Rôm 12:8 - Kálar Nzyɛ̌m : Ejwán é Sáá

⁸ Yé bé nye á dwe gua ó, metwɨ́ɨ́ me dí egbâ bʉ̂r nkul ɨ́ miléme má nó, gbáʼ bé nkul nyaá. Yé bé nye á si dwe gua nkul ekab báántéʼenteʼe o bʉ̂r mebi nó, dwéʼ bé mǎ e lémé gô wɨ́wɛ̂h. Yé bé nye á tyêl gua ó, ɨ́ dǐ tyɛ̂b esôʼ nó, léme díʼee go ɨ́ báná báná ó, go séaa syɛ́ɛ́ yaá mbɨ̂mbɨá. Yé bé nye á dwe gua ó, ndwéá écwɨ́a e bʉ́ʉ́ bʉ̂r nó, lɛ́ʼláá bé mpam nyaá e bisʉhʉʉ.

Kálara Zyɛ̌m Edwán é mpʉ̌n

⁸ Yé be ó, nye a nol go ó, bɨntɔɔ é l'efu le egba bʉr nkul é monyʉl nɛʼɛ, gbaʼ be nkul waa. Yé be ó, nye a nol go ó, bɨntɔɔ bɨ ekab baanteʼenteʼe mobi nɛʼɛ, kabɨ be ma é ntuʼ-ntu-ntuʼ. Yé be ó, nye a nol go ó, bɨntɔɔ bɨ ejwɨʼ bʉr nɛʼɛ, gbaʼ nyʉl lé ekœʼ e be mbɨmbɨa. Yé be ó, nye a nol go ó, bɨntɔɔ bɨ elɛʼle bʉr nkʉnkoo nɛʼɛ, lɛʼla be nkʉnkoo yo e bɨsʉhʉ.

Rôm 12:8 ပူးပေါင်းရင်းမြစ်များ

2 Korɛnt 9:7

Yé jala ó, mʉr nyɨnyɛ̂h dwêʼ Nzyɛ̌m mindwéá, dû mpʉ nyé á pa tíʼe ɨ́ lémé wé yɨ́. Ayɨ́ dwe gá nye myǎ e miléme mi dí ejʉba mí, nkʉ̂ ɨ́ lɔ̌b tíná. Dwéʼ gá ɨ́ mpyaʼá, ebě, Nzyɛ̌m bee mbɨ̂mbɨá ó, mʉr dí edwe ɨ́ mpyaʼá nyá.

1 Timotɛ 5:17

Otyɛ̂b bé ésôʼ dí ejwɨ́ɨ̌ Mbɛ̌r-Nzyɛ̌m mbɨ̂mbɨá bá, bé ɨ́ jala le ebi myɛ́na mebá. Baá dí etúno mílɔ̌b mé Nzyɛ̌m, le edwe bʉ̂r milɛ́ʼlá bá ó ngá bi mé, sahle.

1 Korɛnt 12:28

Nó ó, Nzyɛ̌m á tyêl bʉr ɨ́ Mbɛ̌r-Nzyɛ̌m ó, mbi wɨ̂: ɨ́ tyé ésôʼ, bʉr o mílʉ́mlʉ́ mé Yésʉs; ɨ́ tyé mbá, ogwíha o mílɔ̌b; ɨ́ tyé lɛ̂l, olɛ̂ʼla. Píe tɨ̂, nye á tyêl ó: osyɛ̂l o mésimá, ojomo o bʉ̂r, osúʼa, ojwɨ́ɨ ó Mbɛ̌r-Nzyɛ̌m, le baá o dí elwib báayogoyogo bá.

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Mɨlʉmlʉ 15:32

Yʉ́da, bé e Silâs, bé á be ntémé ó, ogwíha o mílɔ̌b. Bé á si bu lɛ́ɛla e bɨ́ɔɔ́ bɨ́ná baá, lɨ́ etɨ́e bê, le egbâ bé nkul ɨ́ miléme.

Mɨlʉmlʉ 13:15

Píe métié le mekaná mé ógwíha o mílɔ̌b, mé á sîl eláŋɔɔ yɨ́, nó ójwɨ́ɨ o mpáh bisulá, bé á sâ ó, bé lɛ́yɨɨ ó: «Bɨ́ɔɔ́, yé bé nyʉ́ʉ́ mʉ̂r ɨ́ sɔ́má yɨ́n, nyě e sá élɛ́ɛ dí e nkul egbâ bʉ̂r nkul ɨ́ miléme nó, nye lɛ́yɨɨ bʉr yǎ ɨ́ báánâ.»

