Rôm 13:8 - Kálar Nzyɛ̌m : Ejwán é Sáá

⁸ Adi gá nyʉ́ʉ́ mʉ̂r e mpʉ́lá. Damá jóʼo nó, bɨ̌n bé yɨ́ɛ ó e mpʉ́lá bɨ́n jálá le ejɨjána nyɨ́. Nye ó kpɛ̌l páʼ nyɨ́n. Mʉr dí ekpɛl mʉ̂r njoo yé nyá, nyɨ́ baʼle métié mé Nzyɛ̌m mɨ́mɛ̂h.

Kálara Zyɛ̌m Edwán é mpʉ̌n

⁸ Adi ga nuu mʉr e mpɔla. Me dam lɛɛ no, bɨn bé yɛɛ ó e mpɔla bɨn lé ekʉ jala le ejɛna ɛ. Mpɔla waa, nye ó kpɛl paʼra win. Mʉr lé ekpɛl mɨɔ we mʉr ɨ, nyi du motie mo Zyɛm mɨmɛh.

Rôm 13:8 ပူးပေါင်းရင်းမြစ်များ

Rôm 13:10

Mʉr dí ekpɛl mʉ̂r njoo yé nyá, nyé abe e nkul esâ nyé ebébe. Gó kpɛ́l bʉ̂r nó, lɛ́ɛ́, gʉ́ baʼle métié mɨ́mɛ̂h mbɨ̂mbɨá.

Galásia 5:14

Metié mɨ́mɛ̂h, mé lɨ́ ebɔma le etié egwár ó: Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́!

Mataos 7:12

«Mbi bɨ́n dí ekpɛl ó bʉr sâʼ bɨ̌n wɨ́, sáʼ gá bé ntémé nó. Nó ó dí cɛmá ɨ́ mekaná métié, le maá ógwíha o mílɔ̌b mé Nzyɛ̌m yɨ́.»

Rôm 13:7

Jɛ́náá gá bʉr bɨ́bɛ̂h mempʉ́lá bɨ́n dí bé e mé má. Bwámáá gá bitœ́a kwá bʉr o dí ebɛ́ma byé bá. Jwááwáá gá baá o dí ejala e dúu bá. Gúmláá gá baá o dí ejala e kûm bá.

Jacques 2:8

Yé kʉ́ jala ó bɨ̌n dúʼoo etié me Njwɨ́ɨ gá wɨ́ná. Lé lɨ́ elɛ́ɛ ó: «Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.»

Kolosi 3:14

Ɨ́ bisyɛ́ɛla byaá bíbyɛ̂h, sá dí tɨ̂ʼ yɨ́, yé ó, bɨ̌n kpɛ́laa, ebě, kpɛ̌l ó dí elar bɨ́n ɨ́ lídídí.

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

1 Yʉanes 3:10

Ebě, bé gʉ́gʉ́á mbɔ́ʼ páʼ bwán mé Nzyɛ̌m, bé e baá mé sɔ́ŋ meleme ó, mbi wɨ̂: mʉr nyɨnyɛ̂h dí asâ syɛ́ɛla dí tîtyěl yɨ́ nyá, nkʉ̂ waá dí akpɛl mɨ́ɔɔ́ wé nyá, nyé abe mwân mé Nzyɛ̌m.