Rôm 13:1 - Kálar Nzyɛ̌m : Ejwán é Sáá

¹ Mʉr nyɨnyɛ̂h, nye sâʼ ojwɨ́ɨ́ ó sí yé mejóʼo, ebě, nkul jwɨ́ɨ nyɨnyɛ̂h, nye ó nyaá Nzyɛ̌m á tyêl nyɨ́. Bʉr o dí e jwɨ́ɨ bá, Nzyɛ̌m ó b'á tyêl bê.

Kálara Zyɛ̌m Edwán é mpʉ̌n

¹ Mʉr nyiwɛh, nye saʼ ojwɨʼa o lal mojoʼo, ebe, nkul mojwɨ̀ʼa nyiwɛh, Zyɛm ó b'a cyel nye. Bʉr o ndɨ ejwɨʼ bʉʉ ɨ, Zyɛm ó ndɨ ecyel be é bɨdia byɔɔ.

Rôm 13:1 ပူးပေါင်းရင်းမြစ်များ

Títos 3:1

Jɨ́mɨ́ɨ́ bʉ̂r bitɔŋlá ɨ́ milɔ̌b mî: bé díʼee ɨ́ jwɨ́ɨ́ bʉ̂r o dí e nkul jwɨ́ɨ bá. Bé sâʼ bé mejóʼo. Bé díʼee ntémé ɨ́ cǎr lɨ́ esú lé ésâ bísyɛ́ɛla bimpâ mimbi mímyɛ̂h.

Yʉanes 19:11

Yésʉs, nye e né ó: «Nzyɛ̌m óbe, adwe nkûl nó, gó abe e nkul esâ mé sɔ̂ʼ. Sâ gwár, mʉr bɛ́má mé nyá nyɨɛ, nye ólîʼ e mebyaʼ, laa gô.»

Yʉ̂d 1:8

Damá jóʼo nó, bʉr o dí edumo e lɔ̌b wɨ̂ʼ bá, bé ó nó: pɨʼ milémé myɔ́ɔ́, nyé ajɨma ɨ́ jô. Bé lɨ́ elœʼ ményʉ́l mɔ́ɔ́, le epyêh jwɨ́ɨ́ mé Nzyɛ̌m le entuhlo bééngeles dí e kûm bá.

Éfɛsɔs 5:21

Sɨ́sáʼ gá mejóʼo páʼ nyɨ́n, ebě, bɨ̌n bé lɨ́ edwáawǒ Krîst.

Mɨngwiha 19:16

Bé á si cɛma díé lé ɨ́ kán wé, le kʉ̌ wé. Bé á cɛma ó: Njwɨ́ɨ ojwɨ́ɨ, le Tî otî.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Mɨngwiha 17:14

Bé ólwímla dɔ̂m e Mâ Nteme. Mâ Nteme ónzě kǎ ntaa bê, ebě, nyɨɛ ó dí Njwɨ́ɨ Ojwɨ́ɨ, le Tî Otî. Bʉr o bé e boo nɔ́ɔ́ dí entaa bá, bé ó baá nyé á jébe, le etwâr ɨ́ sɔ́má bʉ̂r bɨ́bɛ̂h bá. Bé ó b'á dyɛ̂ʼwo e Yésʉs.»

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Mɨlʉmlʉ 2:41

Buobuo bʉr ɨ́ sɔ́má yɔ́ɔ́, bé ntɔ̂ʼ kǎm sá Pétrus á lɛ́ɛ yɨ́, ntɔ̂ʼ duŋɔɔ. Ɨ́ móhó waá, kúnókúno e bʉr otɔ́ɔ́sin olɛ̂l, bé á si nî ɨ́ sɔ́má óbûʼla.

Rôm 12:21

Mʉ̌r sá abîr ó, ebébe, lé ntáŋaa nye ɨ́ nkul. Nyɨɛ ntáŋaa lé ɨ́ nkul lɨ́ esâ bísyɛ́ɛla bi dí ɨ́ mbɨa bí.

Rôm 13:2

Nó ó, mʉr dí egbɔba e njwɨ́ɨ nyá, nyě kʉ́ lwímla ó e sá Nzyɛ̌m á tyêl yɨ́. Baá dí esâ nó bá, bɨ́haá, bé dáʼré ó, bintɨ́ʼá ɨ́ menyʉ́l mɔ́ɔ́.

1 Timotɛ 2:2

Jɨʼlaa ntémé lɨ́ esú lé ójwɨ́ɨ, ndu e baá bɨ́bɛ̂h dí e nkul jwɨ́ɨ bá. Sá tɨ̂ʼ ó mɨ́ná ódû gá kʉ̌ tyen dí abe e ntɨ́ʼá wɨ́, le edi ntémé ɨ́ puuu yɨ́. Ɨ́ bicwiʼ gá bíná, mɨná bé ódwáawǒ Nzyɛ̌m le edwe ményʉ́l mɨ́ná medile.