Rôm 12:12 - Kálar Nzyɛ̌m : Ejwán é Sáá

¹² Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

Kálara Zyɛ̌m Edwán é mpʉ̌n

¹² Diʼe ga e bɨsʉhʉ ebe mbɛla ndɨ bɨn lwɨŋla é mɨleme e. Dihba ga mɨtuu e mɨndɛl. Gbaʼ ga monyʉl lé esa mɨnjwɨʼla.

Rôm 12:12 ပူးပေါင်းရင်းမြစ်များ

Rôm 15:13

Nó ó, Nzyɛ̌m dí egbâ bʉ̂r mpûʼla ɨ́ miléme nyá, nye tyɛ́bɨɨ bɨ̌n ɨ́ miléme, ó bɨ̌n sóhaa ɨ́ jɔʼ yɨ́yɛ̂h. Nye lóŋlaa bɨ̌n mepyɛbla ɨ́ miléme, ɨ́ nkul búʼó yɨ́n. Nó ó mílémé mín ngá lóno ɨ́ mpûʼla e nkul Sísǐm wé yɨ́.

Ebrœ̂ 10:36

Sá dí ejɨŋɔɔ ɨ́ páʼ wɨ́n yɨ́, yé ó bíhwó. Bɨ́n ósâ bíhwó nó, bɨ̌n bé ósâ gwɨ́má mé Nzyɛ̌m ɨ́ jɔʼ yaá. Bɨ̌n bé obǐ sá nyé á kɛʼ bɨ̌n yɨ́.

1 Pyɛr 4:13

Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

Jacques 5:7

Bɨ́ɔɔ́ bâm! Okɛ́l bâm! Diʼee gá e bíhwó, tó pyâl ɨ́ jɔʼ Tî gá wɨ́ná óbáʼǎ nze yɨ́. Diʼee gá e bíhwó mpʉ óbel o mémpeʼ dí e nye yɨ́. Ebě, bé lɨ́ edûhwo, ó bipemé bé á be bí, byé gúmaa mpumó mpâ. Bé dúhwó ó, ebóno ómpíé bé ésôʼ le baá bé épíhe.

Ebrœ̂ 6:15

Abraham á si dûhwo mpʉ̂n. Sá tɨ̂ʼ ó nyé á bi sâ Nzyɛ̌m á kɛʼ nye yɨ́.

Ebrœ̂ 6:12

Bɨ̌h bé akpɛl ó, bɨ̌n díʼee mipwɨ́pwɨ̂h mí ósyɛ̂l o mésâ. Bɨ̌h jaá gwɨ̂m ó, njɨ bɨ̌n sâʼ mpʉ bʉ́ʉ́ óbûʼla mé Nzyɛ̌m dí eboó sɨsâ yɨ́: bé e búʼó ndu e bíhwó. Bɨ́ɛ ntémé ó ngá nʉǎ sá Nzyɛ̌m á kɛʼ bé yɨ́, jala e nkɔb líʼe nyɔ́ɔ́.

Filipi 4:4

Diʼee gá jɔʼ yɨ́yɛ̂h ɨ́ bisʉhʉʉ ɨ́ mpúhlá nyɨ́n e Tî Yésʉs. Me lɨ́ ebáʼǎ lɛ́ɛ ó, sohaa gâ.

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

Kolosi 4:2

Jɨjɨʼlaa gá e Nzyɛ̌m ɨ́ jɔʼ yɨ́yɛ̂h. Tirwaa gá syɛ́ɛ́ mínjɨʼla. Dwéʼ gá nye nzyǒo ɨ́ bisá nyé dí esâ bɨ́n bí.

2 Tesalonika 3:5

Tî Yésʉs-Krîst tyɛ́bɨɨ bɨ̌n ɨ́ miléme, ó bɨ̌n kpɛ́lɨɨ Nzyɛ̌m. Nye sâʼ ntémé ó, bɨ̌n dûhwaa mebébe mpʉ nyé á sâ yɨ́.

