Rôm 12:11 - Kálar Nzyɛ̌m : Ejwán é Sáá

¹¹ Séáá gá syɛ́ɛ́ e nkul, abe le epɨ̂h. Sísǐm mé Nzyɛ̌m, nye kúblaa ɨ́ milémé mín. Séáá gá Tî Yésʉs e milémé mín mímyɛ̂h.

Kálara Zyɛ̌m Edwán é mpʉ̌n

¹¹ Gbaʼ ga monyʉl lé esa syɛɛ, abe e l'epɨh. Mbɨambɨa Sisim, nye kubla é mɨleme min tʉŋlʉ. Sea ga e Da Yesʉs.

Rôm 12:11 ပူးပေါင်းရင်းမြစ်များ

Mɨlʉmlʉ 18:25

Nye á si bu lɛ́ɔɔ ɨ́ lɔ̌b mé Tî Yésʉs. Nye ntémé á si sâ sɨ́n lɨ́ edû mílɔ̌b mé Nzyɛ̌m. Nye á be lɨ́ elwib, le elɛ̂ʼlě lɔ́ɔ́ dí edumo e Yésʉs wɨ́, lɨ́ otîtyěl. Nzamedwah e mpʉ nyé á jaa duŋɔɔ ó, njɨ ndubó mé Yʉánɛs wé omér yɨ́.

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

Ebrœ̂ 12:28

Ɨ́ tɨ̂, mɨná lɛ́yɨɨ gá Nzyɛ̌m henárá, ebě, nyɨ́ níŋle mɨ́ná gá ɨ́ mpóʼo nyé dí ejwɨ́ɨ nyɨ́. Mpóʼo nyé, nyé abe e nkul epɨ̂ʼla. Mɨná dwêʼ gá nye kûm, dwáawo nyé, le ejóʼo nyé bʉ́á. Mɨná séaa gá e né mbǐ syɛ́ɛ́ nyé ngá buú kpɛl wɨ́.

Éfɛsɔs 4:28

Mʉr á bɨbe ndíblʉ̌ nyá, nye gwáʼaa díbe. Nye séaa syɛ́ɛ́ dí e nyɔm yɨ́, e mebó mé, ɨ́ mbi dí ó, nye díʼee e sá nyé ósúʼo báántéʼenteʼe o bʉ̂r e yé yɨ́.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

Mɨlʉmlʉ 20:19

Me á sɨséa Tî Yésʉs syɛ́ɛ́ ɨ́ jɔʼ yɨ́yɛ̂h ó, le ejɔr nyʉ̂l nyǎm, e myɛ́ɛlé ɨ́ míh, oYúden bɨ́ɛ lɨ́ esáa mépɨʼ mé ébóblo mê. Sâ yaá ó b'á bu dwe me túú yɨ́.

Mataos 24:12

Bʉr ɨ́ buo buo, bé óbîr ó, kpɛ̌l, yé á didi páʼ nyɔ́ɔ́ yɨ́, yé tálaa. Bé ósâ nó ebě, bé óbeě mpʉ ébébe mû lɨ́ emamle yɨ́.

1 Timotɛ 5:13

Nó ntémé, bé ámû jaá jɨ̂ʼ édi lɨ́ ontwii. Bé ámû jaá tô le etô mímbɛ̌r e mímbɛ̌r myɛ̂h, le esâ mpǔʼ, le elwib bílwǐb bi dí asiŋa bí.

Mɨngwiha 2:4

“Yé e sâ gwár mé dí ebene e bɨ̌n yɨ́. Yé ó: bɨ̌n mû ó agwá kǎ kpɛl mé mpʉ bɨ́n á nyɛɛ kpɨkpɛl me yɨ́. Syɛ́ɛla yaá ó mé dí ebene bɨ́n yɨ́.

Kolosi 4:1

Bɨ̌n ojwɨ́ɨ, sɨ́sáʼ gá bitúʼǎ bín bisyɛ́ɛla bi dí tîtyěl, byaá bi dí ejala bí. Ajɨha gá ó, bɨ̌n ntémé, bé e wɨ́n njwɨ́ɨ, waá dí ɨ́ jʉ́o kʉ́ nyá!

1 Korɛnt 7:22

Ebě, Tî Yésʉs sí jébě túʼǎ nó, go ó, yé mû ó nzyɛh ɨ́ Yésʉs tʉ́ŋlʉ̌. Mʉr á nyɛɛ bɨbe nzyɛh, waá Krîst á jébe nyá, mû ó túʼǎ mé Krîst píe njɨ́blɨ́ waá.

Mataos 25:26

Nó ó njwɨ́ɨ á nze lɛ́ɛ e né ó: “Gua bɨ́blǎ pwɨ́pwɨ̂h syɛ̂l mesâ yɨ̂! Gó bé ɨ́ gʉ́a ó, mě pǐm ó, ɨ́ gúmó mé á be amyam mempeʼ yɨ́, le ekpɛm méde ɨ́ gúmó mé á be abe mempeʼ yɨ́ nó,

Jacques 5:16

Jɔʼ bɨ́n dí ebíle yɨ́, mʉr nyɨnyɛ̂h, nye ɨ́ jala le egwîh ébébe lé. Bɨ̌n bé ɨ́ jala le ejɨʼla páʼ nyɨ́n, bɨ̌n bʉr o tɨ̂, ɨ́ jɨʼla jɨʼla, tó pyâl ɨ́ jɔʼ bɨ́n ngá tíʼe yɨ́, ebě, minjɨʼla mi mʉ̂r dí tîtyěl nyá, myé e nkul.