Rôm 11:30 - Kálar Nzyɛ̌m : Ejwán é Sáá

³⁰ Bɨ̌n, bʉr o dí abe óYúden bá, bɨ̌n bé á si sâ Nzyɛ̌m ajóʼo ɨ́ mimbú mí píhe. Ɨ́ báánâ mpʉ óYúden bɨ́ɛ dí ebene édyɛ̂ʼwo e né yɨ́, Nzyɛ̌m kǎ nzě jɨ̂ʼ bɨ́n nkoó.

Kálara Zyɛ̌m Edwán é mpʉ̌n

³⁰ Bɨn, bʉr o ndɨ abe oYʉden ɨ, bɨn bé a si sa Zyɛm ebɨh é molu pihe. Banana, mpʉ oYʉden bɛɛ mu si sa nye ebɨh ɨ, Zyɛm, nyi ka ze jwɨʼ bɨn nkoo.

Rôm 11:30 ပူးပေါင်းရင်းမြစ်များ

Kolosi 3:7

Ɨ́ mimbú mí píhe, ɨ́ jɔʼ bɨ́n á jaa titiʼe njɨ lɨ́ esâ syóm yɨ́, kʉ̌ tyen bɨ́n á dudû wɨ́, wé á be ntémé ó njɨ nó.

1 Korɛnt 7:25

Ɨ́ páʼ bíbíŋ méséhe, mé abe e lɛ́á mé Tî Yésʉs. Mě lɛ́ɛ́ yɨ́ɛ ó, yâm jwɨʼ ɨ́ tyé mʉ̂r Tî Yésʉs á jɨ̂ʼ nkoó, waá mû mʉr ebúʼlɔɔ nyá.

2 Korɛnt 4:1

Bɨ̌h bé adímle nkûl ɨ́ miléme, ebě, Nzyɛ̌m á si jɨ̂ʼ bɨ̌h nkoó lɨ́ edwe bɨ́h syɛ́ɛ́ yɨ̂.

Rôm 11:31

Mpʉ óYúden, bé á bene edyɛ̂ʼwo e né yɨ́, Nzyɛ̌m á bîr ó, bé sâʼ ebɨ̌h laá ó, nye nkʉ̂ jɨ̂ʼ bé ntémé nkoó, mbi nyé á nyɛɛ jɨ̂ʼ bɨ̌n nyɨɛ nkoó wɨ́.

1 Pyɛr 2:10

Ɨ́ mimbú mí píhe, bɨ̌n bé á bé abě kúl bʉ̂r mé Nzyɛ̌m. Nó ó, ɨ́ báánâ, bɨ̌n mû ó kúl bʉ̂r dí egúmo e nye yɨ́. Ɨ́ mimbú mí píhe, abe e mʉr á jɨ̂ʼ bɨ̌n nkoó. Nó ó, ɨ́ báánâ, Nzyɛ̌m, nyɨ́ kʉ́ jɨ̂ʼ bɨ́n nkoó.

1 Timotɛ 1:18

Timotɛ̂, mwân wǎm, mě dwé gó metwɨ́ɨ́ mâʼ ó, lɨ́ edû lɛ́á ógwíha o mílɔ̌b dí elɛ́ɛ, dumo e go wɨ́. Gó óbaʼle métwɨ́ɨ́ mâʼ nó, go ólwímlǎ mbɨambɨa dɔm

Rôm 11:29

Ebě, jɔ̌ʼ Nzyɛ̌m mû sí tíʼe ɨ́ lémé wé ó, nyě jébé ó mʉr swîh, nkʉ̂ mʉr kɛl, le edwe nyé mindwéá yɨ́, nye ácéne mítíʼá mí ésôʼ myaá píe tɨ̂.

Rôm 15:9

Nye á nze séa ntémé ó, lɨ́ esú é bíkúl bíswîh, ó bé gʉ́ŋaa mpʉ̌ Nzyɛ̌m dí ejɨ̂ʼ bʉ̂r nkoó yɨ́, bé nkʉ̂ gúmlo nyé tɨ̂. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá tɨ̂ʼ ó mé ngá gúmlo gó témé bikûl bi dí abe óYúden bí yɨ́. Me ódyɛɛ gó mejéme ɨ́ dúú díé lô.

Ebrœ̂ 3:18

Nzyɛ̌m á káale ó: «Bʉr ópǎ bee gá nkʉ̂ bé ókǎ nî lɨ́ egbalá lâm!» Bʉr o nyé á lwib ɨ́ lɔ̌b wɔ́ɔ́ bá, bé onzé? Bé ó baá bé á sâ nye ebɨ̌h bá!