Rôm 13:12 - Kálar Nzyɛ̌m : Ejwán é Sáá

¹² Pum mû ó téme elaa; móhó lɨ́ esîhle. Mɨná bírɨɨ gá bisyɛ́ɛla bi dí esáŋɔɔ lɨ́ edúrʉ́ʉ́ bí. Mɨná bwáraa gá mimbór mí dɔ̂m lɨ́ esú ó, mɨná lwímlaa gá e myé ɨ́ móhó.

Kálara Zyɛ̌m Edwán é mpʉ̌n

¹² Pum mu ó lé ekʉ laa. Mɛn, wé mu ó lé ekunbo. Bɨna birɨ ga be bɨsyɛɛla bɨ apum. Bɨna bwara ga mokʉa mo dɔm é l'efu ó, bɨna lwimla ga e me é moho.

Rôm 13:12 ပူးပေါင်းရင်းမြစ်များ

Éfɛsɔs 5:11

Mʉ̌r sá akǎ báʼǎ nʉa ntœ́b ɨ́ bisyɛ́ɛla bí édúrʉ́ʉ́. Bisyɛ́ɛla byaá, byé abe e nyɔm. Tinaa gá nkɔb nyɨ́n nyaá. Bɨ̌n a gwíh syóm dí tɨ̂ʼ wɨ́.

2 Korɛnt 6:7

túnó bɨ́h dí etúno ótyeetye wɨ́, nkǔl nɨ́nɨ́ɨ́ mé Nzyɛ̌m, bisá bí mɔ̂m bɨ́h dí elwímla dɔ̂m lɨ́ esú lé ótîtyěl mé Nzyɛ̌m e tɨ̂ʼ bí, bîʼ le ejʉ̂m, byúú le emyɛ̌l,

Jacques 1:21

Pɛʼɛɛ gá mebomo dí ɨ́ sɔ́má yɨ́n má. Bɨ̌n e gwâʼ le esâ ébébe é léme, ntaa sʉ́ŋa. Bɨ̌n e nʉ́á lwǐb mé Nzyɛ̌m e miléme mi dí ɨ́ pyɛɛɛ mí. Lwǐb yé yaá, yé mû ó mbeá tʉ́ŋlʉ̌ milémé mín. Lwǐb yaá ó dí e nkul etíʼ bɨ́n.

Éfɛsɔs 4:22

Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Rôm 13:14

Diʼee gá ɨ́ mpúhlá le Tî Yésʉs-Krîst. Bwáráá gá nye mpʉ̌ kán. Atoŋlo gá mpʉ bɨ́n dí e nkul elóŋlo bísyɛ́ɛla bí njwɨr myâ wɨ́ná yɨ́.

Mɨngwiha 22:10

Nye á si baʼa lɛ́ɛ e me ó: «Sá Nzyɛ̌m gwíh gó, yaá dí cɛmá ɨ́ mekaná mâʼ yɨ́, asol yé ɨ́ mekaná tʉ́ŋlʉ̌, ebě, bisâ byaá, byé ókpâhwǎ syɛ́ɛ.

1 Pyɛr 2:1

Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.

Mɨngwiha 1:3

Metyɛʼ me mpóm, mé díʼee e waá dí eláa míngwíhá mílɔ̌b mi dí ɨ́ mekaná mâʼ mí nyá. Metyɛʼ me mpóm, mé díʼee ntémé e bʉr o dí ejóʼo le ebaʼle métwɨ́ɨ́ me dí tɨ̂ʼ má bá. Gʉ́ŋáá gá ó, sá nyé á bee yɨ́, yé mû ó kúno epyâl.

1 Korɛnt 7:29

Bɨ́ɔɔ́ bâm! Okɛ́l bâm! Mě gwɨ́m élɛ́ɛ tɨ̂ʼ ó, yɨ́ lîʼ bá mâ jɔʼ. Táare ɨ́ jɔʼ yɨ̂ʼ tótôʼ, yé jaá kǎ lîʼ mímbɛ́á mí bʉ̂r ó, njɨ myé tíʼaa mpʉ̌ sá lɛ́ɛ́, myé ó onzihle.

