Rôm 14:3 - Kálar Nzyɛ̌m : Ejwán é Sáá

³ Mʉr waá dí ede mímbi méde mímyɛ̂h nyá, nyě sá apyêh búʼó mʉ̂r dí eti tír nyá. Mʉr dí eti tír nyá, nyě sá adwe baá o dí ede mímbi méde mɨ́mɛ̂h bá mebě, ebě, Nzyɛ̌m á si beŋle mɨ́ɔɔ́ wɨ́n waá.

Kálara Zyɛ̌m Edwán é mpʉ̌n

³ Mʉr waa lé ede mɨmbi mode mimyɛh ɛ, nye beʼ l'acyɛl mʉr lé eti tir ɨ, ebe we mbi buʼo. Mʉr lé eti tir ɨ, nye beʼ l'aniʼe nyiha baa ebebe é lɔb edɨɨ le, ebe, Zyɛm a si beŋle mɨɔ win waa.

Rôm 14:3 ပူးပေါင်းရင်းမြစ်များ

Rôm 14:10

Ɨ́ mpʉ yé dí nó yɨ́, gua, go nzé, gua mʉr dí edwe mɨ́ɔɔ́ gǒ mʉr mebě nɨ̌? Gua ntémé, go nzé, gua mʉr dí epyêh mɨ́ɔɔ́ gǒ mʉ̌r nɨ̌? Mɨná gá óbɛ̂h, bé ótó tyɛ̂b gá ɨ́ mpǒm diá tîʼ milɔ̌b gá wɨ́ná, Nzyɛ̌m.

Lʉkas 18:9

Yésʉs ntɔ̂ʼ kɛ̌n kɨkɛna yɨ̂, lɨ́ emveʼle bʉ́ʉ́ bʉ̂r. Bʉr baá, bé á bubûʼla ó, bé ó dí otîtyěl o bʉ̂r ɨ́ míh mé Nzyɛ̌m. Bé ntémé lɨ́ epyêh bʉ́ʉ́ bʉ̂r.

Rôm 14:13

Ɨ́ mpʉ yé dí nó yɨ́, mɨná gwáʼaa gá edweela mébě páʼ gá nyɨ́ná. Gbáʼ gá nkul. Ayɨ́ sâ gá sá dí e nkul esâ ó, mɨ́ɔɔ́ wɨ́n bɨ́mɨɨ ebɔ̌ʼ yɨ́.

Mɨlʉmlʉ 10:34

Nó ó Pétrus á nze nʉa lwǐb. Nye ó: «Mɨ́ kʉ́ gʉ́ǎ tyeetye ɨ́ báánâʼ ó, Nzyɛ̌m, nye ágbá mbɔ́ʼ páʼ bʉ̂r e bʉr.

Rôm 14:21

Yê mbɨ̂mbɨá ɨ́ páʼ gô ó, gǒ sá ade tír, nkʉ̂ menyoʼ, nkʉ̂ sâ syɛ́ɛla yɨ́yɛ̂h dí e nkul edulo mɨ́ʉ̌ ó, nye dúmaa lɨ́ ebébe yɨ́.

Rôm 14:15

Yé bé sá gó dí ede yɨ́, yé óbɛ̌m ntɨ̂ʼ mɨ́ʉ̌ ɨ́ nkǒ páʼ búʼó nó, go ó, gʉ́ bɔ́ʼa e mpaŋ nzɨ́ ɨ́ jɔʼ gó dí edě sâ yaá yɨ́ ó tɨ̂ʼ yɨ́. Gó alɛ̂ʼle nyé kpɛ̌l ɨ́ kʉ̌ tyen gô. Sá asâ ó, mʉ̌r Krîst á dwe, búra e né nyá, dímɨɨ ɨ́ nkɔb bʉr ɨ́ lɔ̌b mbi méde gó dí ede wɨ́.

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Mɨlʉmlʉ 10:44

Pétrus dína apǎ sîl élwib nó nɛ́ɛ: Sísǐm mé Nzyɛ̌m ntɔ̂ʼ sulo ɨ́ mʉr nyɨnyɛ̂h á jóʼo lɔ́ɔ́ wé nyá.

Mataos 9:14

Ompʉ́n mé Yʉánɛs Ndubʉr nzě sîhlě súm Yésʉs á be yɨ́. Bê nzě dî e né ó: «Bɨ̌h bɨɛ le oFarizyɛ̂n, bé lɨ́ etiti méde pâʼ e pâʼ lɨ́ edwě Nzyɛ̌m kûm, ompʉ́n bô bɨ́ɛ l'ati ɨ́ yé?»

Mɨlʉmlʉ 28:2

Bʉr ó tíhé waá, bé á lwilwib ó, lwǐb bɨ́h bɨɛ á be ajóʼo yɨ́. Bé á si bu cwɨ́a e bɨ̌h. Jɔʼ mpíé á be lɨ́ enwɨ́ɨ, ejwóo mɛ̂r bɨ́h yɨ́, bé á si sâ ebéʼé é siʼe ɨ́ gúmó bɨ́h á be yɨ́, le ebaʼle bɨ́h bɨ́bɛ̂h.

Rôm 11:15

Nzyɛ̌m pǎ nyɛɛ́ sâ sáá e bʉr ó sí yɨ̂ʼ ɨ́ jɔʼ nyé á bene oYúden yɨ́, á dwɛʼra le embɨa nyé ósâ bé le onɔ́ɔ́ ɨ́ jɔʼ nyé óbáʼǎ nʉa bé yɨ́! Yé ónwɨɨla ó e pahá sóo. Bé óbe ó mpʉ ódwe o dí epah bá.

Rôm 14:1

Beŋlaa gá mɨ́ɔɔ́ dína apǎ nʉa pîm ɨ́ búʼó nyá. Búʼó yé le yaá yɨ́n, byé ósyɛ́ɛla nó, apére gá mekǎn e né ɨ́ lɔ̌b bwá mílɔ̌b mi dí epahlɔɔ mímbi mimbi tʉ́ŋlʉ̌ Mbɛ̌r-Nzyɛ̌m mí.

Rôm 15:7

Nwɨnwɨɨlaa gá páʼ nyɨ́n mpʉ̌ Yésʉs-Krîst á nʉa bɨ̌n yɨ́. Sáʼ gá nó lɨ́ esú lé édwě Nzyɛ̌m kûm.