Rôm 11:7 - Kálar Nzyɛ̌m : Ejwán é Sáá

⁷ Nó, yê yé? Bʉr o b'Ɨ́zraɛ̂l, bé á bé abǐ sá bé á sɨsáa yɨ́. Baá Nzyɛ̌m á twâr bá bɨɛ, bé ó b'á bi yê. Baá bʉ́ʉ́ bɨ́bɛ̂h, milémé myɔ́ɔ́, myé á be ɨ́ buú lele lɨ́ ebúʼla.

Kálara Zyɛ̌m Edwán é mpʉ̌n

⁷ Yé be no nɛʼɛ, bɨna lɛɛ ga é yé? Bɨna lɛɛ ga ó, bwa b'Ɨzraɛl, bé a baabee sa bé a be lé esaa ɛ. Bʉr o Zyɛm a pɛh ɛ, bɛɛ, bé ó b'a bee. Baa bʉʉ bɨbɛh, nye a lɨl mɨlʉ myɔɔ ó, lɨl lɨlɨ.

Rôm 11:7 ပူးပေါင်းရင်းမြစ်များ

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Rôm 9:18

Nó ó, Nzyɛ̌m cwɨ́á ó e mʉr nyé twâr nyá. Mʉ̌r Nzyɛ̌m kpɛ́l élɨ̌l lémé wé nyá, nye lɨ́ elɨl nyé wǎ.

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

Rôm 11:5

Ɨ́ myǎ bʉ̂r gá wɨ́ná wɨ̂, yé ntémé, yé e mâ dœ́h é bʉ̂r lé á lîʼ ɨ́ kúl bʉ̂r o b'Ɨ́zraɛ̂l lɨ́, bʉ̌r Nzyɛ̌m á boo twâr ɨ́ mpam nyé lɨ́ esú lɔ́ɔ́ bá.

Éfɛsɔs 1:4

mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

2 Korɛnt 3:14

Tó kœb ó, ecwólwo lɔ́ɔ́, lé á be ó sí dwira édúrʉ́ʉ́. Pyâl ɨ́ dʉ́ó lɨ̂ʼ mûh, pɨʼ nyɔ́ɔ́, nye dína ó mbúblá e kán waá ɨ́ jɔʼ bé láá mékaná mé njʉ̌m sáá yɨ́. Kán mpʉ́ʉ waá, wé jaá pʉʼa mʉ̂r ɨ́ mpǒm ó, njɨ ɨ́ jɔʼ mʉ̂r waá púhlá e Krîst yɨ́.

Rôm 9:23

Nzyɛ̌m á kpɛl ntémé ó, bʉr gʉ́ŋaa ó, nyě e kûm nɨ́nɨ́ɨ́. Nye ókab mɨ́ná gá kûm nyaá, mɨná gá, bʉr o nyé á kpɛl ecwɨ́a e bé bá, ebě, mɨná gá bé ó baá nyé á boo komlo ó, nye ókab bé kûm nyaá bá.

Filipi 1:18

Yé alɛ́ɛ mé sɔ̂ʼ. Me ó lɨ́ bisʉhʉʉ ɨ́ lɔ̌b waá, ebě, bé lɨ́ etúnǒ lɔ́ɔ́ mé Krîst. Wé mû ó lɨ́ etúnɔɔ e menzɨ̌ mɨ́mɛ̂h, damá jóʼo ó e nyaá mikóo, damá be ó e nyaá mpâ. Me óbáʼǎ tô dóló le esoho,

1 Korɛnt 10:19

Me lɛ́yɨɨ yé? Nzê tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, nye ó nó tyeetye ɛ̌? Nzê bikpɛʼkpɛ̂ʼ bí ónzyɛ̌m, byé ó tɨ̂ʼ tyeetye ɛ̌?

Rôm 10:3

Bé á si jéʼe nzɨ̌ Nzyɛ̌m á tíʼe ɨ́ lémé wé ó, nyě kǎr ó bé nyǎ, ó bé ócɨɨ tɨ̂, bé obi nkâm tɨ̂ʼ nyɨ́. Bé á jaa sáa njɨ ó, bé káraa nyɔ́ɔ́ nzɨ́. Nó ó bé á gbɔba e Nzyɛ̌m, lɨ́ esú ó, bé bíʼee nkam lɨ́ ecɨɨ ɨ́ nzɨ̌ bɨ́ɛ bé bʉr o tɨ̂ʼ, bé á kar nyɨ́.

Rôm 6:15

Mɨná bé akǎ be gá ɨ́ mpila métié yaá tʉ́ŋlʉ̌, yé abe nó? Mɨná mû gá ó, bʉr o dí elɛ̂ʼlɔɔ mpâm mé Nzyɛ̌m bá. Mpʉ yé dí nó yɨ́, nzê mɨná bé ɨ́ jala le esɨ̂sa gá misyóm ɛ́? Heʼé, yé abá be nó.

Rôm 3:9

Mɨná bé ólɛ́ɛ gá nyá? Nzê bɨ̌h oYúden ó dí elaa bʉ́ʉ́ bʉ̂r ɛ̌? Heʼé, yé abá be nó. Me bé ó sí lɛ̂ʼle ɨ́ kpɛŋlɛm ó, oYúden ti e bʉr o dí abe óYúden bá, bé e mebě. Syóm, wé ó dí ejwɨ́ɨ bɨ́bɛ̂h.

Yʉanes 12:40

“Nzyɛ̌m á be ó sí liŋ bé baántím. Nye á si dibe bé mepɨʼ mɔ́ɔ́, ó míh mɔ́ɔ́, mé ayɨ́ bee; bé ntémé díʼee abe e mepɨʼ, lɨ́ ebene ó, bé ámû jaá dwira míléme, tóŋɔɔ kwá nyé ó, nye tíʼɨɨ bê.”

Lʉkas 13:24

«Gbáʼ gá nkul lɨ́ enî lɨ́ ebê dí ɨ́ mána lɨ́. Mě lɛ́ɛ́ bɨ́n ó: bʉr ɨ́ buo buo, bé ógwɨ̂m énî tɨ̂, bɨ́ɛ abe e nkul.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

Ebrœ̂ 12:17

Píe tɨ̂, nye nzě kǎ kpɛl ó, sɔ́ŋ syɛ́yɨɨ nye metyéelé, ó nye líʼɨɨ e bilíʼé bí sɔ́ŋ wé. Bɨ̌n bé lɨ́ egʉ́a ó, sɔ́ŋ á si bene esâ syɛ́ɛla yaá. Esô mʉr tɨ̂ʼ á si kʉ jɨ ɨ́ jɨ jɨ jɨ, sâ gwár, nye á bé akǎ be e nkul edwirǎ léme, nkʉ̂ bi métyɛʼ me mpóm maá ɨ́ lɔ̌b myɛ́ɛlé mé maá.

Markus 6:52

Ebě, bé á bé agwá jóʼǒ sá ésimá lé ébul bíblêr lé á pʉgʉ kpɛl elɛ́ɛ yɨ́, ebě, milémé myɔ́ɔ́, myé á be ɨ́ lele lɨ́ ebúʼla.

Éfɛsɔs 4:18

Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́.