1 Tesalonika 5:8

Sâ gwár, mɨná gá bé ó bʉr ó móhó. Mɨná bé ɨ́ jala le emâr gá miléme. Mɨná dyɛ̂ʼwaa gá e Nzyɛ̌m, le ekpɛl bʉ̂r. Búʼó ndu e kpɛ̌l, byé bâʼlaa mɨná gá mpʉ mímbór bínkóho mi dí ebaʼle nyʉ̂l nkɔ́ɔ́ mí. Mpûʼla, nye lónaa bɨ̌n ɨ́ miléme lɨ́ ebónǒ twǐʼ njʉ̌m dǐ. Mpûʼla nyaá, nye óbánǎ baʼle mɨ́ná gá mpʉ̌ búró bínkóho dí ebaʼlě lʉ́ nkɔ́ɔ́ yɨ́.

Mɨlʉmlʉ 1:14

Bɨ́bɛ̂h, bé á sisyɛŋa léme ngwár ó, bé tirwo ó e syɛ́ɛ́ mínjɨʼla. Tɨ̂ʼ ntémé, yé á be ó le obûʼla o bʉ́bá, le nyɔ̌ŋ mé Yésʉs, Maria, ti e bɨ́ɔɔ́ le okɛ́l mé Yésʉs.

1 Timotɛ 6:11

Gua mʉr mé Nzyɛ̌m, gwá syɛ̂hle bísá bínɨ̌ bíbyɛ̂h. Dúʼóó njɨ bisyɛ́ɛla bi dí tîtyěl bí. Jwááwáá Nzyɛ̌m, le edyɛ̂ʼwo e né, le ekpɛl bʉ̂r. Diʼee mʉ̂r bíhwó. Talaa ntémé njwɨr.

Ebrœ̂ 10:32

Símsáá gá mpʉ bɨ́n á be, ɨ́ jɔʼ bɨ́n á nyɛɛ bûʼla yɨ́. Bɨ̌n bé á nyɛɛ bi ó, twǐʼ Nzyɛ̌m dí egbâ bʉ̂r ɨ́ miléme yɨ́. Bɨ̌n nzě sia e mitúú ɨ́ buo buo e bíhwó.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

Kolosi 1:11

Bɨ̌h jɨjɨʼlá e né ntémé ó, nye tyɛ́bɨɨ bɨ̌n ɨ́ miléme, ó bɨ̌n séaa bisyɛ́ɛ́ bí nkûl mimbi mímyɛ̂h e nkul ɨ́ buo buo nyé dí e né nyɨ́. Bɨ̌n sɨ̂sea nó ó e bíhwó, le esia e mitúú, ti e bisʉhʉʉ.

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

Mɨngwiha 13:10

Nzyɛ̌m, nyě lɛ́ɛ́ ó: Yé bé kɛl swîh, kɛl kɛl ó jálá le etô lɨ́ okómó nó, nye óbánǎ tô. Yé bé kɛl swîh, kɛl kɛl ó jálá le ejʉ́ŋɔɔ e pasoŋ nó, nye óbánǎ dwe nó.» (Wâʼ ɨ́ gúmó yɨ̂, yé lɛ́ʼlé ó, yé mbɨa ɨ́ páʼ bʉ̂r o dí egúmo e Nzyɛ̌m bá ó, bé díʼee ntémé e bíhwó. Bé dyéʼee koo e Nzyɛ̌m.)

2 Pyɛr 1:6

Ɨ́ ngwɨ́á, bɨ̌n e kɛ́l émâr é léme. Lɨ́ emâr é léme, bíhwó. Lɨ́ bíhwó, kʉ̌ tyen mpâ.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

2 Tesalonika 1:4

Nó ɨ́ páʼ wɨ́h, jɔʼ yɨ́yɛ̂h bɨ́h dí epyâl gúmó bʉ̂r ó Mbɛ̌r-Nzyɛ̌m dí yɨ́, bɨ̌h bé lɨ́ enkʉ́na ɨ́ lɔ̌b bíhwó le búʼó bɨ́n dí e byé bí. Ebě, bɨ̌n bé lɨ́ edûhwo ɨ́ jɔʼ bé dí etíble bɨ́n le ebóblo bɨ́n yɨ́. Ɨ́ bijɔʼ byaá bíbyɛ̂h, bɨ̌n bé lɨ́ etô dóló le edyɛ̂ʼwo e Nzyɛ̌m.

1 Korɛnt 13:13

Nó ó, ɨ́ báánâ, búʼó, mpûʼla ti e kpɛ̌l, byé ó tɨ̂: bisá bílɛ̂l. Ɨ́ bisá bílɛ̂l byaá, yaá dí elaa byaá byúú yɨ́, yé ó kpɛ̌l.

