Rôm 14:5 - Kálar Nzyɛ̌m : Ejwán é Sáá

⁵ Bâʼ bʉ̂r, bé jwɨʼ ó, myúú mímóhó, myé lɨ́ elaa myúú ɨ́ dúu ɨ́ míh mé Nzyɛ̌m. Bʉ́ʉ́ bʉ̂r bɨ́ɛ jwɨjwɨʼ ó, mimóhó mímyɛ̂h, myé ó mbi ngwár ɨ́ mbeá wé. Bisyɛ́ɛla bi mʉ̂r nyɨnyɛ̂h, byé ɨ́ jala le eduduho ó, lɨ́ otîtyěl o mípahlá mí lémé wé.

Kálara Zyɛ̌m Edwán é mpʉ̌n

⁵ Bʉr ba, bé ejwɨʼ ó, myʉʉ mɨmoho, myé elaa myʉʉ é modile. Bʉʉ bʉr bɛɛ, bé ejwɨʼ ó, mɨmoho mimyɛh, myé edile ó jwɨʼ gwar. Bɨsyɛɛla bɨ mbuʼla nyiwɛh, byé ejala le eduho ó, é l'ocɨcyel o mɨpɛhla mɨ leme we.

Rôm 14:5 ပူးပေါင်းရင်းမြစ်များ

Rôm 14:23

Tó kœb ó, mʉ̂r ódě dœʼ e mesónó ɨ́ léme nó, nye óbi mébě ɨ́ míh mé Nzyɛ̌m ɨ́ ndéá waá, ebě, wé aduho ɨ́ búʼó yé. Ebě, syɛ́ɛla yɨ́yɛ̂h dí aduho ɨ́ búʼó yô yɨ́, yê go ó syóm.

1 Korɛnt 8:7

Sâ gwár, ntʉ bʉ̂r bɨ́bɛ̂h dí egʉ́a ótyeetye waá. Bʉ́ʉ́ bʉ̂r bɨ́ɛ, bɨ́ boó dyɛ̂m ɨ́ páʼ bíkpɛʼkpɛ̂ʼ bí ónzyɛ̌m. Kumǒ kumáa ɨ́ báánâ, jɔʼ bɨ́haá bʉ̂r dí ede tír waá yɨ́, bɨ́ɛ, bé sîsimsa ɨ́ jɔʼ yɨ́yɛ̂h ó, tír waá á si baŋɔɔ ɨ́ nzaá bikpɛʼkpɛ̂ʼ bí ónzyɛ̌m. Mipahlá mílémé myɔ́ɔ́, myé lɨ́ edwe bé mebě. Bé lɨ́ egʉ́a ó, bé óde tír waá nó, edɨ́ɨ́ é tír waá, lé ójaá lœʼ bé ó lœʼœ́œ ɨ́ míh mé Nzyɛ̌m.

Rôm 14:14

Ɨ́ mpúhlá nyɨ́h e Tî Yésʉs, me lɨ́ egʉ́a ntémé ó, ntʉ̌ dœʼ yé mʉr tɨ̂ʼ dí e nkul elœ̌ʼ lémé mʉ̂r. Sâ gwár, mʉr dí edě dœʼ yaá, nyɨɛ lɨ́ ejwɨʼ ó, yé ólœ̌ʼ lémé wé nyá, yé ó tyeetye: dœʼ yaá, yé ó lwǎʼ ɨ́ lémé mʉ̂r waá.

1 Korɛnt 8:11

Mʉr dí e mipahlá ɨ́ léme ɨ́ tɨ́ŋ nyá, nye ó mɨ́ɔɔ́ gá wɨ́ná Krîst á dwe lɨ́ esú lé nyá. Nyé ajala le edwe ɨ́ lɔ̌b sá gó dí ejébě «mpǎŋ ngwɨ́á» yɨ́.

Lʉkas 1:1

Théophile, mɨ́ɔɔ́ wǎm! Bisyɛ́ɛla bínɨ́nɨ́ɨ́ Nzyɛ̌m á sâ ɨ́ páʼ gá wɨ́ná bí, byé mû ó sí cɛmɔɔ nzɔ̂ʼ nzɔʼ.

Rôm 4:21

Nye á kʉ gʉ́a ó, Nzyɛ̌m á be ó e nkul edwe nyé sá nyé á pa kɛʼ nye yɨ́.