1 Korɛnt 10:11

Bé á bɔma e bisyɛ́ɛla byaá ó, lɨ́ ecɨ̂l bʉ̂r. Bʉ́ʉ́ bʉ̂r nzě cɛma byé ɨ́ Mekaná mé Nzyɛ̌m ó, mɨná líʼɨɨ gá le epahle byê. Yé ó lɨ́ esú ó, mɨná gʉ́ŋaa gá sá mɨ́ná jálá le esyɛ̂hle gá yɨ́, mɨná gá bɨɛ, bʉr o dí ebeě mpʉ sí yɨ̂ʼ mû lɨ́ ekumo lɨ́ eswéhlɨ́ yɨ́ bá.

2 Korɛnt 10:4

Ebě, bisá bí dɔ̂m gá bíná, byé abe míkwɨmlá e nkul dí eduho ɨ́ bipúno nyɨ́. Nkul dí ɨ́ bisá bí dɔ̂m gá bíná nyɨ́, nyě duhó ó kwá mé Nzyɛ̌m. Nkul nyaá ó dí esâ ó, mɨná búʼaa gá mikóʼ mí dɔ̂m.

Éfɛsɔs 5:8

Ɨ́ mimbú mí píhe, bɨ̌n bé á bɨbe ó, lɨ́ edúrʉ́ʉ́. Nó ó, ɨ́ báánâ mpʉ bɨ́n mû sí pûhla e Tî Yésʉs yɨ́, bɨ̌n mû ó ɨ́ myɛ́n. Nó ó, dúʼóó gá kʉ̌ tyen dí ejala e bʉr o dí ɨ́ myɛ́n bá wɨ́.

Ebrœ̂ 10:25

Adû gá tum bʉ́ʉ́ bʉ̂r mû e né nyɨ́: lɨ́ ekpɛ́ɛ bígwɨ́hlá gá bíná. Gbáʼ gá nkul ɨ́ dwííí lɨ́ esisyɛŋa. Kʉ́ gbáʼ gá nkul ɨ́ miléme páʼ nyɨ́n ɨ́ mpʉ mɨ́ná mû lɨ́ ebee gá dʉ́ó é Tî gá wɨ́ná mû lɨ́ enze yɨ́.

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

Jacques 5:8

Júhwáá gâ. Biʼee gá nkul ɨ́ miléme, ebě, Tî gá wɨ́ná mû ó kúno ebáʼǎ nze.

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

2 Pyɛr 3:9

Dâ Nzyɛ̌m, nye ábea le elóŋlo nkɛ́ʼ nyé mpʉ bʉ́ʉ́ bʉ̂r dí ejwɨʼ ó, nye álɨ̌ dira nkɛ́ʼ nyaá yɨ́. Nye ɨ́ buo bíhwó ɨ́ bɨ̌n, ebě, nyé agwɨ̂m ó, nyʉ́ʉ́ mʉ̂r dímɨɨ ɨ́ nkɔb bʉr. Gwɨ́má lémé wé, yé ó, bʉr bɨ́bɛ̂h túmaa mikoo e mebébe mɔ́ɔ́, le edwira míléme.

2 Pyɛr 3:11

Yé bé bisá bîʼ bíbyɛ̂h, byé ógbahɔɔ nó, wáǎ mbǐ kʉ̌ tyen bɨ́n jálá le edû wɨ́? Yé ó kʉ̌ tyen dí ejala e bʉr o dí tí, baá o dí egúmo e Nzyɛ̌m bá wɨ́.

1 Yʉanes 2:18

Bwán bâm, esúʼlá é sí yɨ̂ʼ mû ó ɨ́ nérénére. Bɨ̌n bé á si boo jóʼo ó, Ntɨ̂m e mbɨn mé Krîst, nye ɨ́ jala le enze. Ɨ́ báánâ, ontɨ̂m le obɨn mé Krîst, bé mû ó, sí buo. Nó ó mɨ́ná dí egʉ́a gá ó, yɨ́ kumo lɨ́ esúʼlá é sí yɨ̂ʼ yɨ́.