Rôm 11:25 - Kálar Nzyɛ̌m : Ejwán é Sáá

²⁵ Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

Kálara Zyɛ̌m Edwán é mpʉ̌n

²⁵ Obɨɔ ga bam aa! Me ekpɛl ó, bɨn gʉŋa lwib odim yiʼ é kpɛhla. Bɨn bé amu jwɨʼ ó, bɨn e bɨn ó ndɨ mɨcɨcyoo. Lwib odim yaa, yé ó: bʉʉ bʉr é bwa b'Ɨzraɛl, bé e mɨlʉ ndɨ é bul lele lé ejoʼo e. Mɨlʉ myɔɔ, myé ódi e molele maa ó, to pyal é jɔʼ tolɔɔ obuʼla ndɨ abe oYʉden ɨ, bé ókumo bim Zyɛm a bɛa tiʼe é leme we ó, yé ójala ɛ.

Rôm 11:25 ပူးပေါင်းရင်းမြစ်များ

Lʉkas 21:24

Bâʼ bʉ̂r, bé ójʉ́ŋɔɔ le opasoŋ; bʉ́ʉ́, bé ótô lɨ́ okómó ɨ́ bikúl bíbyɛ̂h. Nó bʉr o bíkûl byaá, bé ónyǎl Yerʉ́zalɛm e mekʉ̌ mɔ́ɔ́, tó pyâl ɨ́ jɔʼ épʉ́la lɔ́ɔ́, lé óbe sí laa yɨ́.»

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Rôm 12:16

Diʼee gá twíí páʼ nyɨ́n. Asâ gá enkɛ́ɛ́ é nyʉ̂l. Séáá gá mbǐ syɛ́ɛ́ yɨ́yɛ̂h, yé damá bě mbi syɛ́ɛ́ dí aláŋɔɔ ɨ́ nkɔb yɨ́. Ajwɨʼ gá ó, bɨ̌n ó dí ocwóó.

Mɨngwiha 7:9

Píe tɨ̂, mé ká bee nɛ́ɛ: bee bʉ̂r mebɨ̂ʼ mepǎm, abe e tólɔ́ɔ. Bé á be ó bʉr o bíkûl e biloo e mpum bʉ̂r. Bé ntémé bé á si lwib bilwǐb bíbyɛ̂h. Bé á be ó tɨ̂ʼ bɨ́bɛ̂h ɨ́ mpǒm mecwɨ́ɨ́ mé jwɨ́ɨ ndu e Mâ Nteme. Bé á bě e bidur ɨ́ pumo pumo ɨ́ menyʉ̂l le mpúho melén ɨ́ mebô.

Éfɛsɔs 3:9

Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.

Mɨngwiha 11:15

Píe tɨ̂, éngeles nzaangbá á si lʉ́o sébé wé. Me ntɔ̂ʼ jóʼo métwíí ménɨ́nɨ́ɨ́, duho ɨ́ jʉ́o kʉ́. Mé ó: «Dâ Nzyɛ̌m wɨ́h, bé e mʉr nyé á lœm múló mé jwɨ́ɨ nyá, bé ó dí e jwɨ́ɨ ɨ́ páʼ bʉ̂r ó sí yɨ̂ʼ bɨ́bɛ̂h. Jwɨ́ɨ́ yé, yé ódǐ njʉ̌m dǐ e njʉ̌m dǐ.»

2 Pyɛr 3:8

Bʉr ó kpɛ̌l bâm, ajɨha gá sɨ̂: ɨ́ páʼ mé Dâ Nzyɛ̌m, dʉ́o egwár, lé ó mpʉ tɔ́ɔ́sin mimbû; tɔ́ɔ́sin mimbû nyɨɛ, nye ó mpʉ dʉ́o egwár.

1 Korɛnt 10:1

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa sá yé á syɛ́ɛ kwá bimpám bíh yɨ́ ɨ́ pébébé. Byé á titye e Moyɨ̂z ó, sí dwiné. Bɨ́bɛ̂h, bé á si ntaa mâŋ e mekʉ̌.

