Rôm 16:18 - Kálar Nzyɛ̌m : Ejwán é Sáá

¹⁸ Mimbi mi bʉ̂r myaá, ntʉ Tî gá wɨ́ná Krîst bé dí eséa. Bé jaá séǎ syɛ́ɛ́ ó, njɨ lɨ́ esú é mímo myɔ́ɔ́. Bé lɨ́ edímle bʉ̂r o dína apǎ gʉ́a ébɛ̂ʼ páʼ émbɨa le ebébe bá, e nzɨ̌ lwǐb mépɨʼ ti e meswɨ̂ʼlʉ.

Kálara Zyɛ̌m Edwán é mpʉ̌n

¹⁸ Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

Rôm 16:18 ပူးပေါင်းရင်းမြစ်များ

Kolosi 2:4

Mě lwib e bɨ̌n ɨ́ mbi wɨ̂ʼ ó, mʉ̌r sá akʉ́a bɨ́n ɨ́ nzɨ̌ mikóo dí ɨ́ buú kpɛlɔɔ mí.

Filipi 3:19

Bɨ́haá, ndumló wɔ́ɔ́, wé ó edîm tyeetye. Bé lɨ́ ejaá gʉ́ǎ njɨ nzyɛ̌m ngwár ɨ́ sí yɨ̂: mimo myɔ́ɔ́. Bé gúgúmló ó, bisâ bi dí ɨ́ buú sámle bé bí. Sâ gwár dí etirwo bé ɨ́ miléme yɨ́, yé ó njɨ bisá bí sí yɨ̂.

Mataos 7:15

«Bɨ̌n a báʼ ógwíha o mílɔ̌b o bíbɛr, ebě, bé nzɨ́nzé ɨ́ sɔ́má yɨ́n ó e njwɨr ɨ́ tala tala, nwɨɨla e binteme. Tó kœb ó, ɨ́ milémé myɔ́ɔ́ tʉ́ŋlʉ̌, bé ó mpʉ ónkœœ dí ekpɛl édɛn bínteme bá.

1 Timotɛ 6:5

Bisyɛ́ɛla byaá, byé duduho ó, lɨ́ ekpaa lé laá. Nyě sɨ́sá bísyɛ́ɛla byaá ó, bé e bʉr o dí e bibol mípahlá, baá o dí agʉ́a ótyeetye bá. Nyě jaá gʉ́a ó, njɨ edwě Nzyɛ̌m kûm, lé ó gúú mbi nzɨ́ esáa bímɔnɨ́.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

2 Tesalonika 2:10

Nye ógbah métié mé Nzyɛ̌m, le esâ bísyɛ́ɛla bi dí édímle bʉ̂r ɨ́ nzɨ̌ mikóo bí. Bisyɛ́ɛla byaá, byé ódímle baá ngá dîm ɨ́ nkɔb bʉr bá. Bé ódîm, ebě, bé á si bene otyeetye. Yé bé bé á be ɨ́ kpɛl wé nó, lɛ́ɛ́, wé á si gwa tíʼ bê.

Yʉ̂d 1:12

Jwɨʼ yɔ́ɔ́, yé lɨ́ entɨ̂ʼ ɨ́ páʼ wɨ́n. Bé buú ntɨ̂ʼ ó, ɨ́ jɔʼ bɨ́n le onɔ́ɔ́ dé méde ɨ́ Mbɛ̌r-Nzyɛ̌m yɨ́. Bé dɨ́dé ó, lɔ̂ʼwǎ lɔ́ʼwáa, ajóʼo bá sôn. Bé jaá gbɨgbâ méde ó, njɨ ɨ́ myɔ́ɔ́ mínum. Bé ó mpʉ médwíne me mpíé, pubó dí etíne, mpíé nyɨɛ akǎ nwɨ́ɨ má. Bé ntémé, bé ó mpʉ bílɨ́ bi dí abe lɨ́ egúmo mpúmó ɨ́ jɔ̌ʼ nkóno bí. Byé lɨ́ edwe nzɔ̂ʼ bá, ebě, byé lɨ́ emuna sí.

Filipi 2:21

Ebě, bʉ́ʉ́ bʉ̂r bɨ́ɛ sáá ó, njɨ minyɔm myɔ́ɔ́. Bé ójóʼǒ sá dí edumo e Yésʉs-Krîst yɨ́ nó, bé anʉa yé, gbâ ɨ́ nkɔb.

