Rôm 15:12 - Kálar Nzyɛ̌m : Ejwán é Sáá

¹² Ngwíha milɔ̌b Ésayie á lɛ́ɛ ntémé ó: Nyʉ́ʉ́ mʉ̂r óbyɛ̂l ɨ́ mpóʼo mé Yesê mpʉ̌ ntoʼdu pɨ́páh ɨ́ kǔm lɨ́ yé á twɛlɔɔ yɨ́. Nye ónzě di njwɨ́ɨ ɨ́ páʼ bʉ̂r o dí abe óYúden bá. Milémé myɔ́ɔ́, myé ólóno ɨ́ mpûʼla ó, ebě, bé lɨ́ ebóno nyê.

Kálara Zyɛ̌m Edwán é mpʉ̌n

¹² Ngwiha mɨlɔb Ezayi a lɛɛ nteme ó: «Nuu mʉr mpoŋbʉr mo Yese óbyɛl mpʉ ntoʼdu, ntɔʼ jwɨ̀ʼ bʉr o ndɨ abe oYʉden ɨ. Mɨleme myɔɔ, myé óloŋlo e mbɛla ó, ebe, bé ebono nye.»

Rôm 15:12 ပူးပေါင်းရင်းမြစ်များ

Mataos 12:21

Milémé mí bʉ̂r o dí abe óYúden bá, myé ólóno ɨ́ mpûʼla ó, ɨ́ lɔ̌b nkûl díé lé.

Mɨngwiha 22:16

«Mɛm Yésʉs, me á si lómlo bɨ̌n éngeles wǎm ó, nye ntáa nzě boʼlo gó milɔ̌b mi dí edwɛ̂ʼ Mbɛ̌r-Nzyɛ̌m mí. Mɛm, me ó mâ nta mé David, waá á byɛ̂l mpʉ̌ ntoʼdu á pâh ɨ́ kǔm lɨ́ yé á twɛlɔɔ twɛlɨ́ɨ yɨ́ ny. Me ntémé ó dí twítwén dí ɨ́ buú pan ɨ́ melɔ́ma mé mɛ́n nyá.»

Mɨngwiha 5:5

Nó ó, nyʉ́ʉ́ tɔ́má mʉr lɨ́ otɔ́má bʉ̂r baá á lɛ́ɛ e me ó: «Sá akǎ jɨ. Jwɛ́ʼɛ́ɛ, ngbampɨɨ, wɨ́ pyâl, duho lɨ́ onzweh mé Yʉ́da! Wé ó mâ nta mé David, waá á byɛ̂l mpʉ̌ ntoʼdu á pâh ɨ́ kǔm lɨ́ yé á twɛlɔɔ twɛlɨ́ɨ yɨ́ nyá. Wɨ́ɛ, wé á si ntaa sá yɨ́yɛ̂h. Wé ó b'á dweŋɔɔ nkul dí ó, wé pɛ́ʼɛɛ bisitâm nzaangbá byaá, bɛ́ɛ mékaná dí pílá má.»

1 Korɛnt 15:19

Yé bé milémé gá míná jaá didyɛ̂ʼwo ɨ́ Krîst ó, njɨ ɨ́ twǐʼ sí yɨ̂ʼ nó, lɛ́ɛ́, mɨná gá bé e nkoó, laa bʉ̂r ó sí yɨ̂ʼ bɨ́bɛ̂h.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

1 Yʉanes 3:3

Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.