Rôm 11:18 - Kálar Nzyɛ̌m : Ejwán é Sáá

¹⁸ Mpʉ yé dí nó yɨ́, apyêh gá milɔ́ɔ́ mí lɨ́ mû sí syɛ́hɔɔ mí. Bɨ́n ódoʼo nó, bɨ̌n agʉ́a gá ó, ntʉ bɨ́n, milɔ́ɔ, dí enkɛ́ɛ míkaalé. Mikaalé míɛ ó dí enkɛ́ɛ mílɔ́ɔ.

Kálara Zyɛ̌m Edwán é mpʉ̌n

¹⁸ É mpʉ yé ndɨ no e, asʉna ga é lɔb mɨlɔɔ mɨ lɨ mu si syɛhɔ ɛ. ǃBɨn si gwɨm doʼo nɛʼɛ, gʉŋa ga ó, ntʉʼ bɨn, mɨlɔɔ, ndɨ enkɛɛ mɨkaale. Mɨkaale ó ndɨ enkɛɛ mɨlɔɔ!

Rôm 11:18 ပူးပေါင်းရင်းမြစ်များ

1 Korɛnt 10:12

Nó, mʉr dí ebúʼla ó, nye ó tîtyěl ɨ́ lyahwó nyá, nye díʼee le ocwóó, lɨ́ ekpɛ́ɛ ó, nye ámû jaá twe!

Rôm 11:20

Gʉ́ kʉ́ gwá lɛ́ɛ. Bé á syɛ́hɔɔ ɨ́ lɨ́ yaá ó, ebě, bé á bé abe e búʼó. Bɨ̌n bɨɛ, bé ódi ɨ́ diá nɨ̌ ɨ́ bea bea ó, ɨ́ nzɨ̌ búʼó yɨ́n. Ayɨ́ nkɛ́ɛ gá nyʉ̂l. Sá bɨ́n jálá le esâ yɨ́, yé ó, bɨ̌n kpɛ́yɨɨ Nzyɛ̌m.

Rôm 3:27

Mpʉ yé dí nó yɨ́, nzê mʉr óbánǎ tô le enkʉ́na ɨ́ bisyɛ́ɛla byé nyé mʉr tɨ̂ʼ ɛ̌? Heʼé, yʉ́ʉ́ sɔ̂ʼ, yé abe nó! Yé dí ekamle e mɨná gá ó, mɨná nkʉ́naa gâ? Nzê metié mé Nzyɛ̌m ó dí ekamle mɨ́ná gá lɨ́ enkʉ́na ɛ́? Yaá! Sá dí esâ ó, mɨná sá ankʉ́na gá yɨ́, yé ó nzɨ̌ búʼó mɨ́ná dí edû gá nyɨ́.

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Galásia 3:29

Yé bé bɨ̌n bé lɨ́ egúmo e Krîst nó, lɛ́ɛ́, bɨ̌n ntémé bé ó bwá bé ónta mé Abraham. Bɨ̌n ntémé bé ó bʉr o ngá bi ménkɔb ɨ́ mbɨambɨa bisá Nzyɛ̌m á kɛʼ Abraham bí bá.

Rôm 4:16

Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

Mataos 26:33

Pétrus, nye e né ó: «Damá jóʼǒ lɔ̌b gô, wé óbɨma bʉ̂r bɨ́bɛ̂h ɨ́ miléme le esâ ó, bé sâʼ ebébe, mɛm, me ákóʼó bɨm ébɔ̌ʼ.»

Yʉanes 4:22

Bɨ̌n bʉr ó Samarî, bɨ̌n bé agʉ́ǎ sá bɨ́n dí edwe kûm nyɨ́n yɨ́. Bɨ̌h oYúden ó dí egʉ́ǎ sá bɨ́h dí edwe kûm yɨ́, ebě, lɔ́ɔ́ twiʼ, wé duho ó lɨ́ oYúden.

Mɨlʉmlʉ 25:7

Jɔ̌ʼ Pɔ̂l á pyâl yɨ́, oYúden o b'á duhǒ Yerʉ́zalɛm bá, bé á si kɛb nye ɨ́ nká, nzě búʼɔɔ nyé milɔ̌b ɨ́ buo buo. Sâ gwár, bé á bé abe e nkul elɛ̂ʼle ótyeetye o tɨ̂ʼ e bijwɨʼ bimpâ.