Rôm 14:14 - Kálar Nzyɛ̌m : Ejwán é Sáá

¹⁴ Ɨ́ mpúhlá nyɨ́h e Tî Yésʉs, me lɨ́ egʉ́a ntémé ó, ntʉ̌ dœʼ yé mʉr tɨ̂ʼ dí e nkul elœ̌ʼ lémé mʉ̂r. Sâ gwár, mʉr dí edě dœʼ yaá, nyɨɛ lɨ́ ejwɨʼ ó, yé ólœ̌ʼ lémé wé nyá, yé ó tyeetye: dœʼ yaá, yé ó lwǎʼ ɨ́ lémé mʉ̂r waá.

Kálara Zyɛ̌m Edwán é mpʉ̌n

¹⁴ É zyɛŋa wih boo Da Yesʉs, mɨ kʉ gʉa nteme ó, ntʉʼ sa ede yé mʉr tɨʼ ndɨ e nkul elœʼ mʉr é mih mo Zyɛm. Sa gwar, ǃɨ mʉr si de mode maa nɛʼɛ, ǃnye si pahle ó, yé óbɛm lœʼ nye é mih mo Zyɛm wa, mode maa, mé ó cyecye lwaʼ é leme we.

Rôm 14:14 ပူးပေါင်းရင်းမြစ်များ

Títos 1:15

Sá yɨ́yɛ̂h, yé mû ó pubá lɨ́ esú é bʉ̂r mû mipubá bá. Sâ gwár, bʉr o b'á lœʼ menyʉ́l mɔ́ɔ́, baá dína apǎ dyɛ̂ʼwo e Nzyɛ̌m bá, yé abe e sâ gwár dí pubá ɨ́ wɔ́ɔ́ pâʼ. Bisá bíbyɛ̂h, byê bé ó, ɨ́ lwaʼwo lwaʼwo, ebě, bé á si lœʼ ocwóó wɔ́ɔ́ le milémé myɔ́ɔ́.

Rôm 14:2

Ɨ́ lɔ̌b méde, nyâʼ mʉ̂r, nyě beé ó, nye óbɛ̌m dě dœʼ yɨ́yɛ̂h, agbah métié mé Nzyɛ̌m. Nyʉ́ʉ́ mʉ̂r dí agwá be e búʼó nyá, jaá dɨdě njɨ micwíʼ.

1 Korɛnt 8:7

Sâ gwár, ntʉ bʉ̂r bɨ́bɛ̂h dí egʉ́a ótyeetye waá. Bʉ́ʉ́ bʉ̂r bɨ́ɛ, bɨ́ boó dyɛ̂m ɨ́ páʼ bíkpɛʼkpɛ̂ʼ bí ónzyɛ̌m. Kumǒ kumáa ɨ́ báánâ, jɔʼ bɨ́haá bʉ̂r dí ede tír waá yɨ́, bɨ́ɛ, bé sîsimsa ɨ́ jɔʼ yɨ́yɛ̂h ó, tír waá á si baŋɔɔ ɨ́ nzaá bikpɛʼkpɛ̂ʼ bí ónzyɛ̌m. Mipahlá mílémé myɔ́ɔ́, myé lɨ́ edwe bé mebě. Bé lɨ́ egʉ́a ó, bé óde tír waá nó, edɨ́ɨ́ é tír waá, lé ójaá lœʼ bé ó lœʼœ́œ ɨ́ míh mé Nzyɛ̌m.

1 Timotɛ 4:4

Ebě, sá yɨ́yɛ̂h Nzyɛ̌m á komlo yɨ́, yé ɨ́ mbɨa. Mʉ̂r sí dwě Nzyɛ̌m nzyǒo, dumo e sâ swîh, nkʉ̂ sâ kɛl nó, sâ yaá, yé ajala le etílɔɔ mʉ̂r.

1 Korɛnt 8:10

Go e bâʼ, gua mʉr dí ɨ́ buú gʉ́a nyá! Gó tó dě dína ɨ́ nzaá bikpɛʼkpɛ̂ʼ bí ónzyɛ̌m nó, go ámû jaá sâ syɛ́ɛla yaá, nyʉ́ʉ́ mʉ̂r ntɔ̂ʼ bánǎ baŋa yê, damá jóʼo ó, lémé wé, wé lɨ́ edwe nyé mebě tɨ̂.

Mɨlʉmlʉ 10:28

Nye e bé ó: «Bɨ̌n bé lɨ́ ekʉ́ gʉ́a ó, yé ajala ó, mʉr kúl óYúden tíʼaa ɨ́ mpúhlá e mʉr kúl swîh, nkʉ̂ sîhlě síhláǎ bǎʼ e né. Damá jóʼo nó, Nzyɛ̌m á tɨ́e me ó, mʉr, nyé abě sá mélwaʼwo, nkʉ̂ ntɔ̂ʼ sá mpîr, duho ɨ́ mebyɛ́l mé.

1 Korɛnt 10:25

Déʼ gá sá yɨ́yɛ̂h bé dí ebɛ́ma ɨ́ pátele yɨ́, abe e tíá ɨ́ milémé mín!

Rôm 14:23

Tó kœb ó, mʉ̂r ódě dœʼ e mesónó ɨ́ léme nó, nye óbi mébě ɨ́ míh mé Nzyɛ̌m ɨ́ ndéá waá, ebě, wé aduho ɨ́ búʼó yé. Ebě, syɛ́ɛla yɨ́yɛ̂h dí aduho ɨ́ búʼó yô yɨ́, yê go ó syóm.

Rôm 14:20

Syɛ́ɛ́ Nzyɛ̌m á séa yɨ́, mʉ̌r sá andáma nyé yǎ ɨ́ lɔ̌b méde! Yê tyeetye ó, yé abe e mede me dí lwǎʼ ɨ́ míh mé Nzyɛ̌m. Mé bɨ́bébé ó, ɨ́ jɔ̌ʼ ndéá méde waá, dí esâ ó, mʉr dúmaa lɨ́ ebébe yɨ́.

Markus 7:2

Nó ó bé á nze bee bʉ́ʉ́ ómpʉ́n bé lɨ́ ede e mebô “e mpir”, ebě, bé á bé ajwɨɨ mé mpʉ métum mé yébé óYúden dí elɛ̂ʼle yɨ́.