Rôm 15:18 - Kálar Nzyɛ̌m : Ejwán é Sáá

¹⁸ Me álwǐb sá swîh, njɨ̌ syɛ́ɛ́ Yésʉs-Krîst á séa e nzɨ̌ nyǎm, ó me dúlaa bʉr o dí abe óYúden bá, nze e bé ɨ́ míh mé Nzyɛ̌m yɨ́. Bé mû ó lɨ́ esâ nyé mejóʼo ɨ́ lɔ̌b bílwǐb mé á lwilwib bí byaá, ti e bisyɛ́ɛla mé á sɨ̂sa bí.

Kálara Zyɛ̌m Edwán é mpʉ̌n

¹⁸ Me aŋa lwib sa fih, njɨ syɛɛ Yesʉs-Krɨst a sea é zi wam, ó me dula bʉr o ndɨ abe oYʉden ɨ, pyal e be é mih mo Zyɛm. Bé mu ó lé esa nye mojoʼo ebe bɨlwib me a lwib-lwib ɨ, ndwe e bɨsyɛɛla me a sa-sa ɛ.

Rôm 15:18 ပူးပေါင်းရင်းမြစ်များ

Mɨlʉmlʉ 15:12

Bʉr ó bʉm bɨ́bɛ̂h ntɔ̂ʼ di ɨ́ jolaaa ɨ́ jɔʼ bé á jóʼo Banabâs, bé e Pɔ̂l lɨ́ elɛ́ɛ bé lɔ́ɔ́ tɨ̂ʼ yɨ́: mpʉ̌ Nzyɛ̌m á sâ mesimá, ti e bisá bí ékâm témé bʉr o b'á be abe oYúden bá yɨ́.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Mɨlʉmlʉ 21:19

Pɔ̂l nzě bára e bê. Nye nzě lɛ́ɛ̌ lɔ́ɔ, dumo e bisyɛ́ɛlǎ Nzyɛ̌m á sâ e nzɨ̌ syɛ́ɛ́ yé yɨ́. Bisyɛ́ɛla byaá, byé á be ó páʼ bʉr o dí abe óYúden bá. Nye á lɛ́ɛ byé ó gúgwár.

Galásia 2:8

Mʉr ngwár e ngwár á séa e nkul ɨ́ Pétrus tʉ́ŋlʉ̌, ó nye tôʼ kwá oYúden nyá, nye ntémé ó dí eséǎ jɔʼ yɨ́yɛ̂h ɨ́ me lɨ́ esú é bíkúl bíswîh.

Rôm 16:26

yaá mû sí nyɨ̂n ɨ́ ponó yɨ́. Lɔ́ɔ waá, wé á boo be ó cɛmá lɨ́ mekaná mé ógwíha o mílɔ̌b. Bikúl bíbyɛ̂h, byé mû kǎ gʉ́a wé ó, dû mpʉ̌ Nzyɛ̌m á boo tyêl etié lɨ́ esú lɔ́ɔ́ yɨ́. Nzyɛ̌m dí njʉ̌m dǐ e njʉ̌m dǐ nyá, á lɛ̂ʼle byé lɔ́ɔ́ mé Yésʉs waá ó, byé nkʉ̂ dyɛ̂ʼwo e né, le esâ nyé mejóʼo.

Yʉ̂d 1:9

Tó kœb ó, njwɨ́ɨ beéngeles Michel mʉr tɨ̂ʼ á bé antuhlo sɔ́ŋ meleme, mʉr bé e nɔ́ɔ́ á pa pére mekǎn, lɨ́ edǐ gʉ́ǎ mpʉ̌ múú mé Moyɨ̂z, wé á jala le edebe yɨ́ nyá. Ɨ́ jɔ̌ʼ Michel á dwe sɔ́ŋ meleme mebě yɨ́, nye á bé antuhlo nyê. Nye á jaa lɛ́ɛ ó: «Dâ Nzyɛ̌m, nye ntɨ́ʼɨɨ go!»

1 Yʉanes 3:18

Bwán bâm, yé ajala ó, kpɛ̌l gá yɨ́ná, yé nyɨ́nɨɨ njɨ ɨ́ mekǎn mɨ́ná dí elɛ́ɛla gá má. Yé ɨ́ jala le enyɨ̂n ó, ɨ́ bisyɛ́ɛla mɨ́ná dí esâ gá lɨ́ otyeetye bí.

Jacques 1:22

Sá Nzyɛ̌m mû lɨ́ elɛ́ɛ bɨ́n yɨ́, bɨ̌n e sá yé mejóʼo. Ayɨ́ jóʼo gá njɨ e megwǎl. Bɨ́n jóʼó njɨ e megwǎl nó, lɛ́ɛ́, bɨ̌n kʉ́á ó bɨ̌n bʉr o tɨ̂.

Ebrœ̂ 11:8

Ɨ́ lɔ̌b búʼó, Abraham á si sâ Nzyɛ̌m mejóʼo ɨ́ jɔʼ nyé á jébe nye ó, nye tôʼ di ɨ́ sí Nzyɛ̌m á be ó, nyě dwé ó nye yɨ́. Nye á tô ó, apʉgʉ́ gʉ́ǎ titii gúmó nyé á be ó, nye tôʼ di yɨ́.

Ebrœ̂ 5:9

Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

Kolosi 3:17

Sá yɨ́yɛ̂h bɨ́n dí esâ, nkʉ̂ lɛ́ɛ yɨ́, yé díʼee pɨrá e díé mé Tî Yésʉs. Dwéʼ gá Nzyɛ̌m Sɔ́ŋ nzyǒo ɨ́ díé lé.

