Rôm 13:7 - Kálar Nzyɛ̌m : Ejwán é Sáá

⁷ Jɛ́náá gá bʉr bɨ́bɛ̂h mempʉ́lá bɨ́n dí bé e mé má. Bwámáá gá bitœ́a kwá bʉr o dí ebɛ́ma byé bá. Jwááwáá gá baá o dí ejala e dúu bá. Gúmláá gá baá o dí ejala e kûm bá.

Kálara Zyɛ̌m Edwán é mpʉ̌n

⁷ Jɛna ga bʉr bɨbɛh mompɔla bɨn ndɨ be e ma ɛ. Jɛna ga otœa boo bʉr o ndɨ ebɛma be e. Dwaaba ga baa lé ejala e duu ɨ. Seʼla ga baa lé ejala e moseʼla ɛ.

Rôm 13:7 ပူးပေါင်းရင်းမြစ်များ

Lʉkas 20:25

Nó ó Yésʉs á nze lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza; le Nzyɛ̌m, bisá mé Nzyɛ̌m!»

Mataos 17:25

Pétrus, nye e bé ó: «Yé ó nó. Nyě sɨ́sá ó, jána.» Jɔ̌ʼ Pétrus á nî mbɛ̌r yɨ́, Yésʉs nzě nyɛɛ́ nʉǎ lwǐb. Nye e né ó: «Simon, guǎ pahlě sɨ̂ʼ nyá ɛ́? Ojwɨ́ɨ́ ó sí yɨ̂, bé nʉnʉǎ mɔnɨ́ tœ́a kwá onzé? Nzê kwá bwán bɔ́ɔ́? Nzê kwá bʉr oswîh?»

1 Timotɛ 5:17

Otyɛ̂b bé ésôʼ dí ejwɨ́ɨ̌ Mbɛ̌r-Nzyɛ̌m mbɨ̂mbɨá bá, bé ɨ́ jala le ebi myɛ́na mebá. Baá dí etúno mílɔ̌b mé Nzyɛ̌m, le edwe bʉ̂r milɛ́ʼlá bá ó ngá bi mé, sahle.

Mataos 22:21

Bé e né ó: «Yé ó bisá mé Kɛ́ɛza.» Nye nzě lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza; bɨ̌n e bwóóló Nzyɛ̌m byaá mé Nzyɛ̌m!»

Éfɛsɔs 6:5

Bitúʼǎ, bɨ̌n bé ɨ́ jala le esâ ójwɨ́ɨ bɨ́n, baá o dí bʉr ó sí yɨ̂ʼ bá, mejóʼo. Jwááwáá gá bê, le edwe bé dúu. Séáá gá bé e milémé mímyɛ̂h, mpʉ̌ sá lɛ́ɛ́, bɨ̌n séá ó Krîst syɛ́ɛ́.

1 Pyɛr 3:7

Ɨ́ jwɨʼ gwár yaá, bɨ̌n bɨɛ ojʉ̂m, diʼee gá mbɨ̂mbɨá, bɨ̌n e bʉbá bɨ́n. Bɨ̌n e gʉ́á ó, le mʉmá, le mʉrʉ̂m, mʉmá ó dí ɨ́ tyɛʼ, laa mʉ́rʉ̂m. Dwéʼ gá bé dúu, ebě, bɨ́ɛ ntémé óbi émbɨǎ Nzyɛ̌m á kɛʼ baá nyé á tíʼ bá lɨ́. Lé ó dí nkɔb líʼe nyɔ́ɔ́. Bɨ́n óbe, atíʼe nó wá, yé óbɛ̌m kɔbla bɨ́n ɨ́ jɔʼ bɨ́n dí ejɨʼla e Nzyɛ̌m yɨ́.

1 Timotɛ 6:1

Bʉr bɨ́bɛ̂h o dí bitúʼǎ bá, bé ɨ́ jala le eláa ójwɨ́ɨ́ bɔ́ɔ́ ó, bé ó ɨ́ sɔ́má bʉ̂r o jálá le edwáawɔɔ bá. Nó ó bʉ̂r ngá di, aswêʼ díé mé Nzyɛ̌m, nkʉ̂ lɛ́ʼlá mɨ́ná dí edwe bʉ̂r wɨ́ yɨ́.

Éfɛsɔs 5:33

Yé ntémé, yê ɨ́ páʼ wɨ́n ó: mʉrʉ̂m nyɨnyɛ̂h, nye ɨ́ jala le ekpɛl mʉ́má wé ánta nye mpʉ nyé dí ekpɛl nyé mʉr tɨ̂ʼ yɨ́. Mʉmá, nye dwáawaa njʉ̂m wé.

Lʉkas 23:2

Bê nzě táare épurɔɔ nyê. Bé ó: «Bɨ̌h bé á si bee mʉr nyâʼ lɨ́ endámǎ kúl bʉ̂r yɨ́h lɨ́ elɛ̂ʼle yé ó, yé ajala le ejánǎ Kɛ́ɛza tœ́a. Nye á si kʉ lɛ́ɛ ntémé ó, nye ó dí Njwɨ́ɨbʉr, waá Nzyɛ̌m á lœm múló mé jwɨ́ɨ wɨ́.»

Markus 12:17

Nó ó Yésʉs á nze lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza, le Nzyɛ̌m, bisá mé Nzyɛ̌m.» Nó bé á be ɨ́ buú kâm yalá yé yaá.

1 Timotɛ 5:13

Nó ntémé, bé ámû jaá jɨ̂ʼ édi lɨ́ ontwii. Bé ámû jaá tô le etô mímbɛ̌r e mímbɛ̌r myɛ̂h, le esâ mpǔʼ, le elwib bílwǐb bi dí asiŋa bí.

Lʉkas 20:22

Nzê metié gá mɨ́ná, mé kam ó, mɨná jánaa gá Kɛ́ɛza tœ́a ɛ̌? Nzê yê mpéné ó, mʉ̌r sá ajána nyé yǎ ɛ̌?»

Rôm 12:10

Kpɛlaa gá páʼ nyɨ́n mpʉ bɨ́ɔɔ́ e bɨ́ɔɔ́ jálá le ekpɛla yɨ́. Diʼee gá le ánɨ̂nɨ̂n dúu páʼ nyɨ́n!

Rôm 13:6

Sɨ́ǎ yaá ntémé ó bɨ́n dí ejánǎ tœ́a yɨ́, ebě, Nzyɛ̌m á si tyêl ojwɨ́ɨ ɨ́ bidǐ byɔ́ɔ́ lɨ́ esú ó, bé tírwaa e syɛ́ɛ́ yaá.