Rôm 14:2 - Kálar Nzyɛ̌m : Ejwán é Sáá

² Ɨ́ lɔ̌b méde, nyâʼ mʉ̂r, nyě beé ó, nye óbɛ̌m dě dœʼ yɨ́yɛ̂h, agbah métié mé Nzyɛ̌m. Nyʉ́ʉ́ mʉ̂r dí agwá be e búʼó nyá, jaá dɨdě njɨ micwíʼ.

Kálara Zyɛ̌m Edwán é mpʉ̌n

² É lɔb mode, nwaʼ mbuʼla, nye ebuʼla ó, nye óbɛm de sa ede yiyɛh, antaa motie mo Zyɛm. Nuu mbuʼla, waa ndɨ apa gʉa buʼo é kpɛhla ɛ, de-de njɨ nteʼe.

Rôm 14:2 ပူးပေါင်းရင်းမြစ်များ

1 Timotɛ 4:4

Ebě, sá yɨ́yɛ̂h Nzyɛ̌m á komlo yɨ́, yé ɨ́ mbɨa. Mʉ̂r sí dwě Nzyɛ̌m nzyǒo, dumo e sâ swîh, nkʉ̂ sâ kɛl nó, sâ yaá, yé ajala le etílɔɔ mʉ̂r.

Rôm 14:14

Ɨ́ mpúhlá nyɨ́h e Tî Yésʉs, me lɨ́ egʉ́a ntémé ó, ntʉ̌ dœʼ yé mʉr tɨ̂ʼ dí e nkul elœ̌ʼ lémé mʉ̂r. Sâ gwár, mʉr dí edě dœʼ yaá, nyɨɛ lɨ́ ejwɨʼ ó, yé ólœ̌ʼ lémé wé nyá, yé ó tyeetye: dœʼ yaá, yé ó lwǎʼ ɨ́ lémé mʉ̂r waá.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Galásia 2:12

Ɨ́ metááré, bé e bʉr o bíkúl bíswîh, bé á dɨde mede ó, lɨ́ epûhla mébô gúmo gwár. Píe tɨ̂, Jacques á si lómo bʉr gʉ̂. Jɔʼ bʉ̂r o mílʉ́mlʉ́ bé baá, bé á pyâl yɨ́, Kefâs ntɔ̂ʼ dulo nyʉ̂l, akǎ de e bʉr ó Antiôs bɨ́bɛ̂h gúmo gwár. Yé á pyâl nye nó ó, ɨ́ bʉ́á nyé á jóʼo bʉr o bé á kpɛl ó, obûʼla díʼee tíʼá mpʉ́n bá.

Ebrœ̂ 9:10

Nzyɛ̌m á tíʼe ɨ́ lémé wé ó, bʉr, bé ósɨsâ nyé mbǐ yébé nɨ̌ ó, tó pyâl ɨ́ jɔʼ nyé ókǎ tyêl bʉ̂r metié me dí tîtyěl má yɨ́. Metié le mempéné mé ésôʼ, mé á jaa dwɛ̂ʼ ó, njɨ ɨ́ páʼ nyʉ̂l mʉr. Metié maá, mé á jaa tɨ́e mʉr ó, njɨ mimbi méde le menyoʼ myé á jala ó, nye dêʼ mí, le mimbi míndubó myé á jala ó, nye dúŋɔɔ mí.

Títos 1:15

Sá yɨ́yɛ̂h, yé mû ó pubá lɨ́ esú é bʉ̂r mû mipubá bá. Sâ gwár, bʉr o b'á lœʼ menyʉ́l mɔ́ɔ́, baá dína apǎ dyɛ̂ʼwo e Nzyɛ̌m bá, yé abe e sâ gwár dí pubá ɨ́ wɔ́ɔ́ pâʼ. Bisá bíbyɛ̂h, byê bé ó, ɨ́ lwaʼwo lwaʼwo, ebě, bé á si lœʼ ocwóó wɔ́ɔ́ le milémé myɔ́ɔ́.

1 Korɛnt 10:25

Déʼ gá sá yɨ́yɛ̂h bé dí ebɛ́ma ɨ́ pátele yɨ́, abe e tíá ɨ́ milémé mín!

Rôm 14:1

Beŋlaa gá mɨ́ɔɔ́ dína apǎ nʉa pîm ɨ́ búʼó nyá. Búʼó yé le yaá yɨ́n, byé ósyɛ́ɛla nó, apére gá mekǎn e né ɨ́ lɔ̌b bwá mílɔ̌b mi dí epahlɔɔ mímbi mimbi tʉ́ŋlʉ̌ Mbɛ̌r-Nzyɛ̌m mí.

Rôm 14:20

Syɛ́ɛ́ Nzyɛ̌m á séa yɨ́, mʉ̌r sá andáma nyé yǎ ɨ́ lɔ̌b méde! Yê tyeetye ó, yé abe e mede me dí lwǎʼ ɨ́ míh mé Nzyɛ̌m. Mé bɨ́bébé ó, ɨ́ jɔ̌ʼ ndéá méde waá, dí esâ ó, mʉr dúmaa lɨ́ ebébe yɨ́.

Rôm 15:1

Mɨná gâ, bʉr o b'á nʉa pîm ɨ́ búʼó bá, bé ɨ́ jala le edûhwo bʉ̂r o dí e búʼó ɨ́ tyɛʼ tyɛʼ bá. Mɨná bé ajala le esáa gá minyɔm gá míná.

1 Korɛnt 8:9

Syɛ́ɛla bɨ́n dí e nkul esâ, agbah étié yɨ́, yé óbɛ̌m be ntémé ebɔ̌ʼ dí ejâ ɨ́ nzɨ̌ mé nyʉ́ʉ́ mʉ̂r lɨ́. Mʉr waá óbɛ̌m bɨm lé, ntɔ̂ʼ twe, ebě, nyé abe e mpǎŋ búʼó. Nó ó, kánwáá gá lɨ́ esâ syɛ́ɛla yaá.

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.