Rôm 12:16 - Kálar Nzyɛ̌m : Ejwán é Sáá

¹⁶ Diʼee gá twíí páʼ nyɨ́n. Asâ gá enkɛ́ɛ́ é nyʉ̂l. Séáá gá mbǐ syɛ́ɛ́ yɨ́yɛ̂h, yé damá bě mbi syɛ́ɛ́ dí aláŋɔɔ ɨ́ nkɔb yɨ́. Ajwɨʼ gá ó, bɨ̌n ó dí ocwóó.

Kálara Zyɛ̌m Edwán é mpʉ̌n

¹⁶ Diʼe ga twii paʼra win. Ankɛɛ ga monyʉl; mɛʼla ga ó, bɨn sea mbi syɛɛ wiwɛh, yé dam be mbi ma syɛɛ bʉr ndɨ epyeh e. Atoŋlo ga ó, bɨn e bɨn ó ndɨ mɨcɨcyoo.

Rôm 12:16 ပူးပေါင်းရင်းမြစ်များ

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

Ebrœ̂ 13:5

Mʉ̌r sá alâʼ nyʉ̂l nyé lɨ́ enkpɔɔ é mɔnɨ́. Sohaa gá bím bísá bɨ́n dí ebi bí, ebě, Nzyɛ̌m á lɛ́ɛ ó: «Mé abe e nkul ejɨha gô, nkʉ̂ líʼe gó ɨ́ ntɛ̂ʼ.»

Rôm 15:5

Nzyɛ̌m, mʉr dí egbâ mɨ́ná gá nkul ɨ́ miléme, waá dí esâ ó, mɨná sâʼ gá bíhwó nyá, nye tyɛ́bɨɨ bɨ̌n ɨ́ miléme, ó bɨ̌n díʼee e mbǐ pahlá ngwár, mpʉ̌ Yésʉs-Krîst ngá tɨ́e bɨ́n yɨ́,

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

1 Korɛnt 3:18

Mʉ̌r sá alêh. Mʉ̂r ɨ́ sɔ́má yɨ́n sí láa ó, nye ó twóó ɨ́ nkǒ páʼ bísá bí jɔʼ yɨ̂ʼ nó, nye nyɛ́ɛ dǐ gʉ̌. Nyé okǎ bi ócwóó ómpâ ɨ́ jɔʼ yaá.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

Lʉkas 14:13

Sáʼ njɨ ó, ɨ́ jɔʼ gó mû lɨ́ etyêl nzɔ́ɔ yɨ́, báŋláá míndyêbndyéb, bʉr o dí e bidyɛ̂m bá, bʉr o dí etɨ́a bá, ti e baántím.

1 Korɛnt 8:2

Mʉr dí ejwɨʼ ó, nyɨ́ gʉ́ǎ sɔ̂ʼ nyá, nyé apǎ gʉ́ǎ bím dí ejala yɨ́.

1 Korɛnt 6:5

Mě lɛ́ɛ́ nó ó, lɨ́ esú lé égbâ bɨ́n sôn ɨ́ nyʉ̂l. Nzê ɨ́ sɔ́má yɨ́n, yé lɨ́ elúʼǒ pɨpɨ́ʼ ngwár dí e nkul elwib mílɔ̌b páʼ bɨ́ɔɔ́ e bɨ́ɔɔ́ nyá ɛ́?

Filipi 4:2

Me lɨ́ ejɨʼla e bɨ̌n, Evódia bé e Sʉntíke mpʉ bɨ́n mû sí pûhla e Tî Yésʉs yɨ́, diʼee gá ntémé twíí mpwár.

1 Korɛnt 4:10

Bɨ̌h mû ó bigʉ̌ lɨ́ esú mé Krîst; bɨ̌n bɨɛ, bé ó mipɨpɨ́ʼ ɨ́ nye. Bɨ̌h bé ó bityɛʼbol; bɨ̌n bɨɛ, minjɨ́h mí bʉ̂r. Bɨ̌h bé lɨ́ epyéhɔɔ; bɨ̌n bɨɛ, bé lɨ́ edweŋɔɔ̌ dúu.

