Rôm 15:6 - Kálar Nzyɛ̌m : Ejwán é Sáá

⁶ lɨ́ esú ó, bɨ̌n gúmlaa waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá, twíí mpwár!

Kálara Zyɛ̌m Edwán é mpʉ̌n

⁶ é l'efu ó, bɨn diʼe twii ngwar lé egumlo Zyɛm, waa ndɨ Sɔŋ mo Tî ga wina Yesʉs-Krɨst ɨ.

Rôm 15:6 ပူးပေါင်းရင်းမြစ်များ

Mɨngwiha 1:6

Nye ó b'á liŋ mɨná gá bʉr o Mpóʼo nyé, le esâ ó, mɨná díʼee gá opara dí eséa e waá dí Nzyɛ̌m wé, waá dí ntémé Sɔ́ŋ wé nyá bá. Kûm e nkul, byé díʼee e né njʉ̌m dǐ e njʉ̌m dǐ. Amɛn.

Éfɛsɔs 1:3

Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nzyɛ̌m, nyɨ́ sʉ mɨ́ná gá metyɛʼ me mpóm ɨ́ mpúhlá gá nyɨ́ná e Krîst. Nyɨ́ kam ntémé ó, mɨná bíʼee gá mimbi métyɛʼ me mpóm mé Sísǐm mé Nzyɛ̌m mɨ́mɛ̂h me dí eduho ɨ́ jʉ́o kʉ́ má. Nyě sá mɨ́ná gá nó ó,

Mɨlʉmlʉ 4:24

Jɔʼ bé á jóʼo lɔ́ɔ waá yɨ́, obûʼla ntɔ̂ʼ táare éjɨʼla e Nzyɛ̌m. Bé ó: «Dâ ɛ̌, go ó b'á kuho kʉ́ e sí, ndu e l'ekomlo mâŋ ti e bisá bíbyɛ̂h bi dí tɨ̂ʼ bí.

2 Korɛnt 11:31

Waá dí Nzyɛ̌m mé Tî Yésʉs-Krîst, waá dí Sɔ́ŋ wé nyá, nye lɨ́ egʉ́a ó, mé alɛ́ɛ bíbɛr. Nye díʼee e kûm njʉ̌m dǐ e njʉ̌m dǐ.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

2 Korɛnt 1:3

Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nye ó Sɔ́ŋ gá wɨ́ná dí elɛ̂ʼle mɨ́ná gá mpam, waá dí egbâ bʉ̂r nkul ɨ́ miléme nyá.

Mɨlʉmlʉ 4:32

Ɨ́ sɔ́má óbûʼla bɨ́bɛ̂h, bé á be ó lémé ngwár ti e sísǐm ngwár. Abe e mʉr ngwár ɨ́ sɔ́má yɔ́ɔ́ á be e nkul elɛ́ɛ ó, byé bísâ, byé á jaa gúmo ó, njɨ e nye mʉr tɨ̂. Páʼ nyɔ́ɔ́, sá yɨ́yɛ̂h, yé á bɨbe ó sadága.

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Éfɛsɔs 1:17

Me lɨ́ ejɨʼla e Nzyɛ̌m dí e kûm, waá dí Sɔ́ŋ mé Tî gá wɨ́ná, Yésʉs-Krîst nyá, ó nye tyɛ́bɨɨ bɨ̌n ɨ́ miléme, ó bɨ̌n twólwaa, le ntémé ó, nye gwíhɨɨ bɨ̌n misolá mílɔ̌b myé. Myé óbe bɨ́n e nyɔm, lɨ́ esú ó, bɨ̌n gʉ́ŋaa nye.

Kolosi 1:3

Ɨ́ jɔʼ yɨ́yɛ̂h bɨ́h dí ejɨʼla e Nzyɛ̌m lɨ́ esú lɨ́n yɨ́, bɨ̌h bé lɨ́ edwe nyé nzyǒo, nyɨɛ mʉr dí Sɔ́ŋ mé Tî gá wɨ́ná Yésʉs-Krîst nyá.