Ebrœ̂ 13:24

Sohaa gá otyɛ̂b bé ésôʼ bɨ́n bɨ́bɛ̂h, bé e bʉr o mé Nzyɛ̌m oswîh bɨ́bɛ̂h. Obûʼla ó sí Italî, bé lɨ́ esoho bɨ́n.

Ebrœ̂ 13:22

Bɨ́ɔɔ́ bâm! Okɛ́l bâm! Me cɛmá bɨ́n ó, bɨ̌n bíʼee nkul ɨ́ miléme. Me cɛmá ó, mekǎn abuo. Nó ó, mě jɨʼlá e bɨ̌n ó, bɨ̌n dûhwaa mekǎn maá lɨ́ ejóʼo!

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Ebrœ̂ 10:25

Adû gá tum bʉ́ʉ́ bʉ̂r mû e né nyɨ́: lɨ́ ekpɛ́ɛ bígwɨ́hlá gá bíná. Gbáʼ gá nkul ɨ́ dwííí lɨ́ esisyɛŋa. Kʉ́ gbáʼ gá nkul ɨ́ miléme páʼ nyɨ́n ɨ́ mpʉ mɨ́ná mû lɨ́ ebee gá dʉ́ó é Tî gá wɨ́ná mû lɨ́ enze yɨ́.

2 Korɛnt 8:12

Ebě, bɨ́n dwé mʉ̂r yʉ́ʉ́ sɔ̂ʼ e bisʉhʉʉ nó, Nzyɛ̌m ókǎm ndwéá waá, jwɨʼ e mebi bɨ́n dí e tɨ̂ʼ má. Nye ájwɨʼ wé e sá bɨ́n dí abe e yé yɨ́.

1 Korɛnt 14:3

Tó kœb ó, ngwíha milɔ̌b mé Nzyɛ̌m nyɨɛ, nye ó dí elwib e bʉr o bé e boo nɔ́ɔ́ dí bá. Nye lɨ́ egbâ bé pîm ɨ́ búʼó, le etɨ́e bé, le epóblo bê.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Mɨlʉmlʉ 20:2

Nó ɨ́ jɔʼ nyé á be lɨ́ entaǎ sí yaá yɨ́, nye á be lɨ́ etô le egbâ bɨ́ɔɔ́ bɨ́ná nkul ɨ́ miléme, ɨ́ buobuo metwɨ́ɨ́ nyé á dwidwe bé má. Píe tɨ̂, nye nzě kǎ tô Grɛ̂s.

1 Timotɛ 4:13

Tó pyâl ɨ́ jɔʼ mé ngá nze gʉ̂ʼ kwá nyǒ yɨ́, sáʼ sɨ́n lɨ́ eláa Mékaná mé Nzyɛ̌m ɨ́ kpɛŋlɛm, le egbâ bʉ̂r nkul ɨ́ miléme, le elɛ̂ʼle bê.

1 Tesalonika 2:8

Bɨ̌h bé á be ɨ́ buú kpɛl bɨ́n. Sá tɨ̂ʼ ó bɨ́h á be alɛ́ɛ bɨ̌n sɔ̂ʼ njɨ Mbɨambɨa Lɔ́ɔ́ mé Nzyɛ̌m wé omér yɨ́. Bɨ̌h bé á gwɨ̂m ó, bɨ̌n díraa minyɔm ɨ́ bicwiʼ bíh ntémé. Bɨ̌n á be ɨ́ buú nyan bɨ́h ɨ́ miléme.

1 Tesalonika 2:3

Mpʉ bɨ́h dí edwe bɨ́n nkul ɨ́ nzɨ̌ Mbɨambɨa Lɔ́ɔ́ wé yɨ́, yé á bé abě gwǐh ɨ́ wɨ́h pâʼ. Yé á bé aduho ɨ́ lémé mpîr, nkʉ̂ ɨ́ mikóo mé nyʉ́ʉ́ mʉ̂r.

Kolosi 3:22

Bitúʼǎ, sáʼ gá ojwɨ́ɨ́ bɨ́n mejóʼo ɨ́ sá yɨ́yɛ̂h. Asâ gá bé mejóʼo njɨ ɨ́ jɔʼ bé dí edwɛ̂ʼ bɨ́n yɨ́. Syɛ́ɛla yaá, yé lɨ́lɛ́ʼlé ó, bɨ̌n kolo bé ó, koláa. Bɨ̌n bʉr o dí edwáawo Tî Yésʉs bá, sáʼ gá nye mejóʼo e milémé mín mímyɛ̂h.

