Rôm 12:9 - Kálar Nzyɛ̌m : Ejwán é Sáá

⁹ Kpɛ̌l, yé díʼee abe e mikóo. Nwimɨɨ gá sá yɨ́yɛ̂h dí ɨ́ bébe yɨ́. Kpɛlɨɨ gá sɔ̂ʼ njɨ yaá dí ɨ́ mbɨa yɨ́.

Kálara Zyɛ̌m Edwán é mpʉ̌n

⁹ Kpɛl, yé duha bɨn é mɨmo si. Bena ga sa yiyɛh ndɨ é bebe e. Kpɛlɨ ga sɔʼɔ, njɨ yaa ndɨ é mbɨa ɛ.

Rôm 12:9 ပူးပေါင်းရင်းမြစ်များ

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

1 Tesalonika 5:21

Timlaa gá bisá bíbyɛ̂h. Sá dí ɨ́ mbɨa yɨ́, mɛ́rɨ́ɨ́ gá yé ɨ́ kpɨ́ɨ́ɨ́.

Ebrœ̂ 12:14

Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

2 Korɛnt 8:8

Sá mé múo nzě lɛ́ɛ bɨ́n nɨ̌, yé abe bɨ́n bi ó, bɨ̌n sâʼ yê. Mě jaá kpɛl ó, njɨ elɛ̂ʼlě mpʉ̌ kpɛ̌l yɨ́n dí yaá mpâ yɨ́. Mě jwɨʼ yé ó e yaá bʉ́ʉ́ bʉ̂r, bé á be ɨ́ báná báná ó, bé lɛ̂ʼlaa Nzyɛ̌m yɨ́.

1 Tesalonika 5:15

Mʉr abwóolo ébébe le ebébe. Sáʼ gá bisyɛ́ɛla bimpâ páʼ nyɨ́n e bʉr bɨ́bɛ̂h.

2 Korɛnt 6:6

edile e nyʉ̂l lɨ́h, ngwɨ́á wɨ́h, bíhwó nyɨ́h, mpam nyɨ́h, bisyɛ́ɛla bɨ́h dí esâ e nzɨ̌ Sísǐm mé Nzyɛ̌m bí, kpɛ̌l yɨ́h dí abě mbáʼrá e mikóo yɨ́,

Ebrœ̂ 1:9

Gǒ kpɛl ó, sá dí tîtyěl yɨ́, bene yaá dí onzyɛ́h ónzyɛ́h yɨ́. Sɨ́ǎ yaá ó dí ó, Nzyɛ̌m ɛ̌! Nzyɛ̌m gǒ á si lœm go múló mé jwɨ́ɨ, lɨ́ edwe gó nkul jwɨ́ɨ, le elóŋlǒ lémé gô e bisʉhʉʉ, laa bʉ̂r ó njoo yô.

1 Tesalonika 2:3

Mpʉ bɨ́h dí edwe bɨ́n nkul ɨ́ nzɨ̌ Mbɨambɨa Lɔ́ɔ́ wé yɨ́, yé á bé abě gwǐh ɨ́ wɨ́h pâʼ. Yé á bé aduho ɨ́ lémé mpîr, nkʉ̂ ɨ́ mikóo mé nyʉ́ʉ́ mʉ̂r.

Mɨlʉmlʉ 11:23

Jɔʼ nyé á pyâl gʉ̂ʼ yɨ́, nye nzě bee bíjwɨʼ byé á lɛ̂ʼle ó, Nzyɛ̌m á be ɨ́ buú cwɨ́a le obûʼla bí. Nye ntɔ̂ʼ soho, nzě tɨ́e bé ó, bé díʼee twíí mpâ ɨ́ mpúhlá nyɔ́ɔ́ e Yésʉs.

Yʉanes 12:6

(Nye á bé alɛ́ɛ nó ɨ́ lɔ̌b nkóó nyé á jɨ̂ʼ baántéʼenteʼe o bʉ̂r nyɨ́. Nye á lwib nó ó, ebě, nye á be ó ndíblʉ̌. Nye ó b'á bɨbaʼle ekúró lɔ́ɔ́, le edidíbě sá bʉ̂r, bé á gbɨgbâ tɨ̂ʼ yɨ́.)

Mataos 26:49

Lě Yʉ́das á kʉ pyâl, le nyé á sîhle ntémé bǎʼ e Yésʉs, ntɔ̂ʼ lɛ́ɛ ó: «Lɛ̂ʼla, me lɨ́ ebâʼ e go!» Nye ntɔ̂ʼ dû koo ékœ́h lé ɨ́ swííá.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.