Rôm 16:2 - Kálar Nzyɛ̌m : Ejwán é Sáá

² Jɔʼ nyé ópyâl gʉ̂ʼ kwá nyɨ́n yɨ́, bɨ̌n e béŋlé nyé mbɨ̂mbɨá ɨ́ díé mé Tî Yésʉs, mebeŋla me dí ejala e bʉr o mé Nzyɛ̌m má. Dwéʼ gá nye sá yɨ́yɛ̂h ngá sâ nyé sɔ́ɔlʉ yɨ́, ebě, nye mʉr tɨ̂ʼ á si súʼo bʉr ɨ́ buo buo ti e mɛm mʉr tɨ̂ʼ ntémé.

Kálara Zyɛ̌m Edwán é mpʉ̌n

² É jɔʼ nye óze gʉʼ bɨn ye e, bɨn bé à beŋle nye mbɨmbɨa é die mo Da Yesʉs, mobeŋla lé ejala e mɨsaŋ mɨ bʉr mo Zyɛm ɨ. Dweʼ ga nye sa yiyɛh yé ósa nye sɔɔlʉ ɨ, ebe, nye mʉr tɨʼ a si fuʼo bʉr é buobuo ndwe e mɛm mʉr tɨʼ nteme.

Rôm 16:2 ပူးပေါင်းရင်းမြစ်များ

Filipi 2:29

Nó ó, jɔʼ nyé ópyâl ɨ́ sɔ́má yɨ́n yɨ́, bɨ̌n e nʉ́á nyé e bisʉhʉʉ bíbyɛ̂h ebe nyé dí mɨ́ɔɔ́ gá wɨ́ná ɨ́ mpúhlá e Tî Yésʉs. Dwéʼ gá mbi bʉ̂r o dí mpʉ mé Epafrɔ́ditɔs bá dúu.

Filipi 1:27

Sâ gwár, dúʼóó gá kʉ̌ tyen dí ejala e bʉr o dí ebúʼlǎ Mbɨambɨa Lɔ́ɔ́ mé Krîst bá wɨ́. Bɨ́n sá nó wá, me ókpɛl éjóʼǒ lɔ́ɔ́ búʼó yɨ́n ó, bɨ̌n dína ó ɨ́ mpúhlá e nzɨ̌ Sísǐm ngwár. Bɨ̌n bé lɨ́ egbâ nkûl lɨ́ edi e léme ngwár, le etye ɨ́ nzɨ̌ búʼó mpʉ̌ Mbɨambɨa Lɔ́ɔ dí elɛ̂ʼle yɨ́. Mě damá nze, nzě bee bɨ́n, nkʉ̂ ntémé di wâ, me ójóʼo yɨ́ɛ lɔ́ɔ́ tɨ̂.

2 Yʉanes 1:10

Ebe nó, mʉ̂r swáhwá nze, adwe bʉ̂r lɛ́ʼlá ngwár waá nó, mʉ̌r sá anʉa nyé ɨ́ mimbɛ̌r mín tʉ́ŋlʉ̌. Abára gá e né ntémé.

Filemɔŋ 1:17

Gó bé lɨ́ ekʉ́ gʉ́a ó, me ó só gǒ nó, nʉaa nyé mpʉ gó dí enʉa mé mʉr tɨ̂ʼ yɨ́.

Filemɔŋ 1:12

Nye ó mé dí entɨh gó nyǎ gʉ̂ʼ nɨ̌. Yé ó mpʉ mé dí e nkul entɨh gó bumó lémé yâm yé mʉr tɨ̂ʼ yɨ́.

Títos 2:3

Lɛ́yɨ́ɨ́ mísile mi bʉ́bá jwɨʼ gwár ó, bé dúʼoo mbǐ kʉ̌ tyen dí ejala e mʉr dí edwáawǒ Nzyɛ̌m nyá. Bé sá aswêʼ míé mé bʉ́ʉ́ bʉ̂r. Bé ayɨ́ lɔ̂ʼwa ɨ́ ndéá ményoʼ, nkʉ̂ di bítúʼǎ bi tɨ̂. Bé dwêʼ bʉr mimpaŋ mélɨ́,

2 Timotɛ 1:18

Go lɨ́ egʉ́a ntémé mimbi bísyɛ́ɛla nyé á sâ bʉr Éfɛsɔs mí. Tî Yésʉs sâʼ ó, nye bíʼee njɨ́ʼá nkóó ɨ́ mebó mé ɨ́ móhó nyé óbáʼǎ nze wɨ́.

1 Timotɛ 2:10

Bé ɨ́ jala le elɛ̂ʼle bʉ̂r kʉ̌l ó, bisyɛ́ɛla bimpâ bi dí ejala e bʉbá dí ekam ó, bé lɨ́ edwě Nzyɛ̌m kûm bá bí.