Rôm 1:13

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa ó, ɨ́ bijɔʼ ɨ́ buo buo, me á be ó le jwɨʼ ó, me ónzě bee bɨ́n. Me á jaa bʉbɔma sɔ̂ʼ ó, njɨ e mingamla. Sâ gwár, me ónze yɨ́ɛ lɨ́ esú lé énzě séǎ Nzyɛ̌m syɛ́ɛ́ ɨ́ sɔ́má yɨ́n. Me á gwɨ̂m ó, syɛ́ɛ́ yâm, yé gúmaa ntémé mpumó kwá nyɨ́n ɨ́ mpʉ yé á gúmo mpumó ɨ́ mʉ́ʉ́ mésí méswîh yɨ́.

1 Korɛnt 12:1

Bɨ́ɔɔ́ bâm! Okɛ́l bâm! Ɨ́ nkǒ páʼ míndwéá Sísǐm mé Nzyɛ̌m dí entɨh mɨ́ná gá mí, mě kpɛ̌l ó, bɨ̌n gʉ́ŋaa lɔ̌b waá ɨ́ pébébé.

Mataos 13:11

Nye ntɔ̂ʼ yala e bé ó: «Bɨ̌n ó Nzyɛ̌m á gwîh bisá mésǒ bi Mpóʼo nyé. Nó bɨ́ɛ á bé agwíhɔɔ byê.

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Rôm 9:18

Nó ó, Nzyɛ̌m cwɨ́á ó e mʉr nyé twâr nyá. Mʉ̌r Nzyɛ̌m kpɛ́l élɨ̌l lémé wé nyá, nye lɨ́ elɨl nyé wǎ.

Rôm 11:12

Jɔʼ bʉ̂r o b'Ɨ́zraɛ̂l, bé á gbah metié yɨ́, Nzyɛ̌m ntɔ̂ʼ nzě liŋ ébébe laá okúm le ogbaa lɨ́ esú é bʉ̂r ó sí bɨ́bɛ̂h. Nzyɛ̌m pǎ nyɛɛ́ kaale bʉ̂r o bíkúl bíbyɛ̂h okúm wé ɨ́ jɔʼ óYúden, bé á sâ nye ebɨ̌h yɨ́, á dwɛʼra e mpam nyé ólɛ̂ʼle mɨ́ná gá le onɔ́ɔ́ nyɨ́, ɨ́ jɔʼ óYúden baá bɨ́bɛ̂h ngá báʼǎ nze kwá nyé yɨ́! Nye ólɛ̂ʼle mɨ́ná gá le onɔ́ɔ́ mpam ɨ́ ntʉʉʉ́.

Rôm 11:24

Bɨ̌n bʉr o dí abe óYúden bá, bɨ̌n bé ó mpʉ mílɔ́ɔ́ mí lɨ́ yé á pâh ɨ́ dwǐʼ yɨ́. Nzyɛ̌m nzě tó syɛ̂h gúú lɔ́ɔ́ tɨ̂, nzě tó nɛr wé ɨ́ mpǎŋ lɨ́. Nzyɛ̌m pǎ nyɛɛ́ nɛ̌r lɔ́ɔ́ lɨ́ dwǐʼ ɨ́ mpǎŋ lɨ́, á dwɛʼra e milɔ́ɔ́ myé á syɛ́hɔɔ ɨ́ lɨ́ yaá mí! Nye ókʉ́ bánǎ nɛr myé tɨ̂.

1 Korɛnt 2:7

Bɨ̌h lɛ́ʼlé ó, ocwóó mé Nzyɛ̌m dí solá wɨ́. Wé ó sá Nzyɛ̌m á sol bʉr yɨ́. Nye dína apǎ kuho kʉ́ e sí, nye á boo tíʼe ɨ́ lémé wé ó, nyě dwé mɨ́ná gá ó ocwóó waá, ti e kûm tɨ̂.

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

Éfɛsɔs 4:18

Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́.

Mɨngwiha 1:20

Ocwícwén nzaangbá gó dí ebee lɨ́ ekœ́h lé éjʉ́m lâm bâʼ le bityélátyéla méláma bí gʉ̂l nzaangbá, sá dí elɛ́ɔɔ tɨ̂ʼ ɨ́ lwǐb ódîm yɨ́ ó yɨ̂: ocwícwén nzaangbá, bé ó beéngeles nzaangbá dí edwéele bʉ̂r ó Mbɛ̌r-Nzyɛ̌m dí ɨ́ binkana nzaangbá bá. Bityélátyéla méláma byaá bíɛ, byê mveʼle ó, bʉr ó Mbɛ̌r-Nzyɛ̌m dí ɨ́ binkana nzaangbá bá.»