Rôm 11:6 - Kálar Nzyɛ̌m : Ejwán é Sáá

⁶ Nye á twâr bé ó, ɨ́ mpam nyé. Nye á bé atwâr bé ɨ́ lɔ̌b bísyɛ́ɛla bimpâ byɔ́ɔ́. Yé bé nye á twâr bé ó, ɨ́ lɔ̌b bísyɛ́ɛla byaá nó, lɛ́ɛ́, mpam á bé akǎ be mpâm.

Kálara Zyɛ̌m Edwán é mpʉ̌n

⁶ Nye a pɛh be ó, ebe ncwɨncwɨa we; nye a baapɛh be ebe mɨmpaŋ bɨsyɛɛla byɔɔ. Nkʉ nye a be ó be, pɛh be ebe bɨsyɛɛla byɔɔ nɛʼɛ, mpa ncwɨncwɨa a baaka be ncwɨncwɨa.

Rôm 11:6 ပူးပေါင်းရင်းမြစ်များ

2 Timotɛ 1:9

Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

Galásia 2:21

Mé apyêh mpâm mé Nzyɛ̌m. Mʉ̂r bé mbɨ̂mbɨá ɨ́ míh mé Nzyɛ̌m ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, Yésʉs-Krîst á kʉ dwe ó, kwahaá dwêh.»

Títos 3:5

Nye á tíʼ mɨná gá ó, ɨ́ nzɨ̌ njɨ́ʼá nkóó wé. Nye á bé atíʼ mɨ́ná ɨ́ lɔ̌b bísyɛ́ɛla bimpâ mɨ́ná bé á sâ lɨ́ otîtyěl gá wɨ́ná bí. Nye á tíʼ mɨná ó, ɨ́ pubá nyé á pubo mɨná gá e Sísǐm wé wɨ́. Pubá waá, wé ó b'á dwe mɨná gá mbyɛ́lá dwân, le esâ ó, mɨná díʼee medwán mé bʉ̂r. Nye á si kab mɨná gá Sísǐm wé ɨ́ ntʉʉʉ́ ɨ́ nzɨ̌ mé Yésʉs-Krîst, Tiʼbʉr gá wɨ́ná.

Galásia 5:4

Bɨ̌n, bʉr o dí elɛ́ɛ ó, bɨ̌n bé óbi nkâm ɨ́ míh mé Nzyɛ̌m ɨ́ lɔ̌b mbaʼlá métié wɨ́n bá, bɨ̌n e Krîst, bɨ́ bɔ́ʼa! Bɨ̌n bɨ́ pɔʼǎ súm Nzyɛ̌m á gwa be ó, nye ósʉ bɨ́n metyɛʼ me mpóm mé yɨ́.

1 Korɛnt 15:10

Damá jóʼo nó, me mʉr milʉ́mlʉ́ ó, ɨ́ metyɛʼ me mpóm Nzyɛ̌m á sʉ me má. Nye á bé asʉ mé mǎ dwêh. Nye á sʉ me mǎ ó, me nkʉ̂ séa, laa bʉ́ʉ́ bʉ̂r o mílʉ́mlʉ́ bé bɨ́bɛ̂h. Lɨ́ otyeetye, ntʉ mé á séa. Metyɛʼ me mpóm me dí ɨ́ me má, mé ó dí esâ ó, me séaa.

Lʉkas 6:13

Nó ɨ́ jɔ̌ʼ mɛ́n wé á lɔ́ma yɨ́, nye ntɔ̂ʼ jébe ómpʉ́n bé, ntɔ̂ʼ twâr bʉ́ʉ́. Bím nyé á twâr yɨ́, bʉr kám le obá. Nye ntɔ̂ʼ jɨ̂jebe bé ó, bʉr o mílʉ́mlʉ́ bé.