Lʉkas 6:20

Nó nyé á nze dwɛ̂ʼ nko ómpʉ́n bé, bé á be yɨ́, nzě lɛ́ɛ e bé ó: «Metyɛʼ me mpóm, mé díʼee e bɨ̌n, baántéʼenteʼe o bʉ̂r. Mpóʼo mé Nzyɛ̌m á tyélɔɔ ó, lɨ́ esú é bʉ̂r o dí mpʉ bɨ́n bá.

Mataos 26:11

Ebě, bɨ̌n e baántéʼenteʼe o bʉ̂r ó dí ɨ́ jɔʼ yɨ́yɛ̂h. Mɨná bɨɛ bé ákóʼó di gá jɔʼ yɨ́yɛ̂h.

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

1 Pyɛr 5:3

Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

Filipi 3:16

Mɨná dúʼoo gá nzɨ̌ mpwár mɨ́ná dí gá tɨ̂ʼ ɨ́ báánâʼ nyɨ́, jɔʼ yɨ́yɛ̂h.

Filipi 1:27

Sâ gwár, dúʼóó gá kʉ̌ tyen dí ejala e bʉr o dí ebúʼlǎ Mbɨambɨa Lɔ́ɔ́ mé Krîst bá wɨ́. Bɨ́n sá nó wá, me ókpɛl éjóʼǒ lɔ́ɔ́ búʼó yɨ́n ó, bɨ̌n dína ó ɨ́ mpúhlá e nzɨ̌ Sísǐm ngwár. Bɨ̌n bé lɨ́ egbâ nkûl lɨ́ edi e léme ngwár, le etye ɨ́ nzɨ̌ búʼó mpʉ̌ Mbɨambɨa Lɔ́ɔ dí elɛ̂ʼle yɨ́. Mě damá nze, nzě bee bɨ́n, nkʉ̂ ntémé di wâ, me ójóʼo yɨ́ɛ lɔ́ɔ́ tɨ̂.

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

Mɨlʉmlʉ 4:32

Ɨ́ sɔ́má óbûʼla bɨ́bɛ̂h, bé á be ó lémé ngwár ti e sísǐm ngwár. Abe e mʉr ngwár ɨ́ sɔ́má yɔ́ɔ́ á be e nkul elɛ́ɛ ó, byé bísâ, byé á jaa gúmo ó, njɨ e nye mʉr tɨ̂. Páʼ nyɔ́ɔ́, sá yɨ́yɛ̂h, yé á bɨbe ó sadága.

3 Yʉanes 1:9

Me á si cɛma Mbɛ̌r-Nzyɛ̌m mekaná. Sâ gwár, Diotrɛ́fes, mʉr dí egwɨ̂m édi njwɨ́ɨ wɨ́n nyá, nyé akpɛl ésâ bɨ́h mejóʼo.

Rôm 6:2

Yé abá be nó! Mɨná gá bé ó bʉr o b'á dwe ɨ́ nkǒ páʼ mísyóm bá. Yé ngá kǎ sâ ó, mɨná tôʼ le esâ gá syóm dóló?

Rôm 11:20

Gʉ́ kʉ́ gwá lɛ́ɛ. Bé á syɛ́hɔɔ ɨ́ lɨ́ yaá ó, ebě, bé á bé abe e búʼó. Bɨ̌n bɨɛ, bé ódi ɨ́ diá nɨ̌ ɨ́ bea bea ó, ɨ́ nzɨ̌ búʼó yɨ́n. Ayɨ́ nkɛ́ɛ gá nyʉ̂l. Sá bɨ́n jálá le esâ yɨ́, yé ó, bɨ̌n kpɛ́yɨɨ Nzyɛ̌m.