Rôm 12:10 - Kálar Nzyɛ̌m : Ejwán é Sáá

¹⁰ Kpɛlaa gá páʼ nyɨ́n mpʉ bɨ́ɔɔ́ e bɨ́ɔɔ́ jálá le ekpɛla yɨ́. Diʼee gá le ánɨ̂nɨ̂n dúu páʼ nyɨ́n!

Kálara Zyɛ̌m Edwán é mpʉ̌n

¹⁰ Kpɛla ga paʼra win mpʉ mɨɔ e mɨɔ lé ejala le ekpɛla ɛ. Dwaaba ga bʉʉ bʉr é l'esama lɨn.

Rôm 12:10 ပူးပေါင်းရင်းမြစ်များ

Filipi 2:3

Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Ebrœ̂ 13:1

Mʉr akâr gá ekpɛla páʼ nyɨ́n, mbǐ kpɛ̌l dí páʼ bɨ́ɔɔ́ e bɨ́ɔɔ́ ɨ́ Krîst wɨ́.

1 Yʉanes 4:11

Bʉr ó kpɛ̌l bâm, yé bé Nzyɛ̌m á be ɨ́ bánǎ lɛ̂ʼle mɨ́ná gá kpɛ̌l yaá nó, lɛ́ɛ́, mɨná bé ɨ́ jala le ekpɛla gá páʼ gá nyɨ́ná ntémé.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

1 Pyɛr 2:17

Dwéʼ gá bʉr bɨ́bɛ̂h dúu. Kpɛlɨɨ gá bɨ́ɔɔ́ gá bɨ́ná. Jwááwáá gá Nzyɛ̌m. Dwéʼ gá njwɨ́ɨ sí yɨ́n dúu.

1 Tesalonika 4:9

Ɨ́ lɔ̌b wɨ̂, ɨ́ lɔ̌b kpɛ̌l dí páʼ bɨ́ɔɔ́ e bɨ́ɔɔ́ yɨ́, yé abe e sá mé gúm kǎ cɛma bɨ́n, ebě, bɨ̌n bʉr o tɨ̂, bé á si jɨ̂ʼ ekpɛla. Nzyɛ̌m ó b'á lɛ̂ʼle bɨ̌n.

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

1 Yʉanes 4:20

Mʉ̂r lɛ́ɛ́ ó: «Mě kpɛl ó, Nzyɛ̌m,» nyɨɛ yɨ́ɛ lɨ́ enwim mɨ́ɔɔ́ wé nó, nye ó mʉr bibɛr, ebě, mʉr dí apǎ kpɛl mɨ́ɔɔ́ wé, mʉr nyé dí ebee nyá, nyé abe e nkul ekpɛ̌l Nzyɛ̌m, mʉr nyé dí abee nyá.

2 Pyɛr 1:7

Ɨ́ kʉ̌ tyen mpâ, esó páʼ bɨ́ɔɔ́ e bɨ́ɔɔ́. Lɨ́ esó páʼ bɨ́ɔɔ́ e bɨ́ɔɔ́, kpɛ̌l.

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

Yʉanes 15:17

Etié mé dí elíʼe bɨ́n e lé lɨ́, lé ó: bɨ̌n kpɛ́laa páʼ nyɨ́n.»

Rôm 13:7

Jɛ́náá gá bʉr bɨ́bɛ̂h mempʉ́lá bɨ́n dí bé e mé má. Bwámáá gá bitœ́a kwá bʉr o dí ebɛ́ma byé bá. Jwááwáá gá baá o dí ejala e dúu bá. Gúmláá gá baá o dí ejala e kûm bá.

Mɨlʉmlʉ 4:32

Ɨ́ sɔ́má óbûʼla bɨ́bɛ̂h, bé á be ó lémé ngwár ti e sísǐm ngwár. Abe e mʉr ngwár ɨ́ sɔ́má yɔ́ɔ́ á be e nkul elɛ́ɛ ó, byé bísâ, byé á jaa gúmo ó, njɨ e nye mʉr tɨ̂. Páʼ nyɔ́ɔ́, sá yɨ́yɛ̂h, yé á bɨbe ó sadága.

Lʉkas 14:10

Nó ɨ́ jɔʼ gó ótó de méde me nzɔ́ɔ yɨ́, go e nʉ́á diá dí ká píhe yɨ́, ebě, yé e nkul epyâl gó ó, mʉr nzɔɔ ónzě lɛ́ɛ e go ó: “Só wǎm, ayɨ́ di wâ. Laŋaǎ tó di ɨ́ mpǎŋ diá kâʼ dóló.” Yé ósâ ó, go bíʼee kûm mpâ páʼ bʉr o bɨ́n le onɔ́ɔ́ dí ede méde maá bá.

Mataos 20:26

Sâ gwár, ɨ́ páʼ nyɨ́n, mbǐ syɛ́ɛla waá, wé ajala le esyɛ́ɛlɨ. Mʉ̂r ngwár ɨ́ sɔ́má yɨ́n sí kpɛl édi njwɨ́ɨ nó, nye díʼee syɛ̂l mesâ wɨ́n.

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

Kolosi 1:4

Nó ó, bɨ̌h bé á si jóʼo lɔ́ɔ́ búʼó bɨ́n dí ebúʼlǎ Yésʉs-Krîst, le kpɛ̌l bɨ́n dí ekpɛl óbûʼla yɨ́.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Yʉanes 17:21

Me lɨ́ ejɨʼla e go ó, bɨ́bɛ̂h, bé díʼee sâ gwár. Dâ ɛ̌, bé díʼee ɨ́ mpúhlá e mɨná mpʉ gó dí ɨ́ mpúhlá e me, mɛm ɨ́ mpúhlá e go yɨ́. Bé díʼee ɨ́ mpúhlá e mɨná. Nó ó bʉ̂r ó sí yɨ̂ʼ ngá bûʼla ó, go ó b'á ntɨh me yɨ́.