Rôm 12:6 - Kálar Nzyɛ̌m : Ejwán é Sáá

⁶ Nzyɛ̌m á dwe mɨná gá mindwéá ó, mimbi mimbi. Mpʉ nyé á kpɛl edwe mɨná gá mindwéá myaá yɨ́, nó ó, mʉ̂r nyɨnyɛ̂h jálá le eséǎ Nzyɛ̌m syɛ́ɛ́ yɨ́. Yé bé nye á si dwe go ndwéá égwîh mílɔ̌b myé nó, tóʼ le egwîh myé dóló ɨ́ nzɨ̌ búʼó.

Kálara Zyɛ̌m Edwán é mpʉ̌n

⁶ Zyɛm a nol bɨna ga bɨntɔɔ ó, mɨmbi mɨmbi. Mʉr nyiwɛh jala le esea e Zyɛm syɛɛ ó, du we mbi bɨntɔɔ Zyɛm lé enol nye e. Yé be ó, nye a si nol gwɔɔ bɨntɔɔ bɨ egwih mɨlɔb mye nɛʼɛ, toʼ dolo lé egwih mye é zi buʼo.

Rôm 12:6 ပူးပေါင်းရင်းမြစ်များ

1 Korɛnt 7:7

Mɛm mʉr tɨ̂ʼ buú gwɨ̂m ó, mpa bʉr bɨ́bɛ̂h, bé ó mpʉ mê. Sâ gwár, mʉr nyɨnyɛ̂h, nye ó e wé mbǐ ndwéá Nzyɛ̌m á dwe nye wɨ́. Nyâʼ mʉ̂r e wé mbi; nyʉ́ʉ́, e wé.

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

Rôm 1:11

Ebě, me lɨ́ ejóʼǒ dwéh ébee bɨ́n lɨ́ esú lé édwe bɨ́n nyʉ́ʉ́ nkûl Sísǐm mé Nzyɛ̌m, ó bɨ̌n nʉ́aa pîm ɨ́ búʼó.

1 Korɛnt 13:2

Me óbɛ̌m be e ndwéá égwîh bísyɛ́ɛla ngá syɛ́ɛ bí, le egʉ́a épâʼlǎ lwǐb ódîm yɨ́yɛ̂h, le egʉ́ǎ sá yɨ́yɛ̂h, sâ bínzololo. Me óbɛ̌m be e búʼó mbi dí ó, me pɛ́ʼɛɛ mecwɨ̂ʼ yɨ́. Sâ gwár, mé bé abe e kpɛ̌l nó, lɛ́ɛ́, mé abě sɔ̂ʼ.

Éfɛsɔs 4:11

Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

1 Korɛnt 14:1

Sáŋáá gá nzɨ̌ ekpɛla. Gwɨ́mɨ́ɨ́ gá mindwéá Sísǐm mé Nzyɛ̌m dí entɨh mí, kʉ́ buú sahle ɨ́ ndwéá égwîh mílɔ̌b mé Nzyɛ̌m.

2 Korɛnt 8:12

Ebě, bɨ́n dwé mʉ̂r yʉ́ʉ́ sɔ̂ʼ e bisʉhʉʉ nó, Nzyɛ̌m ókǎm ndwéá waá, jwɨʼ e mebi bɨ́n dí e tɨ̂ʼ má. Nye ájwɨʼ wé e sá bɨ́n dí abe e yé yɨ́.

1 Tesalonika 5:20

Apyêh gá milɛ́á mí ógwíha o mílɔ̌b.

1 Korɛnt 14:29

Ogwíha o mílɔ̌b, bé lwíbɨɨ obá, nkʉ̂ olɛ̂l. Bʉ́ʉ́ bʉ̂r oswîh, bé okǎ pahle mílɛ́á myɔ́ɔ́ myaá, bé nkʉ̂ gʉ́ǎ nyɔm dí tɨ̂ʼ wɨ́.

Mɨlʉmlʉ 15:32

Yʉ́da, bé e Silâs, bé á be ntémé ó, ogwíha o mílɔ̌b. Bé á si bu lɛ́ɛla e bɨ́ɔɔ́ bɨ́ná baá, lɨ́ etɨ́e bê, le egbâ bé nkul ɨ́ miléme.

Mɨlʉmlʉ 2:17

“Nzyɛ̌m á lɛ́ɛ ó: Ɨ́ melú mé ósûʼla má, me óntɨh bʉ̂r bɨ́bɛ̂h Sísǐm wâm. Bwá ó bʉbá, le bwá ó bʉrʉ̂m bɨ́n, bé ógwîh mílɔ̌b myâm. Biloʼo bín, byé óbee mísolá bísɔ̂ʼ. Minjʉ̌m mín, myé ójɨm bílíma bi dí edumo e bisá ngá syɛ́ɛ bí.

Filipi 3:15

Mɨná gá óbɛ̂h, bʉr o mû sí tɔ́ma bá, mɨná bé ɨ́ jala le edi gá e mbǐ jwɨʼ gwár nɨ̌. Nzyɛ̌m ntémé ó ngá lɛ̂ʼle bɨ́n jwɨʼ yaá.

