Rôm 15:8 - Kálar Nzyɛ̌m : Ejwán é Sáá

⁸ Me lɨ́ eboʼlo bɨ́n lɔ́ɔ́ wɨ̂: Krîst á si dwir nye mʉr tɨ̂ʼ syɛ̂l mesâ lɨ́ esú lɨ́h, Yúden. Nye á sâ nó ó, lɨ́ esú lé élɛ̂ʼle bɨ́h mpʉ̌ Nzyɛ̌m dí mʉr otyeetye yɨ́. Nó ó nyé á lɨl menkɛ̌ʼ Nzyɛ̌m á dwe bimpám bíh má yɨ́.

Kálara Zyɛ̌m Edwán é mpʉ̌n

⁸ Me eboʼlo bɨn lɔɔ wi: Krɨst a si dwir nye mʉr tɨʼ syɛl mosa é l'efu le oYʉden. Nye a sa no ó, é l'efu le elɛʼle bɨh mpʉ Zyɛm ndɨ mʉr ocyecye e. Nye esa bɨh syɛɛla yaa ó, lé edira monkɛʼ Zyɛm a liʼe bɨmpam bih e ma ɛ.

Rôm 15:8 ပူးပေါင်းရင်းမြစ်များ

Mataos 15:24

Yésʉs nzě yala e bé ó: «Me á jaa lómɔɔ ó, njɨ lɨ́ esú é bínteme bí Ɨ́zraɛ̂l mû sí dîm bí.»

Yʉanes 1:11

Nye á nze ó ɨ́ sí yé, ánta nye. Sâ gwár, bʉr bé, anʉa nyê.

2 Korɛnt 1:20

Ebě, menkɛ̌ʼ mɨ́mɛ̂h Nzyɛ̌m á kɛʼ má, mé jaá dira ó, njɨ ɨ́ nzɨ̌ mé Yésʉs. Sɨ́ǎ yaá ntémé ó mɨ́ná dí elɛ́ɛ gá ó «Amɛn!» yɨ́. (Nó yé lɛ́ʼlé ó: yé díʼee nó.) Mɨná dwé gá Nzyɛ̌m kûm ó tɨ̂, ɨ́ minjɨʼla myaá.

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Rôm 15:16

Nye á bě sí sʉ mé metyɛʼ me mpóm, ó me díʼee syɛ̂l mesâ mé Yésʉs-Krîst lɨ́ esú é bʉ̂r o dí abe óYúden bá. Me mû ó mpʉ pára dí eliŋ bʉ̂r baá ndwéá Nzyɛ̌m dí ekpɛl, waá Sísǐm wé, wé á pubo wɨ́ nyá. Syɛ́ɛ́ pára mé dí esâ yɨ́, yé ó syɛ́ɛ́ étúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

Rôm 3:3

Nó ó, mɨná bé ólɛ́ɛ gá yé, dumo e bʉr o b'á be adyɛ̂ʼwo e Nzyɛ̌m bá? Nzê elele e míléme lɔ́ɔ́, lé e nkul ekamlě Nzyɛ̌m lɨ́ edira ménkɛ̌ʼ mé ɛ́?

Éfɛsɔs 2:12

Símsáá gá ntémé mpʉ bɨ́n á nyɛɛ bɨbě dǐ gwár yɨ́. Bɨ̌n e Krîst, bé á bé apǎ pûhla. Bɨ̌n bé á si pɨ́mɔɔ ɨ́ kúl bʉ̂r o b'Ɨ́zraɛ̂l. Ɨ́ nkǒ páʼ sáá Nzyɛ̌m á sâ nyɨ́, ti e menkɛ̌ʼ mé, bɨ̌n bé á be ó, bʉr o bíkúl bíswîh, abe e bá nkɔ̂b tɨ̂. Ɨ́ jɔʼ yaá yɨ́yɛ̂h, bɨ̌n bé á bé abe e mpûʼla ɨ́ miléme. Ɨ́ sí yɨ́yɛ̂h, bʉr o bíkúl bín, bé á bé agʉ́ǎ Nzyɛ̌m.