Kolosi 4:10

Arîstark, mʉr bɨ́h e nɔ́ɔ́ dí mimbʉʼ wâʼ nyá, nye lɨ́ esoho bɨ́n. Marc, mɨ́ɔɔ́ mé Banabâs, nye lɨ́ esoho bɨ́n ntémé. (Bɨ̌n mû ó sí boó bi mékaná mé á cɛma, dumo e né má. Nyé sí tô gʉ̂ʼ kwá nyɨ́n nɛ́ɛ: bɨ̌n e kʉ́ gwá baʼle nyê.)

Éfɛsɔs 5:3

Sâ gwár, mʉ̌r sá ajóʼo lʉ́ʉ́ dʉ́o ó, yé e nyʉ́ʉ́ mʉ̂r sɔ́má yɨ́n dí esâ bímolá nyá, nkʉ̂ byúú bísyɛ́ɛla bi dí edulo mpîr ɨ́ nyʉ̂l bí. Yé sá abe ntémé e mʉr dí etyěn lémé wé ɨ́ nzɔ́ɔ́ bísâ nyá. Bibɨ́bla bísyɛ́ɛla byaá, byé ajala e bʉr o dí egúmo e Nzyɛ̌m bá.

Rôm 16:23

Gáywis, nye lɨ́ esoho bɨ́n ntémé. Nye ó waá á tira me ntɔ́ɔ ɨ́ mbɛ̌r wé nyá, jwɨʼ gwár mpʉ nyé dí ebɨbaʼle bʉ̂r ó Mbɛ̌r-Nzyɛ̌m bɨ́bɛ̂h yɨ́. Erâst, mʉr dí ebaʼle ékúró é bímɔnɨ́ bí nkana yɨ̂ʼ nyá, bé e mɨ́ɔɔ́ gá wɨ́ná Kwártos, bé lɨ́ esoho bɨ́n ntémé.

Rôm 16:9

Me lɨ́ esohǒ Úrbanos, dí mʉr bɨ́h e né dí eséǎ syɛ́ɛ́ gwár ɨ́ mpúhlá nyɨ́h e Yésʉs-Krîst nyá. Me lɨ́ esoho ntémé só kpɛ̌l wǎm Stákus.

Rôm 16:6

Me lɨ́ esoho ntémé Maria, mʉr á bu séa bɨ̌n syɛ́ɛ́ nyá.

Rôm 15:7

Nwɨnwɨɨlaa gá páʼ nyɨ́n mpʉ̌ Yésʉs-Krîst á nʉa bɨ̌n yɨ́. Sáʼ gá nó lɨ́ esú lé édwě Nzyɛ̌m kûm.

Mɨlʉmlʉ 9:41

Pétrus ntɔ̂ʼ mɛ̂r nyé ɨ́ mbô, gbɛl nyé sí. Nye nzě jébe bʉ̂r o mé Nzyɛ̌m ti e mikúhó mí bʉ́bá, lɛ̂ʼle bé nyǎ, nye mû sí pah.

Mɨlʉmlʉ 9:39

Nó Pétrus á mɔa sí, bé e boo nɔ́ɔ́ nzě tô. Jɔʼ bé á pyâl yɨ́, bê nzě tô e né ɨ́ ntɔ́ɔ mbɛ̌r nyaá. Mikúhó mí bʉ́bá mímyɛ̂h, myé ntɔ̂ʼ sîhlě bǎʼ e né, le ejɨŋɔɔ médwê. Bé ntɔ̂ʼ lɛ̂ʼle Pétrus mintɔra mi kʉ́ le okʉ̂r Dɔ́rkas á lar bé ɨ́ jɔʼ nyé á be apǎ dwe yɨ́.

Mɨlʉmlʉ 9:36

Yé á bě Yópe ó e nyʉ́ʉ́ mpʉ́n mʉmá, díé lé Tabitâ. Díe laá, lé lɨ́ epâʼlɔɔ ɨ́ lwǐb grɛ̂k ó “Dɔ́rkas”: “Mpwaŋ-ebeɔɔ”. Nye á be ɨ́ jɔʼ yɨ́yɛ̂h ó, lɨ́ ebuú cwɨ́a e bʉr, le esusúʼo báántéʼenteʼe o bʉ̂r.

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mɨlʉmlʉ 9:13

Ananías ntɔ̂ʼ lɛ́ɛ ó: «Dâ ɛ̌, bʉr ɨ́ buo buo, bé á si lɛ́ɛ me lɔ̌b wé. Bé sá ó lɛ́ɛ ébébe lɨ́lɛ̂h nyé á sâ bʉr o dí egúmo e go, baá o dí ɨ́ Yerʉ́zalɛm bá lɨ́.

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

Rôm 16:15

Me lɨ́ esoho ntémé Filolɔ̂g, bé e Yʉlía. Sohaa gá me ntémé Nerée, bé e kɛ́l, le Olɛmpâ. Me lɨ́ esoho ntémé bʉ́ʉ́ bʉ̂r o mé Nzyɛ̌m bɨ́bɛ̂h bé e boo nɔ́ɔ́ dí gúmo gwár bá.