Rôm 14:1 - Kálar Nzyɛ̌m : Ejwán é Sáá

¹ Beŋlaa gá mɨ́ɔɔ́ dína apǎ nʉa pîm ɨ́ búʼó nyá. Búʼó yé le yaá yɨ́n, byé ósyɛ́ɛla nó, apére gá mekǎn e né ɨ́ lɔ̌b bwá mílɔ̌b mi dí epahlɔɔ mímbi mimbi tʉ́ŋlʉ̌ Mbɛ̌r-Nzyɛ̌m mí.

Kálara Zyɛ̌m Edwán é mpʉ̌n

¹ Beŋla ga mbuʼla l'apa nʉa pim é buʼo e. ǃƗ buʼo ye le yaa yin be e ziila nɛʼɛ, apɨra ga mokan e nye ebe bwa mɨlɔb lé epahlɔ mɨmbi mɨmbi é Mbɛr-Zyɛm tʉŋlʉ ɨ.

Rôm 14:1 ပူးပေါင်းရင်းမြစ်များ

Rôm 15:1

Mɨná gâ, bʉr o b'á nʉa pîm ɨ́ búʼó bá, bé ɨ́ jala le edûhwo bʉ̂r o dí e búʼó ɨ́ tyɛʼ tyɛʼ bá. Mɨná bé ajala le esáa gá minyɔm gá míná.

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.

Rôm 15:7

Nwɨnwɨɨlaa gá páʼ nyɨ́n mpʉ̌ Yésʉs-Krîst á nʉa bɨ̌n yɨ́. Sáʼ gá nó lɨ́ esú lé édwě Nzyɛ̌m kûm.

Rôm 14:21

Yê mbɨ̂mbɨá ɨ́ páʼ gô ó, gǒ sá ade tír, nkʉ̂ menyoʼ, nkʉ̂ sâ syɛ́ɛla yɨ́yɛ̂h dí e nkul edulo mɨ́ʉ̌ ó, nye dúmaa lɨ́ ebébe yɨ́.

2 Yʉanes 1:10

Ebe nó, mʉ̂r swáhwá nze, adwe bʉ̂r lɛ́ʼlá ngwár waá nó, mʉ̌r sá anʉa nyé ɨ́ mimbɛ̌r mín tʉ́ŋlʉ̌. Abára gá e né ntémé.

Rôm 4:19

Jɔ̌ʼ Nzyɛ̌m á kɛʼ Abraham onta baá yɨ́, Abraham nzě bûʼla nkɛ́ʼ nyaá. Búʼó yaá, yé á bé agœ̂ʼ, damá be ó, nye á be ó, nye mû e mimbû nter. Nye á si pahle twiʼ yé, ntɔ̂ʼ bee ó, nye á be ó, nye mû kúno edwe. Nye ntémé á bee ó, Sara á be ó kǔn.

Lʉkas 17:2

Yé á gwa mbɨa ɨ́ páʼ wé ó, bé tyéelaa nye nkoʼ ɨ́ twíí, ntɔ̂ʼ guhɔɔ nyé ɨ́ mâŋ, laa ó, nye gbâʼ ebɔ̌ʼ ɨ́ nzɨ̌ ngá bɨma mʉ̂r ngwár ɨ́ bwán bâm lɨ́.

Mataos 14:31

Tyé e tyé yaá, Yésʉs ntɔ̂ʼ syɛ̂m mbô, mɛ̂r nyê. Nye e né ó: «Á twâʼwǒ búʼó yô ɛ̌! Go pa sóŋló ɨ́ yé?»

Mataos 12:20

Nye ákóʼó búʼǒ sʉŋ mû sí gwarwo yɨ́. Nye ádímě njʉl mû lɨ́ esáa édíme wɨ́. Nye ósɨsâ nó ó, tó pyâl ɨ́ jɔʼ nyé ngá sâ ó, otîtyěl, wé ntáŋaa sá yɨ́yɛ̂h ɨ́ nkul yɨ́.