Éfɛsɔs 6:5

Bitúʼǎ, bɨ̌n bé ɨ́ jala le esâ ójwɨ́ɨ bɨ́n, baá o dí bʉr ó sí yɨ̂ʼ bá, mejóʼo. Jwááwáá gá bê, le edwe bé dúu. Séáá gá bé e milémé mímyɛ̂h, mpʉ̌ sá lɛ́ɛ́, bɨ̌n séá ó Krîst syɛ́ɛ́.

2 Korɛnt 11:3

Me lɨ́ ejóʼo bʉ́á. Mě kpɛ́ɛ́ ó, bɨ̌n ámû jaá kʉ́ŋɔɔ, ntɔ̂ʼ dwira e Krîst jɔʼ gwár ɨ́ dwirɨ̂, jwɨʼ gwár e gwár e mpʉ nyʉ́a á kʉ́a Éfa, nye ntɔ̂ʼ bil ɨ́ mikóo yɨ́. Bɨ̌n ámû jaá gwâʼ le edwě Krîst dúu ntinɨ̂ e ntinɨ̂.

2 Korɛnt 9:13

Syɛ́ɛ́ bɨ́n ngá séa yɨ́, yé ólɛ̂ʼle bʉ̂r ó, bɨ̌n bɨ́ sul bɨ́n bʉr o tɨ̂ʼ sí, sâ méjóʼo, táare ɨ́ jɔʼ bɨ́n á kam Mbɨambɨa Lɔ́ɔ́ mé Krîst yɨ́, kumo mûh. Bʉr, bé ódwě Nzyɛ̌m kûm tɨ̂. Bé ódwe nyé kûm ntémé ó, ɨ́ jɔʼ bé óbeě mpʉ bɨ́n ngá súʼo bé e mingúlá mín, kala e bʉr bɨ́bɛ̂h yɨ́.

2 Korɛnt 9:11

Jɔʼ yaá ó bɨ́n ódi ókúmá ɨ́ menzɨ̌ mɨ́mɛ̂h, lɨ́ esú ó, bɨ̌n díʼee odwɛ́na lɨ́ esú é bʉ́ʉ́ bʉ̂r yɨ́, ɨ́ mbi dí ó, bʉr ɨ́ buo buo, bé dwêʼ Nzyɛ̌m nzyǒo, duho ɨ́ mindwéá mín, bɨ́h ngá tó kala bé mí.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

Rôm 13:6

Sɨ́ǎ yaá ntémé ó bɨ́n dí ejánǎ tœ́a yɨ́, ebě, Nzyɛ̌m á si tyêl ojwɨ́ɨ ɨ́ bidǐ byɔ́ɔ́ lɨ́ esú ó, bé tírwaa e syɛ́ɛ́ yaá.

Rôm 12:13

Dwéʼ gá bʉr o mé Nzyɛ̌m bisâ bi dí esâ bé sɔ́ɔlʉ bí. Nʉnʉa gá ojwóo o dí epyâl kwá nyɨ́n bá mbɨ̂mbɨá.

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mɨlʉmlʉ 13:12

Jɔʼ njwɨ́ɨ á bee syɛ́ɛla yaá yɨ́, nye ntɔ̂ʼ bûʼla, ebě, nye á si bu kâm lɛ́ʼlá wé á dumo e Tî Yésʉs wɨ́.

Mɨlʉmlʉ 4:36

Yé á be ó e nyʉ́ʉ́ mpʉ́n á be e díe ó, Yóseb nyá, mʉr onzweh mé Levî, waá á byɛ̂l ɨ́ tíhé Swiprʉ̂s nyá. Bʉr o mílʉ́mlʉ́, bé á ka jwɨr nye lʉ́ʉ́ díe ó, Banabâs. (Nó yé páʼlɔ́ɔ́ ó: “Póblobʉr”.)

Mɨlʉmlʉ 11:23

Jɔʼ nyé á pyâl gʉ̂ʼ yɨ́, nye nzě bee bíjwɨʼ byé á lɛ̂ʼle ó, Nzyɛ̌m á be ɨ́ buú cwɨ́a le obûʼla bí. Nye ntɔ̂ʼ soho, nzě tɨ́e bé ó, bé díʼee twíí mpâ ɨ́ mpúhlá nyɔ́ɔ́ e Yésʉs.

1 Timotɛ 6:18

Lɛ́yɨ́ɨ́ óbil o bísâ baá ó, bé sâʼ embɨa. Bisyɛ́ɛla bí émbɨa byɔ́ɔ́ bíɛ, byé díʼee ɨ́ buo buo. Bé díʼee ɨ́ cǎr ó, bé súʼaa bʉr, le etô bé e mingúlá myɔ́ɔ́.