Rôm 13:9 - Kálar Nzyɛ̌m : Ejwán é Sáá

⁹ Metié mé Nzyɛ̌m, mé dí elɛ́ɛ ó: Asâ médyɛ̂n. Ajʉ̂ mʉ̂r. Adíbe. Agwɨ̂m sá yé onkán má, ndu e mʉ́ʉ́ mɨ́mɛ̂h, mé tó syɛŋa ó, lɨ́ etié egwár lɨ̂ʼ tʉ́ŋlʉ̌: Kpɛlɨɨ mɨ́ɔɔ́ gǒ mʉr mpʉ gó kpɛ́l gó mʉr tɨ̂ʼ yɨ́.

Kálara Zyɛ̌m Edwán é mpʉ̌n

⁹ Yé ó tila é mompene mo Zyɛm ó: «Asa mɨfyɛba. Ajʉ mʉr. Adíbe. Acen mih é sa yoonkan, nkʉ gwɨm ye.» Mompene monɨ ndwe e mʉʉ mɨmɛh, mé eto syɛŋa ó, é l'etie egwar lɨʼ tʉŋlʉ: «Kpɛlɨ mɨɔ go mʉr mpʉ go lé ekpɛl go mʉr tɨʼ ɨ.»

Rôm 13:9 ပူးပေါင်းရင်းမြစ်များ

Mataos 22:39

Nó laá émbá, bé e laá lé ésôʼ dile ó, jwɨʼ gwár. Lɨ́haá, lé ó: “Kpɛlɨɨ mɨ́ɔɔ́ gǒ mʉr mpʉ gó kpɛ́l gó mʉr tɨ̂ʼ yɨ́!”

Lʉkas 10:27

Mʉr waá ntɔ̂ʼ yala ó: «Mé lɛ́ɛ́ ó: “Kpɛlɨɨ̌ Dâ, dí Nzyɛ̌m gǒ nyá, le lémé gô wɨ́wɛ̂h, le sísǐm gô wɨ́wɛ̂h, le nkul nyǒ nyɨnyɛ̂h, le pɨʼ nyǒ nyɨnyɛ̂h.” Mé lɨ́ ebáʼǎ lɛ́ɛ ó: “Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.”»

Markus 12:31

Yésʉs ntɔ̂ʼ lɛ́ɛ ó: «Etié embá, lé ó: “Kpɛlɨɨ mɨ́ɔɔ́ gǒ mʉr mpʉ gó kpɛ́l gó mʉr tɨ̂ʼ yɨ́.” Yé abe e lʉ́ʉ́ étié e dí entaa mɨ́nɨ̌.»

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

Lʉkas 18:20

Gʉ́ gʉ́a métié mé Nzyɛ̌m. Mé lɛ́ɛ́ ó: “Asâ médyɛ̂n. Ajʉ̂ mʉ̂r. Adíbe. Ayala ɨ́ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h. Dwéʼ sʉ́ŋ e nyʉ̌ŋ dúu.”»

Markus 10:19

Gʉ́ gʉ́a métié mé Nzyɛ̌m. Mé lɛ́ɛ́ ó: “Ajʉ̂ mʉ̂r. Asâ médyɛ̂n. Adíbe. Ayala ɨ́ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h. Anʉa mʉ̂r sɔ̂ʼ e mikóo. Dwéʼ sʉ́ŋ e nyʉ̌ŋ dúu.”»