̌m dí lɨ́ esú é bíkûl e biloo wɨ́, bɨ̌h bé lɨ́ ebuú dwe bé nzyǒo tɨ̂.

Rôm 16:7

Me lɨ́ esoho ntémé mimbyɛ́l myâm, Androníkus, bé e Yʉniâs. Bɨ̌h le onɔ́ɔ́ ó b'á be ɨ́ mbʉʼ. Bé ó b'á nyɛɛ dyɛ̂ʼwo e Krîst e me. Ɨ́ sɔ́má bʉ̂r o mílʉ́mlʉ́ bé, bé ó bʉr o jálá le ebuú sêʼlɔɔ bá.

Rôm 16:10

Me lɨ́ esohǒ Ápelɛs. Nye á si sia e mitúú ɨ́ mpúhlá nyɔ́ɔ́ e Krîst. Nó ntémé ó mɨ́ná dí ekʉ́ gʉ́a gá tyeetye ó, nyě e búʼó yɨ́. Me lɨ́ esoho ntémé bʉr ó mbɛ̌r bʉ̂r mé Arîstobul.

2 Korɛnt 5:17

Mbeá wɨ́h, wé mû ó wɨ̂: yé bé nyʉ́ʉ́ mʉ̂r, nyɨ́ pûhla e Krîst nó, nye mû ó edwán é mʉ̂r ó tɨ̂ʼ yɨ́. Minjʉ̌m bísɔ̂ʼ mímyɛ̂h, mí laa. Yê jaa ka líʼ ó, njɨ medwán e medwán.

2 Korɛnt 12:2

Me lɨ́ egʉ́a nyʉ́ʉ́ mʉ̂r ɨ́ Krîst, mûh, mimbû kám e minâ. Mʉr waá á si nʉŋɔɔ, bɨ́nɔɔ kʉ́, laǎ jʉ́o le ejwoo, tó pyâl tʉ́ŋlʉ̌ baántɛ́n dí jʉ́o lɛ̂l yɨ́. (Yé bé nye á tô ó, ti e nyʉ̂l bipúno nó, mé agʉ́a. Yé bé nye á bé atô e nyʉ̂l bipúno ɨ́ jɔʼ yaá nó, me ntémé agʉ́a. Nzyɛ̌m nye omér ó dí ejaá gʉ́a.)

Galásia 1:22

Tyé yaá yɨ́yɛ̂h, kâr tɔʼ e mʉr Mbɛ̌r-Nzyɛ̌m ngwár á be e nkul edweʼe mpóm nyǎm ɨ́ sí Yʉ́da.

Filipi 2:25

Nó ó, yé á jɨ ó, me bwóolaa bɨ̌n Epafrɔ́ditɔs, mɨ́ɔɔ́ gá wɨ́ná. Bɨ̌h e nɔ́ɔ́ ó dí eséǎ syɛ́ɛ́ le elwímla ɨ́ lɔ̌b mé Yésʉs-Krîst. Bɨ̌n bé á ntɨh me nyǎ ó, ɨ́ lʉ́mlʉ́ wɨ́n, ó nye ntáa nzě súʼo mé e bisá byé á sâ me sɔ́ɔlʉ bí.

Kolosi 4:11

Yésʉs, waá dí e lʉ́ʉ́ díe ó, «Yʉstʉ̂s» nyá, nye ntémé ó dí esoho bɨ́n. Bʉr olɛ̂l baá, bé ó dí oYúden o b'á bûʼla, baá bé á kɨkɛm me lɨ́ etúnǒ Mbɨambɨa Lɔ́ɔ, dumo e Mpóʼo mé Nzyɛ̌m bá. Bé á si bu gbâ me nkul ɨ́ léme.