Rôm 13:2 - Kálar Nzyɛ̌m : Ejwán é Sáá

² Nó ó, mʉr dí egbɔba e njwɨ́ɨ nyá, nyě kʉ́ lwímla ó e sá Nzyɛ̌m á tyêl yɨ́. Baá dí esâ nó bá, bɨ́haá, bé dáʼré ó, bintɨ́ʼá ɨ́ menyʉ́l mɔ́ɔ́.

Kálara Zyɛ̌m Edwán é mpʉ̌n

² No ó, mʉr lé ekaŋa e njwɨɨ ɨ, nye esa sa Zyɛm a cyel ɨ, mongan. Baa lé esa no e, bé edaʼre mobe é monyʉl mɔɔ.

Rôm 13:2 ပူးပေါင်းရင်းမြစ်များ

1 Pyɛr 2:13

Sáʼ gá otyɛ̂b bé ésôʼ o dí etyélɔɔ bá mejóʼo, ɨ́ lɔ̌b mé Tî Yésʉs. Sáʼ gá njwɨ́ɨ sí yɨ́n mejóʼo, ebě, nye ó dí lʉ́ ótyɛ̂b bé ésôʼ bɨ́bɛ̂h.

Títos 3:1

Jɨ́mɨ́ɨ́ bʉ̂r bitɔŋlá ɨ́ milɔ̌b mî: bé díʼee ɨ́ jwɨ́ɨ́ bʉ̂r o dí e nkul jwɨ́ɨ bá. Bé sâʼ bé mejóʼo. Bé díʼee ntémé ɨ́ cǎr lɨ́ esú lé ésâ bísyɛ́ɛla bimpâ mimbi mímyɛ̂h.

Jacques 3:1

Bɨ́ɔɔ́ bâm, yé ajala ó, bʉr ɨ́ buo buo díʼee ɨ́ dǐ lɛ̂ʼla. Bɨ̌n bé lɨ́ egʉ́a ó, jɔ̌ʼ Nzyɛ̌m ótíʼe bɨ́h, olɛ̂ʼla, milɔ̌b yɨ́, nye ótíʼe myé ó e ngɨ́r ɨ́ léme, abě mpʉ nyé ótíʼe bʉ́ʉ́ bʉ̂r myɔ́ɔ́ yɨ́.

Rôm 13:5

Sɨ́ǎ yaá ó bɨ́n jálá le esâ ójwɨ́ɨ mejóʼo yɨ́. Abuú bě njɨ lɨ́ ekpɛ́ɛ nkpáa le bintɨ́ʼá mé Nzyɛ̌m. Bɨ̌n sá ntémé nye mejóʼo maá ó, ebe bɨ́n dí egwɨ̂m ó, mipahlá mí lémé mín díʼee myaá mi dí ɨ́ pyɛɛɛ mí.

Markus 12:40

Bé ó dí edɛn míkúho sá yɨ́yɛ̂h myé dí e yé yɨ́, le esâ mínjɨʼla ɨ́ jaa jaa, yé nkʉ̂ lɛ́ɔɔ ó, bé ɨ́ buú mbɨa bʉ̂r. Bé ó ngá bɔma e tíʼá mílɔ̌b dí ɨ́ buú nyan wɨ́.»

Lʉkas 20:47

Bé lɨ́ esa míkúho, nʉnʉa bísá bíbyɛ̂h bé dí e tɨ̂ʼ bí. Bé jɨjɨʼla ntémé e Nzyɛ̌m ó, bul mékǎn, ebě, bé gwɨ́m ó, bʉr béyɨɨ bé mimbɨambɨa mi bʉ̂r. Bé ó ngá buú nʉa mébě le edweŋɔɔ bíntɨ́ʼá bí tɨ̂.»

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Rôm 9:19

Bé óbɛ̌m dî e me ó: «Yé bé nó wá, Nzyɛ̌m, nye lɨ́ eláa bʉ̂r bibaa bí ébébe ɨ́ yé ɛ́? Nzé dí e nkul ekamlě Nzyɛ̌m lɨ́ elóŋlǒ gwɨ́má yé?»

Rôm 13:1

Mʉr nyɨnyɛ̂h, nye sâʼ ojwɨ́ɨ́ ó sí yé mejóʼo, ebě, nkul jwɨ́ɨ nyɨnyɛ̂h, nye ó nyaá Nzyɛ̌m á tyêl nyɨ́. Bʉr o dí e jwɨ́ɨ bá, Nzyɛ̌m ó b'á tyêl bê.

Rôm 13:3

Baá dí esâ émbɨa bá, bé abe e bʉ́á ɨ́ miléme lɨ́ etyɛ̂b ɨ́ mempǒm mé ójwɨ́ɨ. Tó kœb ó, bʉr o dí esâ ébébe bá, bé ó dí e bʉ́á nyaá ɨ́ milémé myɔ́ɔ́. Nzê gǒ gwɨ́m ó, mipahlá mí lémé myô, myé díʼee ɨ́ pyɛɛɛ jɔʼ yɨ́yɛ̂h ɨ́ míh mé ójwɨ́ɨ baá ɛ̌? Sáʼ émbɨa bé, bé nkʉ̂ sêʼle gô!