Rôm 14:9 - Kálar Nzyɛ̌m : Ejwán é Sáá

⁹ Ebě, Krîst á si dwe, nzě pah, ó nye díʼee Njwɨ́ɨ ɨ́ páʼ bʉ̂r o dí ɨ́ twiʼ bá, ndu e baá o mû sí dwe bá.

Kálara Zyɛ̌m Edwán é mpʉ̌n

⁹ Ebe, Lœma mulo mo Zyɛm nye mʉr tɨʼ a si dwè, ze pàh, ó nye diʼe Tî wina é l'efu e mɨkubla le odwè e.

Rôm 14:9 ပူးပေါင်းရင်းမြစ်များ

Mɨngwiha 1:18

Me ó waá dí kublakúbla nyá. Me á si dwe. Paá bee gâ: me mû ó, ɨ́ twǐʼ njʉ̌m dǐ! Me ó dí le osab o dí edib kwár odwe bá.

Lʉkas 24:26

Bé á si lwib, dumo e Mʉ̌r Nzyɛ̌m á lœm múló mé jwɨ́ɨ nyá. Bé á cɛma ó, yé jala ó, nye síaa e mitúú nó, mpʉ̌ Nzyɛ̌m á kpɛl yɨ́, ó nye tôʼ di ɨ́ diá kûm nɨ́nɨ́ɨ́ yé.»

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

2 Timotɛ 4:1

Me lɨ́ edî gó ɨ́ hwɨ́m ɨ́ míh mé Nzyɛ̌m Sɔ́ŋ, bé e Yésʉs-Krîst: (Yésʉs waá ó múo nzě tíʼe míkublakúbla le odwe milɔ̌b nyá.) Myúú mímboʼlá mimbá, myé ó: nzéá nyé óbáʼǎ nze wɨ́, le Mpóʼo nyé ójwɨ́ɨ nyɨ́. Mě tyél gó etié ó, ɨ́ míé mé óboʼlo onâ baá ó:

Mɨlʉmlʉ 10:42

Nye á si lɛ́ɛ e bɨ̌h ó, bɨ̌h tôʼ le etúnǒ Mbɨambɨa Lɔ́ɔ́ wé, ó: Yésʉs ó dí mʉ̌r Nzyɛ̌m á tyêl ɨ́ dǐ tîʼ milɔ̌b, waá ngá tíʼe míkublakúbla le odwe milɔ̌b nyá.

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

1 Pyɛr 4:5

Bé ókar mílɔ̌b myɔ́ɔ́ ɨ́ mpǒm mé Nzyɛ̌m. Nye mû ó ɨ́ cǎr ó, nye tíʼaa mikublakúbla le odwe milɔ̌b.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

2 Korɛnt 5:14

Sá dí etíne bɨ́h, ó bɨ̌h túnaa Mbɨambɨa Lɔ́ɔ́ mé Nzyɛ̌m yɨ́, yé ó kpɛ̌l Krîst á gbâ bɨ̌h ɨ́ miléme yɨ́. Mbeá wɨ́h, wé ó, mpʉ mʉ̂r ngwár á dwe lɨ́ ebúra e bʉr bɨ́bɛ̂h yɨ́, yé lɛ́ʼlé mɨ́ná gá ó, bʉr bɨ́bɛ̂h, bé á si dwe.

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Mɨngwiha 2:8

«Cɛmaa mékaná ntémé éngeles dí edwéelě Mbɛ̌r-Nzyɛ̌m, waá dí ɨ́ Smírna wɨ́ nyá. Lɛ́yɨ́ɨ́ nyé ó: Waá dí mʉr esôʼ ndu e waá epíhe, waá á dwe, báʼǎ pah nyá, nye lɨ́ elɛ́ɛ bɨ́n ó:

Yʉanes 12:24

Mě lɛ́ɛ́ bɨ́n lɨ́ otyeetye ó, bumó, yé ódidi gwár ó, jɔʼ yé dína apǎ swahɔɔ ɨ́ bibwǎh yɨ́. Bumó sí swahɔɔ ɨ́ bibwǎh, pâh nɛ́ɛ: yé ógúmo mpúmó menkû menkû.

Rôm 10:9

Mekaná mé Nzyɛ̌m, mé lɛ́ɛ́ ó: gó ólɛ́ɛ ɨ́ num gô go mʉr tɨ̂ʼ ó, «Yésʉs ó dí Njwɨ́ɨ!» le ebúʼla tʉ́ŋlʉ̌ lémé gô ó, Nzyɛ̌m á si pɛh nye lɨ́ odwe nó, nye ódwe gó twǐʼ njʉ̌m dǐ.

1 Tesalonika 4:14

Ɨ́ mpʉ mɨ́ná dí ebúʼla gá ó, Yésʉs á si dwe, báʼǎ pah yɨ́, nó ó mɨ́ná dí ebúʼla gá ntémé ó, Nzyɛ̌m ópɛh ódwe ɨ́ nzɨ̌ mé Yésʉs, ntɔ̂ʼ dâʼre bé e boo Yésʉs jwɨʼ gwár yɨ́.

1 Tesalonika 5:10

Nye ó b'á búra e mɨná gâ. Nye á sâ nó ó, mɨná bíʼee gá twǐʼ njʉ̌m dǐ, mɨná gá le onɔ́ɔ́. Mɨná damá di gá ɨ́ twiʼ, nkʉ̂ ntémé dwe, ɨ́ jɔʼ nyé ónze yɨ́, mɨná bé ótíʼe gâ, mɨná gá le onɔ́ɔ́.