Rôm 15:2 - Kálar Nzyɛ̌m : Ejwán é Sáá

² Mʉr nyɨnyɛ̂h ɨ́ sɔ́má gá yɨ́ná, nye sâʼ syɛ́ɛla mɨ́ɔɔ́ wé mʉr ókpɛl yɨ́. Nye sâʼ yaá yé óbɛ̌m be e nyɔm ɨ́ páʼ mɨ́ɔɔ́ waá ó, nye gwɨ́aa ɨ́ búʼó yɨ́!

Kálara Zyɛ̌m Edwán é mpʉ̌n

² Mʉr nyiwɛh é sama ga yina, nye saʼ syɛɛla mɨɔ we mʉr ókpɛl ɨ. Nye saʼ yaa yé óbɛm be e nyɔm é nko paʼ mɨɔ we waa, ó nye gwɨa é buʼo e.

Rôm 15:2 ပူးပေါင်းရင်းမြစ်များ

1 Korɛnt 10:24

Mʉ̌r sá asáǎ nyɔm wé. Mʉr sáŋaa sá dí e nyɔm lɨ́ esú é bʉ́ʉ́ bʉ̂r yɨ́.

Rôm 14:19

Mpʉ yé dí nó yɨ́, mɨná gbâʼ gá nkul lɨ́ esâ bísyɛ́ɛla bi dí esâ ó, sɔ́má gá yɨ́ná tíʼaa ɨ́ mepyɛbla bí, ti e byaá ngá sâ ó, bʉ́ʉ́ bʉ̂r, bé gwɨ́aa ɨ́ búʼó bí!

1 Korɛnt 10:33

Sáʼ gá mpʉ mê. Mě gbá nkûl ó, bʉr bɨ́bɛ̂h, bé kpɛ́lɨɨ me ɨ́ sá yɨ́yɛ̂h mé dí esâ yɨ́. Mé asáǎ nyɔm wâm, njɨ waá bʉ̂r ɨ́ buo buo, ó bé bíʼee twǐʼ njʉ̌m dǐ.

1 Korɛnt 13:5

Yé ásá sá sôn. Yé ásáá sɔ̂ʼ njɨ nyɔm wé. Yé ádíʼá léme. Mʉr dí e kpɛ̌l nyá, nyé abaʼra.

1 Korɛnt 10:23

Bʉ́ʉ́ bʉ̂r, bé lɛ́ɛ́ ó: «Mɨná bé e nkul esâ gá sá yɨ́yɛ̂h.» Yé ó nó. Sâ gwár, ntʉ̌ sá yɨ́yɛ̂h dí e nyɔm. «Mɨná bé e nkul esâ gá sá yɨ́yɛ̂h.» Yé ó nó. Sâ gwár, ntʉ̌ sá yɨ́yɛ̂h dí e nkul etyen bʉ̂r lɨ́ esóʼ é nzɨ́ mbɨ̂mbɨá.

1 Korɛnt 14:3

Tó kœb ó, ngwíha milɔ̌b mé Nzyɛ̌m nyɨɛ, nye ó dí elwib e bʉr o bé e boo nɔ́ɔ́ dí bá. Nye lɨ́ egbâ bé pîm ɨ́ búʼó, le etɨ́e bé, le epóblo bê.

1 Korɛnt 14:26

Bɨ́ɔɔ́ bâm! Okɛ́l bâm! Mɨná bé ókǎ lɛ́ɛ gá nyá? Jɔʼ bɨ́n dí egwɨ̂hla yɨ́, nyâʼ mʉ̂r, nye ó e jɨ́m nyé ódyɛɛ yɨ́. Nyʉ́ʉ́, e lɛ́ʼlá nyé ódwe wɨ́. Nyʉ́ʉ́, e gúú solá sɔ̂ʼ nyé ógwîh wɨ́. Nyʉ́ʉ́, nyě e lɔ́ɔ ɨ́ lwǐb ayogoyogo. Nyʉ́ʉ́, nyě e nkul epâʼlǎ sá lwǐb ayogoyogo yaá dí elɛ́ɛ yɨ́. Yé jala ó, syɛ́ɛla yaá yɨ́yɛ̂h gbâʼ Mbɛ̌r-Nzyɛ̌m pîm ɨ́ búʼó.

2 Korɛnt 12:19

Táare mélú mé épíhe, kumo ɨ́ báánâ, bɨ̌n jaá gbɨ̂gba ɨ́ milʉ́ mín ó: «Pɔ̂l mû ó lɨ́ esâ mínkar ɨ́ míh gá mɨ́ná.» Yé akúnwo bá nó. Mě jaá kar nkâr nyǎm ó, njɨ ɨ́ míh mé Nzyɛ̌m, ɨ́ mpʉ̌ Krîst dí ekpɛl yɨ́. Bʉr ó kpɛ̌l bâm ɛ̌! Bɨ̌h sá bísyɛ́ɛla bínɨ̌ bíbyɛ̂h ó, lɨ́ esâ ó, búʼó yɨ́n, yé gwɨ́aa.

2 Korɛnt 13:9

Bɨ̌h bé lɨ́ esoho ɨ́ jɔʼ bɨ́h dí enyɨ̂n bítyɛʼbol, bɨ̌n bɨɛ baánkunkúl yɨ́. Lʉ́ ékǎn ɨ́ minjɨʼla míh wé ó, bɨ̌n gwâ kwɨmlɨ mbɨ̂mbɨá nó.

Éfɛsɔs 4:12

Nyě sá nó ó, lɨ́ esú é bʉ̂r o mé Nzyɛ̌m, ó bé díʼee bʉr o dí e nkul elóŋlǒ syɛ́ɛ́ yé bá. Nyě lɛ́ʼlé bé esâ nó ó, lɨ́ esú lé édwě Mbɛ̌r-Nzyɛ̌m (dí nyʉ̂l mé Krîst wɨ́) megwɨ́e.

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.