Rôm 13:11 - Kálar Nzyɛ̌m : Ejwán é Sáá

¹¹ Sáʼ gá nó, ebě, bɨ̌n bé lɨ́ egʉ́ǎ jɔʼ mɨ́ná gá mû tɨ̂ʼ yɨ́. Ɨ́ báánâ, yé ó jɔʼ bɨ́n jálá le ejɨma ɨ́ bijô yɨ́. Jɔ̌ʼ Nzyɛ̌m á boo pɛ̂h ó, nyě tǐʼ ó mɨ́ná gá yɨ́, yé mû ó kúno epyâl. Yé akǎ cɛrǎ mpʉ yé á nyɛɛ be ɨ́ jɔʼ mɨ́ná bé á nyɛɛ bûʼla gá yɨ́.

Kálara Zyɛ̌m Edwán é mpʉ̌n

¹¹ Saʼ ga no, ebe, bɨn bé egʉa jɔʼ bɨna ga mu ɨ. Banana, yé ó jɔʼ bɨn lé ekʉ jala le ejɨma é bɨdwo e. Jɔʼ Zyɛm a bɛa tiʼe é leme we ó, nye dwe ó bɨna ga tiʼ molu mo mpoʼ mɨmɛh ɛ, yé mu ó kunokuno le epyal, laa mpʉ yé a taare be é jɔʼ bɨna bé a taare jyɛʼ ga taa buʼo ga yina boo Zyɛm ɨ.

Rôm 13:11 ပူးပေါင်းရင်းမြစ်များ

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

Éfɛsɔs 5:14

Ebě, sá yɨ́yɛ̂h njʉl dí ekʉn yɨ́, yé mû ó lɨ́ epan mímbah. Sá tɨ̂ʼ ó bé dí elɛ́ɛ ó: «Gua mʉr dí ɨ́ jô nyá, jɨmáa. Duhaa ɨ́ sɔ́má ódwe. Krîst pánaa go mimbah, tyen gó ɨ́ myɛ́n» yɨ́.

1 Korɛnt 15:34

Yé jala ó, bɨ̌n bírɨɨ lɔ̌b ógʉ̌ wɨ́n. Bɨ̌n a gwáʼ ésâ mísyóm. Bʉ́ʉ́ bʉ̂r ó sɔ́má yɨ́n, bé agʉ́ǎ Nzyɛ̌m. Mě lɛ́ɛ́ mpʉ́nʉ̌ ó, lɨ́ egbâ bɨ́n sôn ɨ́ nyʉ̂l.

Mɨngwiha 22:20

Waá dí eboʼlo mílɔ̌b mîʼ nyá, nye lɨ́ elɛ́ɛ ntémé ó: «Yé ó nó. Me lɨ́ ekpâhwǎ báʼǎ nze.» Yé díʼee nó. Dâ Yésʉs, ntáʼ!

Lʉkas 21:28

Jɔʼ bísyɛ́ɛla byaá, byé ótáare ésyɛ́ɛ yɨ́, sohaa gâ. Bɨ̌n e bɨ́r mîh kʉ́. Nzyɛ̌m óbe ó, nye mû kúno enzě táǎ góo, le edwih bɨ́n ɨ́ mpila ébébe.»

Mɨngwiha 22:12

Yésʉs, nye lɨ́ elɛ́ɛ ó: «Paá bee gâ: me lɨ́ enze ɨ́ báánâ! Me mû ó lɨ́ enze e myɛ́na ɨ́ mebô, ó me jánaa e mʉr nyɨnyɛ̂h syɛ́ɛ́ nyé á séa yɨ́.

1 Korɛnt 10:11

Bé á bɔma e bisyɛ́ɛla byaá ó, lɨ́ ecɨ̂l bʉ̂r. Bʉ́ʉ́ bʉ̂r nzě cɛma byé ɨ́ Mekaná mé Nzyɛ̌m ó, mɨná líʼɨɨ gá le epahle byê. Yé ó lɨ́ esú ó, mɨná gʉ́ŋaa gá sá mɨ́ná jálá le esyɛ̂hle gá yɨ́, mɨná gá bɨɛ, bʉr o dí ebeě mpʉ sí yɨ̂ʼ mû lɨ́ ekumo lɨ́ eswéhlɨ́ yɨ́ bá.

Mataos 16:3

Ɨ́ melɔ́ma mé mɛ́n, bɨ́n béé jʉ́o kaá e kaá nó, bɨ̌n lɛ́ɛ́ ó: “Mpíé ónwɨ́ɨ̌ ndǔm.” Nye ntémé bánǎ nwɨ́ɨ. Bɨ̌n bé náǎ lɨ́ ekʉ́ gʉ́a bísâ bi dí ecémlě dwéhé le mpíé bí. Nzê bɨ̌n bé abe e nkul dwéʼé sá mû lɨ́ esyɛ́ɛ ɨ́ jɔʼ yɨ̂ʼ yɨ́ ɛ́!]

Jacques 5:8

Júhwáá gâ. Biʼee gá nkul ɨ́ miléme, ebě, Tî gá wɨ́ná mû ó kúno ebáʼǎ nze.

2 Pyɛr 3:9

Dâ Nzyɛ̌m, nye ábea le elóŋlo nkɛ́ʼ nyé mpʉ bʉ́ʉ́ bʉ̂r dí ejwɨʼ ó, nye álɨ̌ dira nkɛ́ʼ nyaá yɨ́. Nye ɨ́ buo bíhwó ɨ́ bɨ̌n, ebě, nyé agwɨ̂m ó, nyʉ́ʉ́ mʉ̂r dímɨɨ ɨ́ nkɔb bʉr. Gwɨ́má lémé wé, yé ó, bʉr bɨ́bɛ̂h túmaa mikoo e mebébe mɔ́ɔ́, le edwira míléme.

2 Pyɛr 3:11

Yé bé bisá bîʼ bíbyɛ̂h, byé ógbahɔɔ nó, wáǎ mbǐ kʉ̌ tyen bɨ́n jálá le edû wɨ́? Yé ó kʉ̌ tyen dí ejala e bʉr o dí tí, baá o dí egúmo e Nzyɛ̌m bá wɨ́.

1 Yʉanes 2:18

Bwán bâm, esúʼlá é sí yɨ̂ʼ mû ó ɨ́ nérénére. Bɨ̌n bé á si boo jóʼo ó, Ntɨ̂m e mbɨn mé Krîst, nye ɨ́ jala le enze. Ɨ́ báánâ, ontɨ̂m le obɨn mé Krîst, bé mû ó, sí buo. Nó ó mɨ́ná dí egʉ́a gá ó, yɨ́ kumo lɨ́ esúʼlá é sí yɨ̂ʼ yɨ́.

Mɨngwiha 1:3

Metyɛʼ me mpóm, mé díʼee e waá dí eláa míngwíhá mílɔ̌b mi dí ɨ́ mekaná mâʼ mí nyá. Metyɛʼ me mpóm, mé díʼee ntémé e bʉr o dí ejóʼo le ebaʼle métwɨ́ɨ́ me dí tɨ̂ʼ má bá. Gʉ́ŋáá gá ó, sá nyé á bee yɨ́, yé mû ó kúno epyâl.

Mɨngwiha 22:10

Nye á si baʼa lɛ́ɛ e me ó: «Sá Nzyɛ̌m gwíh gó, yaá dí cɛmá ɨ́ mekaná mâʼ yɨ́, asol yé ɨ́ mekaná tʉ́ŋlʉ̌, ebě, bisâ byaá, byé ókpâhwǎ syɛ́ɛ.