Rôm 15:4

Yé á cɛmɔɔ nó ó, lɨ́ esú lé écɨ̂l mɨ́ná gâ, jwɨʼ gwár e gwár e mpʉ̌ sá yɨ́yɛ̂h, yé á cɛmɔɔ ɨ́ Mekaná mé Nzyɛ̌m yɨ́. Mekaná mé, mé lɨ́ ecɨ̂l mɨ́ná gâ, ó milémé gá míná nkʉ̂ lóno ɨ́ mpûʼla. Myé lʉ́lónó ɨ́ mpûʼla ó, ɨ́ lɔ̌b nkûl mékaná mé dí egbâ mɨ́ná gá ɨ́ miléme nyɨ́, le bíhwó mɨ́ná dí esâ gá nyɨ́.

Lʉkas 21:19

Tiʼɨɨ gá menyʉ́l mɨ́n ɨ́ nzɨ̌ bíhwó nyɨ́n!»

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Rôm 8:25

Sá mɨ́ná dína apǎ bee gá yɨ́, mílémé gá míná, myé ólóno ɨ́ mpûʼla ó, mɨná bé óbee gá yé nó, go ó, mɨná bé ɨ́ jala le edûhwo gá mpʉ̂n nyaá e bíhwó.

Títos 3:7

Nye á si tíʼ mɨná, sâ ó, mɨná bíʼee gá nkam ɨ́ míh mé ɨ́ nzɨ̌ mpam nyé. Mɨná bé ódi gá ntémé ɨ́ baá nyé á dwe twǐʼ njʉ̌m dǐ, jala e nkɔb líʼe nyɔ́ɔ́ bá. Mpûʼla, nye mɨná gá ɨ́ miléme ó, mɨná bé óbi gá nkɔb nyaá.

2 Timotɛ 3:10

Gua mû ó sí kʉ́ gwá beě mpʉ mé dí elɛ̂ʼle yɨ́, bee ntémé kʉ̌ tyen mé dí edû wɨ́. Go á si gʉ́a mitíʼá mí lémé wâm, ti e búʼó yâm. Go lɨ́ egʉ́a ntémé bíhwó nyǎm, kpɛ̌l yâm, ti e mpʉ mé dí esia e mitúú yɨ́.

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

Filipi 3:1

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó, sohaa gá ɨ́ mpúhlá nyɨ́n e Tî Yésʉs. Yé akɔbla mé ó, me báʼa cɛmǎ sá mê nyɛɛ cɛmá bɨ́n yɨ́. Yé ntémé ó mé múo nzě sâ lɨ́ esú é nyɔm wɨ́n yɨ́.

2 Korɛnt 12:8

Me á si jɨʼla e Tî Yésʉs nzɔʼ lɛ̂l ɨ́ lɔ̌b ékpaa laá, ó nye pɛ́ʼɛɛ me lǎ.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Mɨlʉmlʉ 12:5

Nó yaá ó Pétrus á baʼlɔɔ ɨ́ mbʉʼ yɨ́. Bʉr ó Mbɛ̌r-Nzyɛ̌m bɨ́ɛ, bé á be ó lɨ́ esâ sɨ́n lɨ́ ejɨʼla e Nzyɛ̌m lɨ́ esú lé.

Mɨlʉmlʉ 6:4

Bɨ̌h bɨɛ ókǎ tirwo ó, njɨ e syɛ́ɛ́ mínjɨʼla, le yaá élɛ́ɛ mílɔ̌b mé Nzyɛ̌m.»

Mɨlʉmlʉ 2:42

Bé á be lɨ́ ekʉ́ sâ sɨ́n jɔʼ yɨ́yɛ̂h lɨ́ etó jóʼo mílɛ́ʼlá bʉ̂r o mílʉ́mlʉ́ bé á dwidwe bé mí. Bé á didi ntémé ó, nzyɛŋá, bɨ́ɔɔ́ e bɨ́ɔɔ́ tʉ́ŋlʉ̌, le edɨde ntémé gúmo gwár, le ejɨjɨʼla e Nzyɛ̌m.

Lʉkas 10:20

Sâ gwár, ayɨ́ buú soho gá ɨ́ lɔ̌b mímbɨ́a mísísǐm, byé lɨ́ esâ bɨ́n mejóʼo. Sohaa gá ebe míé mɨ́n dí micɛmá ɨ́ jʉ́o kʉ́.»

Mataos 5:12

Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»