Rôm 12:7 - Kálar Nzyɛ̌m : Ejwán é Sáá

⁷ Yé bé Nzyɛ̌m á dwe go ó, ndwéá ékɛm bʉ̂r nó, séáá syɛ́ɛ́ yaá. Yé bé nye á dwe gua ó, ndwéá édwe bʉ̂r milɛ́ʼlá nó, lɛ́ʼláá bê.

Kálara Zyɛ̌m Edwán é mpʉ̌n

⁷ Yé be ó, Zyɛm a nol go ó, bɨntɔɔ bɨ egul bʉr nɛʼɛ, sea be syɛɛ yaa, to dolo. Yé be ó, nye a nol go ó, bɨntɔɔ bɨ eyeʼle bʉr nɛʼɛ, yeʼla be.

Rôm 12:7 ပူးပေါင်းရင်းမြစ်များ

Éfɛsɔs 4:11

Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

1 Timotɛ 5:17

Otyɛ̂b bé ésôʼ dí ejwɨ́ɨ̌ Mbɛ̌r-Nzyɛ̌m mbɨ̂mbɨá bá, bé ɨ́ jala le ebi myɛ́na mebá. Baá dí etúno mílɔ̌b mé Nzyɛ̌m, le edwe bʉ̂r milɛ́ʼlá bá ó ngá bi mé, sahle.

Mɨlʉmlʉ 13:1

Ɨ́ sɔ́má bʉ̂r ó Mbɛ̌r-Nzyɛ̌m Antiôs, yé á be ó, le ogwíha o mílɔ̌b le ompʉ́n. Bé á be ó Banabâs, ndu e Siméon, mʉr Nígɛr, Lʉ́siʉs, mʉr Sirénia, ti e Manaɛ̂n. (Bé e ngóvina Erôd ó b'á gbɔlwa sɔ́má.) Saʉ̂l á be ntémé ó tɨ̂.

2 Timotɛ 2:24

Tó kœb ó, yé ajala ó, syɛ̂l mesâ mé Nzyɛ̌m gœ́aa. Nye ɨ́ jala le edi ɨ́ nzahwa nzahwa páʼ bʉr bɨ́bɛ̂h, le egʉ́a édwe bé milɛ́ʼlá, le edûhwo ébébe.

2 Timotɛ 2:2

Lɛ́ʼlá wɨ́wɛ̂h gó á jóʼo me lɨ́ edwě buobuo oboʼlo wɨ́, pɛ́hɛ́ɛ́ bʉ̂r o jálá le ebúʼlɔɔ bá, go e lɛ́ɛ́ bé wǎ. Bé bʉr o tɨ̂ʼ ósûʼla ó, bʉr o ngá tô le elɛ́ɛ bʉ́ʉ́ bʉ̂r wǎ bá.

1 Timotɛ 4:16

Gwá dwɛ̂ʼ gó mʉr tɨ̂ʼ ndu e lɛ́ʼlá gó dí edwe bʉ̂r wɨ́. Sɨ́sáʼ sɨ́n lɨ́ edû mílɔ̌b mínɨ̌. Gó ósâ nó wá, go ótíʼ gó mʉr tɨ̂, tíʼ ntémé baá o dí ejôʼlo gó bá.

1 Timotɛ 3:2

Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

Kolosi 4:17

Lɛ́yɨ́ɨ́ gá ntémé le Arkípɔs ó, nye gbâʼ nkul ɨ́ syɛ́ɛ́ Tî Yésʉs á lómo nye ó, nye séaa yɨ́. Nye lóŋlaa yê.

Galásia 6:6

Mʉr di ejɨ̂ʼ mílɔ̌b mé Nzyɛ̌m nyá, nye kábaa bisá bí émbɨa byé bíbyɛ̂h e mʉr dí edwe nyé milɛ́ʼlá nyá.

1 Korɛnt 12:28

Nó ó, Nzyɛ̌m á tyêl bʉr ɨ́ Mbɛ̌r-Nzyɛ̌m ó, mbi wɨ̂: ɨ́ tyé ésôʼ, bʉr o mílʉ́mlʉ́ mé Yésʉs; ɨ́ tyé mbá, ogwíha o mílɔ̌b; ɨ́ tyé lɛ̂l, olɛ̂ʼla. Píe tɨ̂, nye á tyêl ó: osyɛ̂l o mésimá, ojomo o bʉ̂r, osúʼa, ojwɨ́ɨ ó Mbɛ̌r-Nzyɛ̌m, le baá o dí elwib báayogoyogo bá.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Mɨlʉmlʉ 20:20

Bɨ̌n bé lɨ́ egʉ́a ó, me á bé alíʼa lɨ́ edwe bɨ́n milɛ́ʼlá mímyɛ̂h myé á be e nkul ebe bɨ́n e nyɔm mí. Me á lɨlɛ̂ʼle bɨ̌n ó, ɨ́ bigúmó bʉ̂r dí esisyɛŋa bí ti e mímbɛ̌r e mímbɛ̌r myɛ̂h.

Mɨlʉmlʉ 6:1

Ɨ́ melû maá mpʉ ómpʉ́n mé Yésʉs, bé á be, bé mû sí buú buo yɨ́, oYúden bé á lwilwib grɛ̂k bá, bê nzě gɔ́na le esâ mésɨ́n e baá o b'á lwilwib ébrœ̂ bá. Bé á lɨlɛ́ɛ ó, bɨ́haá, bé á jaa tʉtoŋlo ó, njɨ mikúhó myɔ́ɔ́ ɨ́ nkɔb mede.

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Mataos 28:19

Nó ó, tóʼ gá ɨ́ sí yɨ́yɛ̂h. Bɨ̌n a sá bíkúl bíbyɛ̂h ompʉ́n bâm. Bɨ̌n bé odu bé ɨ́ díé é Sɔ́ŋ, le Mwân le Sísǐm mé Nzyɛ̌m.

1 Korɛnt 12:5

Yé ɨ́ buo mímbi bísyɛ́ɛ́ mɨ́ná dí eséa gá bí. Sâ gwár, mɨná séá gá bisyɛ́ɛ́ byaá ó, lɨ́ esú é Njwɨ́ɨ ngwár.

1 Korɛnt 14:26

Bɨ́ɔɔ́ bâm! Okɛ́l bâm! Mɨná bé ókǎ lɛ́ɛ gá nyá? Jɔʼ bɨ́n dí egwɨ̂hla yɨ́, nyâʼ mʉ̂r, nye ó e jɨ́m nyé ódyɛɛ yɨ́. Nyʉ́ʉ́, e lɛ́ʼlá nyé ódwe wɨ́. Nyʉ́ʉ́, e gúú solá sɔ̂ʼ nyé ógwîh wɨ́. Nyʉ́ʉ́, nyě e lɔ́ɔ ɨ́ lwǐb ayogoyogo. Nyʉ́ʉ́, nyě e nkul epâʼlǎ sá lwǐb ayogoyogo yaá dí elɛ́ɛ yɨ́. Yé jala ó, syɛ́ɛla yaá yɨ́yɛ̂h gbâʼ Mbɛ̌r-Nzyɛ̌m pîm ɨ́ búʼó.