Filipi 2:29

Nó ó, jɔʼ nyé ópyâl ɨ́ sɔ́má yɨ́n yɨ́, bɨ̌n e nʉ́á nyé e bisʉhʉʉ bíbyɛ̂h ebe nyé dí mɨ́ɔɔ́ gá wɨ́ná ɨ́ mpúhlá e Tî Yésʉs. Dwéʼ gá mbi bʉ̂r o dí mpʉ mé Epafrɔ́ditɔs bá dúu.

Yʉanes 13:20

Mě lɛ́ɛ́ bɨ́n lɨ́ otyeetye ó, mʉr dí enʉa mʉ̂r mé dí elómo nyá, nyě nʉá ntémé ó me. Nó ntémé, mʉr dí enʉa mé nyá, nyě nʉá ó, mʉr á ntɨh me nyá.»

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Markus 7:19

Ebě, yé anî nyé ɨ́ léme tʉ́ŋlʉ̌. Yé ní ó ɨ́ mo, kǎ pyâl kʉ̌l.» (Ɨ́ lɔ́ɔ waá, Yésʉs á kpɛl elɛ́ɛ ó, mede mɨ́mɛ̂h, mé mû ó, bɛ̌m deŋɔɔ.)

Mɨlʉmlʉ 28:2

Bʉr ó tíhé waá, bé á lwilwib ó, lwǐb bɨ́h bɨɛ á be ajóʼo yɨ́. Bé á si bu cwɨ́a e bɨ̌h. Jɔʼ mpíé á be lɨ́ enwɨ́ɨ, ejwóo mɛ̂r bɨ́h yɨ́, bé á si sâ ebéʼé é siʼe ɨ́ gúmó bɨ́h á be yɨ́, le ebaʼle bɨ́h bɨ́bɛ̂h.

Rôm 11:15

Nzyɛ̌m pǎ nyɛɛ́ sâ sáá e bʉr ó sí yɨ̂ʼ ɨ́ jɔʼ nyé á bene oYúden yɨ́, á dwɛʼra le embɨa nyé ósâ bé le onɔ́ɔ́ ɨ́ jɔʼ nyé óbáʼǎ nʉa bé yɨ́! Yé ónwɨɨla ó e pahá sóo. Bé óbe ó mpʉ ódwe o dí epah bá.

Rôm 14:2

Ɨ́ lɔ̌b méde, nyâʼ mʉ̂r, nyě beé ó, nye óbɛ̌m dě dœʼ yɨ́yɛ̂h, agbah métié mé Nzyɛ̌m. Nyʉ́ʉ́ mʉ̂r dí agwá be e búʼó nyá, jaá dɨdě njɨ micwíʼ.

Rôm 14:3

Mʉr waá dí ede mímbi méde mímyɛ̂h nyá, nyě sá apyêh búʼó mʉ̂r dí eti tír nyá. Mʉr dí eti tír nyá, nyě sá adwe baá o dí ede mímbi méde mɨ́mɛ̂h bá mebě, ebě, Nzyɛ̌m á si beŋle mɨ́ɔɔ́ wɨ́n waá.

1 Tesalonika 5:14

Bɨ́ɔɔ́ bâm! Okɛ́l bâm! Bɨ̌h jɨʼlá e bɨ̌n ó, bɨ̌n cɨ́lɨɨ bʉr o dí esâ épɨ̂h bá. Póbláá gá baá o dí e bʉ́á ɨ́ miléme bá. Kɛmɨɨ gá baá o dí ɨ́ tyɛʼ bá. Júhwáá gá bʉr bɨ́bɛ̂h.

Ebrœ̂ 5:14

Otɔ́má bʉ̂r bɨ́ɛ ó dí ejala e mpǎŋ mede. Bɨ́ɛ e bɨ́ɛ ó dí e pɨʼ dí ó, bé gʉ́ŋaa ebɛ̂ʼ páʼ ébébe le embɨa nyɨ́. Bé bi pɨ̂ʼ nyaá ó, ɨ́ lɔb nzyéé bé dí egbâ lɨ́ egʉ́a ébɛ̂ʼ bísâ byaá nyɨ́.