Rôm 15:7 - Kálar Nzyɛ̌m : Ejwán é Sáá

⁷ Nwɨnwɨɨlaa gá páʼ nyɨ́n mpʉ̌ Yésʉs-Krîst á nʉa bɨ̌n yɨ́. Sáʼ gá nó lɨ́ esú lé édwě Nzyɛ̌m kûm.

Kálara Zyɛ̌m Edwán é mpʉ̌n

⁷ É mpʉ yé ndɨ no e, beŋla ga paʼra win mpʉ Yesʉs-Krɨst a beŋle bɨn ɨ. Saʼ ga no é l'efu ó, bʉr dwiibɨ Zyɛm, duho tɨ.

Rôm 15:7 ပူးပေါင်းရင်းမြစ်များ

Mataos 10:40

«Mʉr nʉ́á bɨ́n mbɨ̂mbɨá nyá, nyě nʉá ó me. Waá nʉ́á mé nyá, nʉa ó, mʉr á ntɨh me nyá.

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

Rôm 5:2

Yésʉs-Krîst ó b'á kar nzɨ̌ lɨ́ esú ó, mɨná kúmaa gá ɨ́ mpam mé Nzyɛ̌m, le etyɛ̂b mékʉ̌ sí ɨ́ sɨ́ŋ ɨ́ lɔ̌b mpûʼla mɨ́ná dí gá e né nyɨ́. Nyɨ́ lɛ̂ʼle mɨ́ná gá mpam mɨ́ná ngá titiʼe gá e tɨ̂ʼ nyɨ́. Mɨná mû ó lɨ́ enkʉ́na gá ɨ́ lɔ̌b mpûʼla dí mɨná gá ɨ́ miléme, nyaá dí elɛ́ɛ ó, mɨná bé óbee gá Nzyɛ̌m ɨ́ diá kûm yé nyɨ́.

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.

Lʉkas 9:48

Nye nzě lɛ́ɛ e bé ó: «Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyɨ́ nʉa mé mʉr tɨ̂. Mʉr nʉ́á mé nyá, nyɨ́ nʉa ntémé mʉr á ntɨh me nyá. Ɨ́ sɔ́má yɨ́n, mʉr bɨ́n bɨɛ béé ó, nye ó dí ɨ́ buú twâʼwo nyá ó dí waá láá bɨ́n bɨ́bɛ̂h nyá.»

Markus 9:37

«Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyě nʉá ó me mʉr tɨ̂. Mʉr nʉ́á mé nyá, nyé anʉa mé e me; nyě nʉá ntémé ó, mʉr á ntɨh me nyá.»

Lʉkas 15:2

Nó ó óFarizyɛ̂n le olɛ̂ʼla o métié, bé á nyimla páʼ nyɔ́ɔ́ ó: «Mʉr nyâ, nye lɨ́ enʉa ósyɛ̂l o mísyóm! Bé e boo nɔ́ɔ́ bánǎ pûhla mébô, de!»

Éfɛsɔs 1:12

Nye á kpɛl ó, bʉr dwêʼ nye dúu e kûm ɨ́ lɔ̌b syɛ́ɛla nyé á sâ ɨ́ sɔ́má gá yɨ́ná, mɨná gá bɨɛ, bʉr o nyé á nyɛɛ gbâ mpûʼla ɨ́ miléme ɨ́ nzɨ̌ mé Krîst bá yɨ́.

Rôm 15:9

Nye á nze séa ntémé ó, lɨ́ esú é bíkúl bíswîh, ó bé gʉ́ŋaa mpʉ̌ Nzyɛ̌m dí ejɨ̂ʼ bʉ̂r nkoó yɨ́, bé nkʉ̂ gúmlo nyé tɨ̂. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá tɨ̂ʼ ó mé ngá gúmlo gó témé bikûl bi dí abe óYúden bí yɨ́. Me ódyɛɛ gó mejéme ɨ́ dúú díé lô.

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Kolosi 3:13

Júhwáá gá ebébe páʼ nyɨ́n, alwib. Mʉ̂r bé e nyʉ́ʉ́ mbûʼla, bé e lɔ̌b nó, bʉr baá, bé ɨ́ jala le epɛʼla bíbaa bí ébébe bé á niʼla páʼ nyɔ́ɔ́ bí. Pɨpɛʼ gá bibaa bí ébébe páʼ nyɨ́n mpʉ Tî gá wɨ́ná á pɛʼ byaá nyé á niʼe mɨná gá bí.