Galásia 1:10

Nó ó, báánâ, nzê nó yé lɛ́ʼlé ó, nkam bʉr ó mé dí esáa ɛ̌? Nkʉ̂ ó, nyaá mé Nzyɛ̌m ɨ́? Mě cɛmá nó ó, lɨ́ esáa nkâm mé Nzyɛ̌m. Nzê me mû sáa ó, me sâʼ mpʉ bʉ̂r dí egwɨ̂m yɨ́ ɛ́? Yé bé mě dú ó, bigwɨ́má bí bʉ̂r nó, lɛ́ɛ́, mé akǎ be syɛ̂l mesâ mé Krîst.

Mataos 24:24

Ebě, okrîst o bíbɛr, bé ópîpyal, bé le ogwíha o mílɔ̌b o bíbɛr. Bé ósâ mésimá ménɨ́nɨ́ɨ́ le bisá bí ékâm. Yé báná nó, bé ódímle bʉ̂r ó Nzyɛ̌m á twâr bá ɨ́ nzɨ̌ mikóo myɔ́ɔ́.

Kolosi 3:24

Gʉ́ŋáá gá ó, Tî Yésʉs ókʉ́ jána e bɨ̌n tɨ̂. Bɨ̌n bé óbi mémbɨa nyé dí ekomo bʉ̂r bé má. Mé óbe ó nkɔb líʼe nyɨ́n. Mpǎŋ njwɨ́ɨ bɨ́n dí eséa e né nyá ó dí Krîst.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

Rôm 16:19

Bʉr bɨ́bɛ̂h, bé lɨ́ egʉ́ǎ mpʉ bɨ́n dí esâ Tî Yésʉs mejóʼo yɨ́. Nó ó, me lɨ́ ebuú soho ɨ́ lɔ̌b wɨ́n. Mě kpɛl ntémé ó, bɨ̌n díʼee le ocwóó, lɨ́ esú ó, bɨ̌n sâʼ embɨa. Nó ó, ɨ́ nkǒ pâʼ ébébe, anyamlě sâ gá lê!

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Mataos 24:11

Ogwíha o mílɔ̌b o bíbɛr, bé ópyâl ɨ́ buo buo. Bé ntémé, bé óbuú dímle bʉ̂r ɨ́ buo buo.

Mataos 6:24

«Kâr tɔʼ e mʉr ngwár dí e nkul eséa le ojwɨ́ɨ obá jɔʼ gwár, ebě, nye ónwim nyʉ́ʉ́, kpɛl nyʉ́ʉ́; nkʉ̂ ntɔ̂ʼ ó, nye ódwe nyʉ́ʉ́ dúu; pyêh nyʉ́ʉ́. Nó, bɨ̌n bé abe e nkul eséǎ Nzyɛ̌m syɛ́ɛ́, séa Ókúm-le-Ogbaa syɛ́ɛ́ ɨ́ jɔʼ gwár.

Mɨngwiha 1:1

Yésʉs-Krîst á si gwîh bisá Nzyɛ̌m á tɨ́e nye ó, nye lɛ̂ʼlaa osyɛ̂l o mésá bé, ó bé gʉ́ŋaa sá mû kúno epyâl bé yɨ́. Nye á gwîh byé ó, lɨ́ elómo éngeles wé kwá me, Yʉánɛs, syɛ̂l mesâ wé.

Yʉ̂d 1:1

Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

Jacques 1:1

Yé ó mɛm Jacques, syɛ̂l mesâ mé Nzyɛ̌m le Tî Yésʉs-Krîst ó dí ecɛma bɨ́n mekaná mâ. Me lɨ́ esoho bɨ́n, bʉr o ménzweh kám e mebá mû mingbɛhá míngbɛhá ɨ́ sí yɨ́yɛ̂h bá.

2 Korɛnt 11:3

Me lɨ́ ejóʼo bʉ́á. Mě kpɛ́ɛ́ ó, bɨ̌n ámû jaá kʉ́ŋɔɔ, ntɔ̂ʼ dwira e Krîst jɔʼ gwár ɨ́ dwirɨ̂, jwɨʼ gwár e gwár e mpʉ nyʉ́a á kʉ́a Éfa, nye ntɔ̂ʼ bil ɨ́ mikóo yɨ́. Bɨ̌n ámû jaá gwâʼ le edwě Krîst dúu ntinɨ̂ e ntinɨ̂.

Rôm 14:18

Ebě, mʉr dí eséǎ Yésʉs-Krîst syɛ́ɛ́ ɨ́ mbi waá nyá, Nzyɛ̌m, nye lɨ́ ebee nyé mbɨ̂mbɨá. Bʉr ntémé kam nyê.