Rôm 15:3 - Kálar Nzyɛ̌m : Ejwán é Sáá

³ Damá jóʼǒ Krîst mʉr tɨ̂, nye á bé asáǎ nyɔm wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Baányâ-melwɨ́ɨ dí elwɨlwɨ́ɨ gó bá, bé mû kǎ lwɨ́ɨ ó, me.»

Kálara Zyɛ̌m Edwán é mpʉ̌n

³ Dam be Krɨst nye mʉr tɨ, nye a baasaa nyɔm we. Yé ó mpʉ yé ndɨ tila é Kalara Zyɛm é lʉ mo Krɨst ɨ. Yé ó tila ó: «Baanya-molwɨɨ lé elwɨɨ-lwɨɨ go e, bé mu ka lwɨɨ ó me!»

Rôm 15:3 ပူးပေါင်းရင်းမြစ်များ

Filipi 2:8

Ɨ́ twiʼ mʉ̂r nyé á nʉa yɨ́, nye á si jɔr nyʉ̂l nyé. Nye á si sâ Nzyɛ̌m mejóʼo, damá jóʼo nyé á lómo nye ó, nye ntáa dwě bébebébe eswie ɨ́ kolôs kʉ́.

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Yʉanes 5:30

«Mé abe e nkul esâ yʉ́ʉ́ sɔ̂ʼ e mɛm mʉr tɨ̂. Mě tíʼé mílɔ̌b ó, njɨ̌ mpʉ̌ Nzyɛ̌m dí elɛ́ɛ mé yɨ́. Etíʼ é mílɔ̌b lâm, lé ó tîtyěl, ebě, mé abe lɨ́ esâ mpʉ mé dí egwɨ̂m yɨ́, njɨ̌ mpʉ mʉ̂r á ntɨh me nyá dí egwɨ̂m yɨ́.

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Yʉanes 8:29

Mʉr á ntɨh me nyá, bɨ̌h e né ó dí. Nye á bé alíʼe mé me omér, ebě, mě sá jɔʼ yɨ́yɛ̂h ó, syɛ́ɛla nyé dí ebee mbɨ̂mbɨá yɨ́.»

Mataos 26:42

Nye ntɔ̂ʼ báʼǎ tô ɨ́ jɔʼ mbá, tó jɨʼla e Nzyɛ̌m. Nye e né ó: «Dâ ɛ̌, yé óbe, abána ó, mitúú mîʼ láŋaa me, me l'abɔma e myé nó, sáʼ mpʉ̌ gwɨ́má yô dí yɨ́.»

Mataos 10:25

Mpʉ́n sâʼ mpʉ mʉ̂r á lɛ̂ʼle nye nyá á sâ yɨ́; syɛ̂l mesâ sâʼ mpʉ njwɨ́ɨ wé. Nó ó dí ejala yɨ́. Lʉ́ mbɛ̌r bʉ̂r sí jwɨrɔɔ díe ó, “Béelzébul” nó, yé lɛ́ʼlé ó, bʉr ó mbɛ̌r bʉ̂r waá bɨ́ɛ, bé ókǎ jwɨrɔɔ míe me dí ɨ́ buú bébe má!»

Yʉanes 15:24

Yé bé me á bé asâ páʼ nyɔ́ɔ́ mbi bísyɛ́ɛla nyʉ́ʉ́ mʉ̂r á be apǎ sâ bí nó, lɛ́ɛ́, bé á bé agwá be e misyóm. Tó kœb ó, ɨ́ báánâ, bɨ́ bee bísyɛ́ɛla byâm. Bɨ́ɛ ntémé dína ó, lɨ́ ebene bɨ́h e Sɔ́ŋ wǎm.

Yʉanes 15:10

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

Mataos 26:39

Nye nzě bá tô dóló, ntɔ̂ʼ kúrwo sí, píʼe mpóm ɨ́ bibwǎh, nzě jɨʼla e Nzyɛ̌m. Nye e né ó: «Dâ ɛ̌, yé óbána nó, sáʼ ó me l'ayɨ́ bɔma e mitúú mî. Sâ gwár, yé díʼee, abě mpʉ mé dí ekpɛl yɨ́, njɨ mpʉ gó dí ekpɛl yɨ́.»

Mataos 27:44

Binzilngǎn bibá bé le onɔ́ɔ́ bé á bomlɔɔ ɨ́ bikolôs bí, byé ntémé ntɔ̂ʼ táare épyaŋɔɔ nyé jwɨʼ gwár yaá.

Filipi 2:5

Diʼee gá e lémé kpɛ̌l, mpʉ̌ Yésʉs-Krîst á kpɛl bɨ̌n yɨ́!