Rôm 11:30

Bɨ̌n, bʉr o dí abe óYúden bá, bɨ̌n bé á si sâ Nzyɛ̌m ajóʼo ɨ́ mimbú mí píhe. Ɨ́ báánâ mpʉ óYúden bɨ́ɛ dí ebene édyɛ̂ʼwo e né yɨ́, Nzyɛ̌m kǎ nzě jɨ̂ʼ bɨ́n nkoó.

Rôm 11:22

Paá bee gá mpʉ̌ Nzyɛ̌m dí elɛ̂ʼle mpâm, le edi, adûhwo bʉ̂r o dí esâ nyé ebɨ̌h, baá bé á twe omyâtyɛ̌ŋ ɨ́ nkɨ́ŋlɨ́m bá. Nyě kʉ́ lɛ̂ʼle mpâm nyé ó, gua. Gúa óbene édi ɨ́ mpam mé Nzyɛ̌m nyaá nó, lɛ́ɛ́, nye ntémé ókʉ́ syɛ̂h gó mpʉ̌ lɔ́ɔ́ lɨ́ e ngɨ́r ɨ́ léme.

Rôm 4:16

Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

Rôm 3:26

Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Mɨlʉmlʉ 13:46

Nó ó Pɔ̂l bé e Banabâs, bé á lwib e bé ɨ́ kpɛŋlɛm, abáawo mʉ̂r ó: «Yé á jɨ ó, lɔ́ɔ́ mé Nzyɛ̌m, wé nyɛ́ɛ túnɔɔ kwá nyɨ́n, oYúden. Sâ gwár, bɨ̌n bɨɛ, bɨ́ beně lɔ́ɔ waá, bɨ̌n bɨɛ lɨ́ ebee ó, bɨ̌n bé ajala le ebǐ twǐʼ njʉ̌m dǐ. Yé bé nó wá, beyɨɨ gá, bɨ̌h bɨ́ laa, lɨ́ etó túnǒ lɔ́ɔ́ mé Nzyɛ̌m waá ɨ́ mesí mé bʉ̂r oswîh.

1 Korɛnt 15:50

Bɨ́ɔɔ́ bâm! Okɛ́l bâm! Mě kʉ́ lɛ́ɛ bɨ́n ó, ntʉ̌ sá dí bipúno e metié yɨ́, dí e nkul enʉǎ diá ɨ́ Mpóʼo mé Nzyɛ̌m, jala e nkɔb líʼe nyé. Sá dí edwe, bo yɨ́, yé abe e nkul elîʼ e sá dí edǐ njʉ̌m dǐ e njʉ̌m dǐ yɨ́.

1 Korɛnt 10:29

Mé alɛ́ɛ ó, go dúʼoo mipahlá mí lémé gô. Mě lɛ́ɛ́ ó, go dúʼoo myaá mí lémé wé, nye mʉr tɨ̂. Lɨ́ otyeetye, mé abě túʼǎ. Nzê yé ó sá dí tîtyěl yɨ́ ɨ́ jɔʼ mʉ̂r swîh dwé mé mebě me twíí céme ɨ́ bisyɛ́ɛla mé dí etwâr ó, mě sá ó byê, byaá nyé dí epahle, bee ó, byé ajala le esáŋɔɔ bí ɛ́? Heʼé!

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

1 Korɛnt 10:19

Me lɛ́yɨɨ yé? Nzê tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, nye ó nó tyeetye ɛ̌? Nzê bikpɛʼkpɛ̂ʼ bí ónzyɛ̌m, byé ó tɨ̂ʼ tyeetye ɛ̌?

1 Korɛnt 1:12

Mě jóʼó ó, mʉr nyɨnyɛ̂h ɨ́ sɔ́má yɨ́n, nye mû lwib ó, wé mbi. Nyâʼ, nye ó: «Me ó mpʉ́n mé Pɔ̂l.» Nyʉ́ʉ́, nye ó: «Me ó mpʉ́n mé Ápolos.» Nyʉ́ʉ́, nye ó: «Mɛm, me ó mpʉ́n mé Kefâs.» Nyʉ́ʉ́ ntémé, nye ó: «Me ó mpʉ́n mé Krîst.»