2 Korɛnt 12:6

Mé nyɛ́l énkʉ́na ɨ́ mɛm mʉr tɨ̂ʼ nɛ́ɛ: ntʉ̌ syɛ́ɛla yaá ngá liŋ mé gʉʼlʉgʉ́, ebě, me ólɛ́ɛ yɨ́ɛ otyeetye. Sâ gwár, mɨ́ kamle mé mʉr tɨ̂ʼ lɨ́ esâ nó, lɨ́ ebene ó, nyʉ́ʉ́ mʉ̂r ámû kǎ dwáawo mé ɨ́ buo buo, laǎ bím bísyɛ́ɛla nyé dí ebee mé lɨ́ esâ bí. Nye ámû dwáawo mé ɨ́ buo buo, laǎ bím mílɛ́ʼlá nyé á pa jóʼo me lɨ́ edwe bʉ̂r mí.

2 Korɛnt 11:31

Waá dí Nzyɛ̌m mé Tî Yésʉs-Krîst, waá dí Sɔ́ŋ wé nyá, nye lɨ́ egʉ́a ó, mé alɛ́ɛ bíbɛr. Nye díʼee e kûm njʉ̌m dǐ e njʉ̌m dǐ.

Rôm 6:17

Mɨná dwêʼ gá Nzyɛ̌m nzyǒo. Bɨ̌n bʉr o b'á nyɛɛ be bitúʼǎ bí syóm bá, bɨ̌n mû ɨ́ báánâʼ ó, sí sâ méjóʼo e milémé mín mímyɛ̂h, lɨ́ edû mbi mílɛ́ʼlá mû lɨ́ ebaʼle bɨ́n mí.

Mɨlʉmlʉ 26:20

Me á jaa nyɛl ó, njɨ túnó Mbɨambɨa Lɔ́ɔ, táare e bʉr ó Damâs, kala e baá ó Yerʉ́zalɛm, ti e baá bɨ́bɛ̂h dí ɨ́ sí Yʉ́da bá, dumlo e bʉr o bíkúl bíswîh. Me á lɛ́ɛ e bé ó, bé túmaa mikoo e misyóm myɔ́ɔ́, le edwira míléme. Bé e dyɛ́ʼwó e Nzyɛ̌m, le esâ bísyɛ́ɛla bi dí elɛ̂ʼle ó, bé mû ó otîtyěl o bʉ̂r, le miléme mindwirá bí.

Mɨlʉmlʉ 15:4

Jɔʼ bé á pyâl Yerʉ́zalɛm yɨ́, bʉr ó Mbɛ̌r-Nzyɛ̌m, bé á si nʉa bê, bé e bʉr o mílʉ́mlʉ́ mé Yésʉs, bé le otyɛ̂b bé ésôʼ ó Mbɛ̌r-Nzyɛ̌m. Bʉr o b'á duhǒ Antiôs bá bɨɛ, bê nzě lɛ́ɛ bé sá yɨ́yɛ̂h Nzyɛ̌m á sâ ɨ́ sɔ́má yɔ́ɔ́ yɨ́.

Mɨlʉmlʉ 14:27

Jɔʼ bé á pyâl Antiôs yɨ́, bê nzě jébe bʉ̂r ó Mbɛ̌r-Nzyɛ̌m, lɛ́ɔɔ bé bisá bíbyɛ̂h Nzyɛ̌m á sâ e nkul nyé bí. Bé á lɛ́ɛ ntémé ó, Nzyɛ̌m á si cwɨ́a ntémé e bʉr o dí abe óYúden bá, lɨ́ edwe bé nkul edyɛ̂ʼwo e né.

Markus 16:20

Nó ó ómpʉ́n bé, bé á to le etúno Mbɨambɨa Lɔ́ɔ ɨ́ gúmó yɨ́yɛ̂h yɨ́. Píe lɔ́ɔ́ bé á túno wɨ́, Tî Yésʉs á ntɨntɨh mesimá ó, maá me dí eboʼlo ó, lɔ́ɔ́ wɔ́ɔ́, wé á kʉ be ó tyeetye má.]

2 Korɛnt 6:1

Ebě, Nzyɛ̌m lɛ́ɛ́ ó nɛ́ɛ: «Ɨ́ jɔʼ yé á jala yɨ́, me á si jóʼo go. Ɨ́ móhó mé á tiʼ bʉ́ʉ́ bʉ̂r wɨ́, me á si kɛm go ntémé.» Nó mpʉ bɨ́h dí esɨséǎ Nzyɛ̌m syɛ́ɛ́ gwár yaá yɨ́, bɨ̌h bé lɨ́ ejɨʼla e bɨ̌n ó, bɨ̌n ayɨ́ bi mpâm mé Nzyɛ̌m dwêh. Jɔ̌ʼ Nzyɛ̌m á kam ó, nye óyala mɨ́ná gá yɨ́ ó yɨ̂. Móhó nyé á tyêl lɨ́ esú lé étiʼ mɨ́ná gá wɨ́ ó wɨ̂.

2 Korɛnt 3:5

Yé abá kúnwo e bɨ̌h ó, bɨ̌h lɛ́yɨɨ ó, bɨ̌h bé ó bʉr o jálá le eséǎ syɛ́ɛ́ yaá bá. Nkul dí ó, bɨ̌h séaa yé nyɨ́, nyé aduho ɨ́ bɨ̌h. Nyě duhó ó, njɨ kwá mé Nzyɛ̌m.

Mataos 25:16

Píe tɨ̂, waá á nʉa mebɨ́ʼ bímɔnɨ́ bí gʉ̂l metɛ̂n nyá, nzě tô ɨ́ jɔʼ gwár yaá, tó bul byê. Nye nzě báʼǎ bi mʉ́ʉ́ mébɨ̂ʼ metɛ̂n.