Rôm 15:30 - Kálar Nzyɛ̌m : Ejwán é Sáá

³⁰ Nó ó, bɨ́ɔɔ́ bâm, sá mé dí edî bɨ́n ɨ́ díé mé Tî gá wɨ́ná, Yésʉs-Krîst, le ɨ́ kpɛ̌l Sísǐm mé Nzyɛ̌m dí egbâ ɨ́ milémé gá míná yɨ́, yé ó, mɨná lwímlaa gá ɨ́ nzɨ̌ minjɨʼla lɨ́ esú lâm.

Kálara Zyɛ̌m Edwán é mpʉ̌n

³⁰ No ó, obɨɔ ga bam aa! Sa me lé edî e bɨn é die mo Tî ga wina Yesʉs-Krɨst, le é kpɛl Mbɨambɨa Sisim lé egba é mɨleme ga mina, yé ó bɨn kœbɨ me é dɔm lɨ, lé ejwɨʼla e Zyɛm é l'efu lam.

Rôm 15:30 ပူးပေါင်းရင်းမြစ်များ

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

2 Korɛnt 1:11

ebě, bɨ̌n bé ósúʼo bɨ́h ɨ́ nzɨ̌ minjɨʼla mín. Nó Nzyɛ̌m ó ngá buú dweŋɔɔ nzyóo ɨ́ jɔʼ bʉ̂r ɨ́ buo buo, bé óbe, bé mû sí sâ nyé minjɨʼla ɨ́ lɔ̌b wɨ́h yɨ́.

1 Tesalonika 5:25

Bɨ́ɔɔ́ bâm! Okɛ́l bâm! Jɨʼlaa gá e Nzyɛ̌m ɨ́ lɔ̌b wɨ́h.

2 Korɛnt 4:11

Bɨ̌h damá be míkublakúbla, bɨ̌h bê ɨ́ jɔʼ yɨ́yɛ̂h ó, ɨ́ ka sóo, ɨ́ lɔ̌b búʼó dí edumo e Yésʉs yɨ́, lɨ́ esú ó, twiʼ yé, yé nyɨ́nɨɨ ɨ́ menyʉ́l mɨ́h, maá me dí elaǎ mpʉ̌ ngúl mpáá má.

2 Tesalonika 3:1

Bɨ́ɔɔ́ bɨ́h! Okɛ́l bɨ́h! Bɨ̌h kǎ cɛmá bɨ́n ó, bɨ̌n jɨ̂ʼlaa e Nzyɛ̌m ɨ́ lɔ̌b wɨ́h, ó lɔ́ɔ́ dí edumo e Tî Yésʉs wɨ́, wé tôʼ dóló le emyaŋlǎ kám e kám, ó bʉr dwêʼ lɔ́ɔ waá dúu, dû mpʉ bɨ́n bɨɛ dí egúmlo wé yɨ́.

Filipi 2:1

Búʼó bɨ́n dí ebúʼlǎ Yésʉs-Krîst yɨ́, yé así gbâ bɨ̌n nkul ɨ́ miléme ɛ̌? Kpɛ̌l yé, yé así dwe bɨ́n nkul ɨ́? Nzê bɨ̌n bɨ́ pûhla e Sísǐm mé Nzyɛ̌m? Bɨ̌n bé así kpɛla le ejɨ̂ʼ nkóó páʼ nyɨ́n? Mpʉ yé dí nó yɨ́,

Kolosi 2:1

Mě kpɛl ó, bɨ̌n gʉ́ŋaa bisyɛ́ɛ́ mé dí eséa lɨ́ esú lɨ́n bí. Yé ntémé, yé ó lɨ́ esú é bʉ̂r ó Laodiséa, ndu e baá bɨ́bɛ̂h dí apǎ bee mé mpǒm bá.

2 Korɛnt 4:5

Ebě, bɨ̌h bé atúnǒ lɔ́ɔ́ wɨ́h, bɨ̌h bʉr o tɨ̂. Lɔ́ɔ́ bɨ́h dí etúno wɨ́, wé dumo ó e Yésʉs-Krîst, dí Tî gá wɨ́ná nyá. Nó, bɨ̌h bɨɛ ó dí osyɛ̂l o mésá bɨ́n lɨ́ esú mé Yésʉs.

2 Timotɛ 4:1

Me lɨ́ edî gó ɨ́ hwɨ́m ɨ́ míh mé Nzyɛ̌m Sɔ́ŋ, bé e Yésʉs-Krîst: (Yésʉs waá ó múo nzě tíʼe míkublakúbla le odwe milɔ̌b nyá.) Myúú mímboʼlá mimbá, myé ó: nzéá nyé óbáʼǎ nze wɨ́, le Mpóʼo nyé ójwɨ́ɨ nyɨ́. Mě tyél gó etié ó, ɨ́ míé mé óboʼlo onâ baá ó:

Kolosi 1:8

Nye ó b'á lɛ́ɛ bɨ̌h kpɛ̌l Sísǐm mé Nzyɛ̌m wé á dwe bɨ̌n lɨ́ esú é bɨ́ɔɔ́ gá bɨ́ná yɨ́.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

2 Korɛnt 12:10

Sá tɨ̂ʼ ó mé dí e bisʉhʉʉ ɨ́ léme yɨ́, ó me díʼee tyɛʼbol, me lwɨ́ɔɔ, me síaa e mitúú e mindɛ̌l, le ntémé, me tíblɔɔ le esáŋɔɔ míngamla lɨ́ esú mé Krîst. Ebě, ɨ́ jɔʼ mé dí lɨ́ etyɛʼ yɨ́, ɨ́ jɔʼ gwár e gwár yaá ó mé dí e nkul ntémé.