Rôm 14:7 - Kálar Nzyɛ̌m : Ejwán é Sáá

⁷ Abe e mʉr ngwár ɨ́ sɔ́má gá yɨ́ná dí etiʼe, nkʉ̂ dwe, lɨ́ esú lé, nye mʉr tɨ̂.

Kálara Zyɛ̌m Edwán é mpʉ̌n

⁷ Abe e mʉr ngwar é sama ga yina lé etiʼe, nkʉ dwè, é l'efu le nye mʉr tɨ.

Rôm 14:7 ပူးပေါင်းရင်းမြစ်များ

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

2 Korɛnt 5:15

Nye á si búra e bʉr bɨ́bɛ̂h lɨ́ esú ó, bɨ́bɛ̂h tíʼaa. Tyé yɨ́yɛ̂h bé dína ɨ́ twiʼ yɨ́, bicwiʼ byɔ́ɔ́, byé ɨ́ jala le ebe e nyɔm ó, lɨ́ esú é mʉ̂r á pa búra e bé, ntɔ̂ʼ pah nyá. Bé akǎ jala le esáa myɔ́ɔ́ mínyɔm.

1 Tesalonika 5:10

Nye ó b'á búra e mɨná gâ. Nye á sâ nó ó, mɨná bíʼee gá twǐʼ njʉ̌m dǐ, mɨná gá le onɔ́ɔ́. Mɨná damá di gá ɨ́ twiʼ, nkʉ̂ ntémé dwe, ɨ́ jɔʼ nyé ónze yɨ́, mɨná bé ótíʼe gâ, mɨná gá le onɔ́ɔ́.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Rôm 14:9

Ebě, Krîst á si dwe, nzě pah, ó nye díʼee Njwɨ́ɨ ɨ́ páʼ bʉ̂r o dí ɨ́ twiʼ bá, ndu e baá o mû sí dwe bá.

Rôm 8:38

Yé ó nó. Mɨ́ kʉ́ gʉ́a ó, damá be éswie, damá bě twiʼ, damá be bééngeles, damá be mísísǐm mí édúrʉ́ʉ́ mi dí e jwɨ́ɨ mí, damá be ɨ́ báánâ, damá be ɨ́ bijɔʼ bi dí enze bí, damá be báányâ-nkul,