Rôm 12:5 - Kálar Nzyɛ̌m : Ejwán é Sáá

⁵ Jwɨʼ gwár yaá ntémé ó, mɨ́ná dí gá ɨ́ buo yɨ́. Sâ gwár, mɨná gá bé ó nyʉ̂l mpwár ɨ́ mpúhlá gá nyɨ́ná e Krîst. Mɨná gá óbɛ̂h, bé ó bitíl bí nyʉ̂l bi dí minɛrá ɨ́ nyʉ̂l mpwár bí.

Kálara Zyɛ̌m Edwán é mpʉ̌n

⁵ Jwɨʼ gwar e gwar yaa nteme ó bɨna ndɨ ga é buo e. Sa gwar, bɨna ga bé ó nyʉl ngwar é zyɛŋa ga wina boo Krɨst. Bɨna ga bɨbɛh, bé ó bɨfum bɨ nyʉl we, byaa ndɨ mɨnɛra e nyʉl ngwar ɨ.

Rôm 12:5 ပူးပေါင်းရင်းမြစ်များ

1 Korɛnt 12:20

Bitíl bí nyʉ̂l, byé ó, ɨ́ buo. Nyʉ̂l nyɨɛ yɨ́ɛ mpwár.

1 Korɛnt 10:17

Blêr, yé ó njɨ gwár. Mɨná damá buo gâ, mɨná gá bé yɨ́ɛ ó nyʉ̂l mpwár, ebě, mɨná gá bé ó e nkɔb ɨ́ blêr gwár.

Éfɛsɔs 4:25

Nó ó, mʉr, nyé ajala le ekǎ lɛ́ɛ mɨ́ɔɔ́ wé mʉr bibɛr. Nye lɛ́yɨɨ nye sɔ̂ʼ njɨ otyeetye, ebě, mɨná gá bé mû ó bitíl bí nyʉ̂l mpwár.

Kolosi 2:19

Bé akǎ mɛ̂r Yésʉs-Krîst ɨ́ kpɨ́ɨ́ɨ́, nyɨɛ mʉr dí yɨ́ɛ lʉ̂, tíl nyʉ̂l dí ekab nkûl nyé ɨ́ bitíl bí nyʉ̂l biswîh yɨ́. Nye ó dí esyɛŋ byé, le elɛ̂ʼle byé mpʉ byé jálá le edira ɨ́ mebɨ̌l ndu e misihé yɨ́. Nye ntémé ó dí esâ ó, nyʉ̂l nyaá tôʼ le egwɨ́ě mpʉ̌ Nzyɛ̌m dí ekpɛl yɨ́.

Éfɛsɔs 5:30

Ebě, mɨná gá bɨ́bɛ̂h, bé ó bitíl bí nyʉ̂l byé.

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

Éfɛsɔs 1:23

Mbɛ̌r-Nzyɛ̌m, wé ó nyʉ̂l mé Krîst. Krîst, nye ó lwɨ́ŋlá ɨ́ Mbɛ̌r-Nzyɛ̌m ɨ́ gúmó yɨ́yɛ̂h. Krîst ngwár e ngwár waá ntémé ó dí elóno ɨ́ mpóʼo nyɨnyɛ̂h nyá.

1 Korɛnt 10:33

Sáʼ gá mpʉ mê. Mě gbá nkûl ó, bʉr bɨ́bɛ̂h, bé kpɛ́lɨɨ me ɨ́ sá yɨ́yɛ̂h mé dí esâ yɨ́. Mé asáǎ nyɔm wâm, njɨ waá bʉ̂r ɨ́ buo buo, ó bé bíʼee twǐʼ njʉ̌m dǐ.

Rôm 12:4

Mʉr, nye ó nyʉ̂l mpwár, nyʉ̂l nyɨɛ bitîl ɨ́ buo buo. Bitíl bíbyɛ̂h, byé abe e syɛ́ɛ́ éséa njɨ gwár. Bisyɛ́ɛ́ byɔ́ɔ́, byé ɨ́ buo.

Éfɛsɔs 5:23

Ebě, mʉrʉ̂m, nye ó lʉ́ mʉ́má wé, mpʉ̌ Krîst dí lʉ́ Mbɛ̌r-Nzyɛ̌m yɨ́. Krîst mʉr tɨ̂ʼ ó dí Tiʼbʉr ɨ́ pâʼ Mbɛ̌r-Nzyɛ̌m, dí nyʉ̂l nyé wɨ́.

Yʉanes 17:11

Mé akǎ be ɨ́ sí yɨ̂. Sâ gwár, bɨ́ɛ dína ó ɨ́ sí yɨ̂. Me mû ó lɨ́ enzě nko gó dí yɨ́. Dâ ɛ̌, go ó mʉr dí ti nyá. Baʼlaa bʉ̂r baá ɨ́ díé lô, díé lô gó á dwe me lɨ́. Sáʼ ó, bé díʼee sâ gwár mpʉ mɨ́ná e go dí njɨ sâ gwár yɨ́.

1 Korɛnt 6:15

Nzê bɨ̌n dína apǎ gʉ́a ó, menyʉ́l mɨ́n, mé ó bitíl bí nyʉ̂l mé Krîst? Nzê me óbánǎ nʉǎ tíl nyʉ̂l mé Krîst, tó pûhla yé e bitíl bí nyʉ̂l sadága mʉ́má ɛ́? Yé sá abá kúnwo ɨ́ páʼ wâm ó, me sâʼ nó!

Éfɛsɔs 4:12

Nyě sá nó ó, lɨ́ esú é bʉ̂r o mé Nzyɛ̌m, ó bé díʼee bʉr o dí e nkul elóŋlǒ syɛ́ɛ́ yé bá. Nyě lɛ́ʼlé bé esâ nó ó, lɨ́ esú lé édwě Mbɛ̌r-Nzyɛ̌m (dí nyʉ̂l mé Krîst wɨ́) megwɨ́e.