Rôm 16:10 - Kálar Nzyɛ̌m : Ejwán é Sáá

¹⁰ Me lɨ́ esohǒ Ápelɛs. Nye á si sia e mitúú ɨ́ mpúhlá nyɔ́ɔ́ e Krîst. Nó ntémé ó mɨ́ná dí ekʉ́ gʉ́a gá tyeetye ó, nyě e búʼó yɨ́. Me lɨ́ esoho ntémé bʉr ó mbɛ̌r bʉ̂r mé Arîstobul.

Kálara Zyɛ̌m Edwán é mpʉ̌n

¹⁰ Me esoho Apelɛs. Nye ó é zyɛŋa wɔɔ boo Krɨst. Nye ó é bul seʼlɔ. Me esoho nteme bʉr o mbɛr bʉr mo Aristobul.

Rôm 16:10 ပူးပေါင်းရင်းမြစ်များ

Rôm 14:18

Ebě, mʉr dí eséǎ Yésʉs-Krîst syɛ́ɛ́ ɨ́ mbi waá nyá, Nzyɛ̌m, nye lɨ́ ebee nyé mbɨ̂mbɨá. Bʉr ntémé kam nyê.

1 Pyɛr 1:7

Ndyɛ́ʼwá bɨ́n dí edyɛ̂ʼwo e Nzyɛ̌m wɨ́, wê bɨ̌n ó, ɨ́ buo ódimé, laǎ gʉ̂l. Gʉ̂l pǎ nyɛɛ́ gbáŋɔɔ ɨ́ duró lé ólûl, ó yé gwâ nyɨ̂n tyeetye ó, yé ó yaá mpâ, yɨ́ɛ yé ó sá dí ó, yé ódîm yɨ́, á dwɛʼra e búʼó gá yɨ́ná! Yé ógbáŋɔɔ ɨ́ duró, bʉr nkʉ̂ gʉ́a bee ó, yé ó búʼó mpâ. Nó bʉ̂r, bé ógúmlǒ Nzyɛ̌m, le edwe nyé kûm ɨ́ jɔ̌ʼ Yésʉs-Krîst óbáʼǎ nze yɨ́.

1 Timotɛ 3:10

Yé jala ó, bɨ̌n páa nyɛɛ́ pahle bê. Bé ópahlɔɔ, ɨ́ pahlɔɔ, pahlɔɔ, adweŋɔɔ mébě nó, bé e nkul eséǎ syɛ́ɛ́ ódiâkɔn ɨ́ jɔʼ yaá.

Filipi 2:22

Bɨ̌n bʉr o tɨ̂, bé lɨ́ egʉ́ǎ mbɨambɨa kʉ̌ tyěn Timotɛ̂ á dû wɨ́ le mpʉ nyé dí me mpʉ mwân yɨ́, ebě, nyɨ́ dûhwǒ syɛ́ɛ́ bɨ́h e né dí eséa lɨ́ etúnǒ Mbɨambɨa Lɔ́ɔ yɨ́.

2 Korɛnt 8:22

Mʉr lɛ̂l bɨ́h ngá lómlo bɨ́n nyá, nye ó waá bɨ́h dí ebee ó, nye ó mʉr dí e nyɔm nyá, ebě, nyɨ́ ntaa mébʉ́blá mbɨ̂mbɨá, le egbâ nyʉ̂l ɨ́ dwííí bijɔʼ bíbyɛ̂h ɨ́ milɔ̌b mé Nzyɛ̌m. Nó ó, nyɨ́ kǎ buú gbâ nkûl ɨ́ yɨ̂ʼ jɔʼ, ebě, nyě e búʼó ɨ́ mipáʼ mímyɛ̂h ɨ́ milɔ̌b mi dí edwɛ̂ʼ bɨ́n mí.

2 Korɛnt 2:9

Ɨ́ lɔ̌b waá ó mé á cɛma bɨ̌n mekaná maá yɨ́. Yé á be ó, me bóblaa bɨ̌n. Me á be lɨ́ ekpɛl égʉ́a ó, nkʉ̂ bɨ̌n dína ó lɨ́ esâ mé mejóʼo ɨ́ milɔ̌b mímyɛ̂h.

1 Korɛnt 11:19

Ebě, mpɔ́ʼá menkɔ̌m, nye ɨ́ jala le enyɨ̂nyɨn páʼ nyɨ́n ó, bé gwâ dweʼe baá o dí tyeetye e búʼó bá.

2 Timotɛ 4:19

Sohaa mé Prǐska, bé le Akílas, ndu e mbɛ̌r bʉ̂r mé Onesíforos.

Rôm 8:11

Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Rôm 16:3

Sohaa gá me Prǐska, bé e njʉ̂m wé Akílas, bʉr o bɨ́h le onɔ́ɔ́ dí eséǎ syɛ́ɛ́ mé Yésʉs-Krîst bá!

Rôm 16:7

Me lɨ́ esoho ntémé mimbyɛ́l myâm, Androníkus, bé e Yʉniâs. Bɨ̌h le onɔ́ɔ́ ó b'á be ɨ́ mbʉʼ. Bé ó b'á nyɛɛ dyɛ̂ʼwo e Krîst e me. Ɨ́ sɔ́má bʉ̂r o mílʉ́mlʉ́ bé, bé ó bʉr o jálá le ebuú sêʼlɔɔ bá.

2 Korɛnt 5:17

Mbeá wɨ́h, wé mû ó wɨ̂: yé bé nyʉ́ʉ́ mʉ̂r, nyɨ́ pûhla e Krîst nó, nye mû ó edwán é mʉ̂r ó tɨ̂ʼ yɨ́. Minjʉ̌m bísɔ̂ʼ mímyɛ̂h, mí laa. Yê jaa ka líʼ ó, njɨ medwán e medwán.

2 Korɛnt 12:2

Me lɨ́ egʉ́a nyʉ́ʉ́ mʉ̂r ɨ́ Krîst, mûh, mimbû kám e minâ. Mʉr waá á si nʉŋɔɔ, bɨ́nɔɔ kʉ́, laǎ jʉ́o le ejwoo, tó pyâl tʉ́ŋlʉ̌ baántɛ́n dí jʉ́o lɛ̂l yɨ́. (Yé bé nye á tô ó, ti e nyʉ̂l bipúno nó, mé agʉ́a. Yé bé nye á bé atô e nyʉ̂l bipúno ɨ́ jɔʼ yaá nó, me ntémé agʉ́a. Nzyɛ̌m nye omér ó dí ejaá gʉ́a.)

Galásia 1:22

Tyé yaá yɨ́yɛ̂h, kâr tɔʼ e mʉr Mbɛ̌r-Nzyɛ̌m ngwár á be e nkul edweʼe mpóm nyǎm ɨ́ sí Yʉ́da.