Rôm 15:1 - Kálar Nzyɛ̌m : Ejwán é Sáá

¹ Mɨná gâ, bʉr o b'á nʉa pîm ɨ́ búʼó bá, bé ɨ́ jala le edûhwo bʉ̂r o dí e búʼó ɨ́ tyɛʼ tyɛʼ bá. Mɨná bé ajala le esáa gá minyɔm gá míná.

Kálara Zyɛ̌m Edwán é mpʉ̌n

¹ Bɨna ga, bʉr o b'a nʉa pim é buʼo e, bé ejala le edihbe bʉr o ndɨ é cyɛʼ buʼo e. Bɨna bé ajala le esaa ga mɨnyɔm ga mina.

Rôm 15:1 ပူးပေါင်းရင်းမြစ်များ

1 Tesalonika 5:14

Bɨ́ɔɔ́ bâm! Okɛ́l bâm! Bɨ̌h jɨʼlá e bɨ̌n ó, bɨ̌n cɨ́lɨɨ bʉr o dí esâ épɨ̂h bá. Póbláá gá baá o dí e bʉ́á ɨ́ miléme bá. Kɛmɨɨ gá baá o dí ɨ́ tyɛʼ bá. Júhwáá gá bʉr bɨ́bɛ̂h.

Rôm 14:1

Beŋlaa gá mɨ́ɔɔ́ dína apǎ nʉa pîm ɨ́ búʼó nyá. Búʼó yé le yaá yɨ́n, byé ósyɛ́ɛla nó, apére gá mekǎn e né ɨ́ lɔ̌b bwá mílɔ̌b mi dí epahlɔɔ mímbi mimbi tʉ́ŋlʉ̌ Mbɛ̌r-Nzyɛ̌m mí.

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.

1 Yʉanes 2:14

Osɔ́ŋ, mě cɛmá bɨ́n ó, ebě, bɨ̌n bɨ́ gʉ́a mʉ̂r á boo be, kʉ́ e sí apǎ bě kuhá nyá. Biloʼo, mě cɛmá bɨ́n ó, ebě, bɨ̌n bé e nkul. Lwǐb mé Nzyɛ̌m, yé lɨ́ edi ɨ́ milémé mín. Bɨ̌n ntémé, bɨ̌n bɨ́ ntaǎ Sátan.

2 Timotɛ 2:1

Mwân wǎm, go náǎ ó e nkul dí eduho ɨ́ metyɛʼ me mpóm Nzyɛ̌m á sʉ go, ɨ́ nzɨ̌ mé Yésʉs-Krîst má nyɨ́.

Rôm 4:20

Damá jóʼǒ mpʉ yé á be nó yɨ́, nye á be ɨ́ kʉ́ gʉ́a yɨ́ɛ ó, nye óbánǎ bǐ sá Nzyɛ̌m á kɛʼ nye yɨ́. Nye á bé asóŋlo ɨ́ lémé wé tʉ́ŋlʉ̌. Búʼó yé, yé á be ó, lɨ́ elɨl nyê. Nye nzě dwě Nzyɛ̌m kûm ɨ́ lɔ̌b nkɛ́ʼ nyaá.

Éfɛsɔs 6:10

Ekǎn lé épíhé mé mû o nzě lɛ́ɛ bɨ́n lɨ̂, lé ó, bɨ̌n gbâʼ nkul ɨ́ mpúhlá nyɨ́n e Tî Yésʉs. Biʼee gá pîm nɨ́nɨ́ɨ́, duho e né.

2 Korɛnt 12:10

Sá tɨ̂ʼ ó mé dí e bisʉhʉʉ ɨ́ léme yɨ́, ó me díʼee tyɛʼbol, me lwɨ́ɔɔ, me síaa e mitúú e mindɛ̌l, le ntémé, me tíblɔɔ le esáŋɔɔ míngamla lɨ́ esú mé Krîst. Ebě, ɨ́ jɔʼ mé dí lɨ́ etyɛʼ yɨ́, ɨ́ jɔʼ gwár e gwár yaá ó mé dí e nkul ntémé.

1 Korɛnt 4:10

Bɨ̌h mû ó bigʉ̌ lɨ́ esú mé Krîst; bɨ̌n bɨɛ, bé ó mipɨpɨ́ʼ ɨ́ nye. Bɨ̌h bé ó bityɛʼbol; bɨ̌n bɨɛ, minjɨ́h mí bʉ̂r. Bɨ̌h bé lɨ́ epyéhɔɔ; bɨ̌n bɨɛ, bé lɨ́ edweŋɔɔ̌ dúu.

Rôm 14:2

Ɨ́ lɔ̌b méde, nyâʼ mʉ̂r, nyě beé ó, nye óbɛ̌m dě dœʼ yɨ́yɛ̂h, agbah métié mé Nzyɛ̌m. Nyʉ́ʉ́ mʉ̂r dí agwá be e búʼó nyá, jaá dɨdě njɨ micwíʼ.

Filipi 2:4

Mʉr nyɨnyɛ̂h ɨ́ sɔ́má yɨ́n, nyě sá agwɨ̂m sá yé óbe nyé e nyɔm yɨ́. Mʉr nyɨnyɛ̂h ɨ́ sɔ́má yɨ́n, nye tóŋlaa ntémé sá bʉ́ʉ́ bʉ̂r, bé ódirǎ nyɔm e tɨ̂ʼ yɨ́.