Rôm 11:22 - Kálar Nzyɛ̌m : Ejwán é Sáá

²² Paá bee gá mpʉ̌ Nzyɛ̌m dí elɛ̂ʼle mpâm, le edi, adûhwo bʉ̂r o dí esâ nyé ebɨ̌h, baá bé á twe omyâtyɛ̌ŋ ɨ́ nkɨ́ŋlɨ́m bá. Nyě kʉ́ lɛ̂ʼle mpâm nyé ó, gua. Gúa óbene édi ɨ́ mpam mé Nzyɛ̌m nyaá nó, lɛ́ɛ́, nye ntémé ókʉ́ syɛ̂h gó mpʉ̌ lɔ́ɔ́ lɨ́ e ngɨ́r ɨ́ léme.

Kálara Zyɛ̌m Edwán é mpʉ̌n

²² Mbe ga: é mpʉʼ ó Zyɛm ndɨ elɛʼle mpwaʼ ncwɨncwɨa we e! Nye nteme lé edi, adihbe bʉr o b'a lɨʼa omyacyɛŋ é nkɨŋlɨ ɨ. Nye ekʉ lɛʼle ncwɨncwɨa we ó, gwɔɔ. ǃGo si bene lé eliʼ é dia ncwɨncwɨa mo Zyɛm nɛʼɛ, gʉŋa ó, nye nteme ókʉ syɛh go mpʉ lɔɔ lɨ, e ncɨr é leme.

Rôm 11:22 ပူးပေါင်းရင်းမြစ်များ

Ebrœ̂ 3:14

Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

1 Korɛnt 15:2

Bɨ́n óbaʼlě lɔ́ɔ waá mbɨ̂mbɨá mpʉ mé á túno bɨ̌n wǎ yɨ́ nó, wé ótiʼ bɨ́n. Yé bé abe nó wá, lɛ́ɛ́, búʼó yɨ́n, yé ó dwêh.

Yʉanes 15:2

Lɔ́ɔ́ tɨ̂ʼ wɨ́wɛ̂h dí agúmo mpúmó wɨ́, nye lɨ́ esyɛ̂h wê. Nó ó, milɔ́ɔ́ mímyɛ̂h mi dí e mpumó mí, nyě komló myé ó, myé gúmaa mpumó ɨ́ buo buo.

Mɨngwiha 2:5

Ebe nó, símsáá gá gúmó bɨ́n á sele ɨ́ jɔʼ bɨ́n á twe yɨ́. Túmáá gá mikoo le mebébe mɨ́n. Bɨ̌n e dwírá míléme. Lóŋláá gá bisyɛ́ɛla bí ésôʼ mpʉ bɨ́n á boo sɨ̂sa yɨ́. Bɨ́n bé adwira míléme nó wá, me ónze kwá nyɨ́n, nzě pɛ̌ʼ tyélátyéla éláma yɨ́n ɨ́ tyé yé.

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Ebrœ̂ 10:23

Mɨná bôʼlaa gá sá mɨ́ná dí ekam gá yɨ́. Milɔ̌b myaá ó dí egbâ mɨ́ná gá mpûʼla ɨ́ miléme. Mʉ̌r sá apɨ́ŋla, ebě, mʉr á dwe mɨná gá menkɛ̌ʼ ɨ́ buo buo nyá, nye ó mʉr ebúʼlɔɔ.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Yʉanes 8:31

Yésʉs nzě lɛ́ɛ le oYúden bé á dyɛ̂ʼwo e né bá ó: «Bɨ́n óbaʼle mékǎn mâm nó, bɨ̌n bé ódi ómpʉ́n bâm lɨ́ otyeetye.

1 Tesalonika 3:8

Jɔʼ yɨ̂, bɨ̌h mû ó sí tíʼe, ebe bɨ́n dína lɨ́ etyɛ̂b mekʉ̌ sí ɨ́ sɨ́ŋ ɨ́ mpúhlá nyɨ́n e Tî Yésʉs.

Mɨlʉmlʉ 11:23

Jɔʼ nyé á pyâl gʉ̂ʼ yɨ́, nye nzě bee bíjwɨʼ byé á lɛ̂ʼle ó, Nzyɛ̌m á be ɨ́ buú cwɨ́a le obûʼla bí. Nye ntɔ̂ʼ soho, nzě tɨ́e bé ó, bé díʼee twíí mpâ ɨ́ mpúhlá nyɔ́ɔ́ e Yésʉs.

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.

1 Yʉanes 2:19

Bʉr baá, bé á si duho ɨ́ sɔ́má gá yɨ́ná. Bé á bé abe yɨ́ɛ bɨ́ɔɔ́ gá bɨ́ná. Yé bé bé á be ó bʉr ó sɔ́má gá yɨ́ná nó, mpa mɨná gá le onɔ́ɔ́, bé dína ó tɨ̂, kumo mûh. Tó kœb ó, yé á jala ó, bé tôʼ, yé nkʉ̂ nyɨ̂n ɨ́ kpɛŋlɛm ó, abe e mʉr sɔ́má yɔ́ɔ́ á be ɨ́ nkɔ̌m gá nyɨ́ná.

Rôm 11:21

Nzyɛ̌m pǎ nyɛɛ́ be, akamle le oYúden, bʉr o nyé á nyɛɛ komlo mpʉ mílɔ́ɔ́ mímpâ bá, á dwɛʼra e bɨ̌n! Nye ákamle e bɨ̌n.