Éfɛsɔs 3:5

Ɨ́ mimbú mí píhe, mimyǎ mi bʉ̂r ɨ́ buo buo, bé á bé agʉ́a épâʼlǎ solá lɔ̌b waá. Ɨ́ báánâ, Nzyɛ̌m mû kǎ gwîh wé ó e nzɨ̌ Sísǐm wé. Sísǐm mé Nzyɛ̌m nyɨɛ, nyě gwíh wé ó, kwá bʉr o mílʉ́mlʉ́ mé Yésʉs-Krîst, bé le ogwíha o mílɔ̌b mé Nzyɛ̌m. Bé gúmó ó e Nzyɛ̌m.

Mɨlʉmlʉ 13:1

Ɨ́ sɔ́má bʉ̂r ó Mbɛ̌r-Nzyɛ̌m Antiôs, yé á be ó, le ogwíha o mílɔ̌b le ompʉ́n. Bé á be ó Banabâs, ndu e Siméon, mʉr Nígɛr, Lʉ́siʉs, mʉr Sirénia, ti e Manaɛ̂n. (Bé e ngóvina Erôd ó b'á gbɔlwa sɔ́má.) Saʉ̂l á be ntémé ó tɨ̂.

Lʉkas 11:49

Sɨ́ǎ yaá ó, Nzyɛ̌m dí elɛ́ɛ lɨ́ ocwóó wé ó: “Me ólómlo bé ogwíha o mílɔ̌b ndu e bʉr o mílʉ́mlʉ́ bâm. Bé ójʉ̂ bâʼ ó jʉ́ʼóo, tíble bʉ́ʉ́ tíbláa” yɨ́.

Mataos 23:34

Sá tɨ̂ʼ ó mé dí elómlo bɨ́n ogwíha o mílɔ̌b, ndu e mipɨpɨ́ʼ mí bʉ̂r le olɛ̂ʼla yɨ́. Bâʼ bʉ̂r, bɨ̌n bé ójʉ̂ ó jʉ́ʼóo. Bʉ́ʉ́, bɨ̌n bé óbomlo ɨ́ bikolôs. Bʉ́ʉ́ ntémé, bɨ̌n bé óŋmɛ̂h míngáhá ɨ́ mempáh mínjɨʼla mɨ́n. Bɨ̌n bé ótíble bé bínkana e bínkana byɛ̂h.

1 Korɛnt 14:24

Tó kœb ó, bɨ́n óbɛ̂h gwíh mílɔ̌b mé Nzyɛ̌m nó, hááden nkʉ̂ njéʼe-Nzyɛ̌m, ónî nó, milɛ́á mín mímyɛ̂h myaá, myé ólɛ̂ʼle mʉ̂r waá ɨ́ kpɛŋlɛm ó, nye ó syɛ̂l misyóm. Bɨ̌n bɨ́bɛ̂h, bé ódwe nyé mebě.

Mɨlʉmlʉ 21:9

Nye á be ó e bibíŋ méséhe binâ. Byé á bɨbe ó, lɨ́ egwîh mílɔ̌b mé Nzyɛ̌m.

1 Korɛnt 3:5

Lɨ́ otyeetye, nzé dí Ápolos? Nzé dí Pɔ̂l? Bɨ̌h bé ó osúʼa bɨ́n, bʉr o b'á be bɨ̌n e nyɔm ó, bɨ̌n bûʼlaa bá. Mʉr nyɨnyɛ̂h, nye lɨ́ esâ syɛ́ɛla Tî Yésʉs á dwe nye ó, nye sâʼ yɨ́.

1 Korɛnt 12:18

Lɨ́ otyeetye, Nzyɛ̌m á gbâ bitíl bíbyɛ̂h ɨ́ nyʉ̂l ó mpʉ nyé á kpɛl yɨ́.

2 Pyɛr 1:20

Bɨ̌n e gʉ́á sɨ̂: yé abe e mʉr á gwîh milɔ̌b mé Nzyɛ̌m ɨ́ lɔ̌b gwɨ́má yé ánta nye. Ogwíha o mílɔ̌b, bé á gwigwîh milɔ̌b myé ó, lɨ́ edû mpʉ̌ Sísǐm mé Nzyɛ̌m, wé á lɛ̂ʼle bé yɨ́. Ogwíha o mílɔ̌b pǎ nyɛɛ́ dû gwɨ́má mé Nzyɛ̌m, á dwɛʼra e mʉr ókǎ pâʼla míngwíhá mílɔ̌b myɔ́ɔ́ nyá! Sá bé á nyɛɛ gwîh, nzě cɛma yɨ́, mʉr nyé ajala le epâʼla yé mpʉ̌ gwɨ́má lémé wé dí yɨ́.

Mataos 25:22

«Waá á pa dweŋɔɔ mebɨ́ʼ bímɔnɨ́ mebá nyá, nzě sîhle ntémé. Nye e né ó: “Dâ ɛ̌, go á dwe me ó mebɨ́ʼ bímɔnɨ́ mebá. Nó ó, paá bee: mɨ́ báʼǎ bi mʉ́ʉ́ mébá e tɨ̂!”