Rôm 11:13 - Kálar Nzyɛ̌m : Ejwán é Sáá

¹³ Ɨ́ báánâ, me mû ó lɨ́ enzě lwib e bɨ̌n, bʉr o dí abe óYúden bá. Me ó mʉr milʉ́mlʉ́ Nzyɛ̌m á lómlo bʉr o dí abe óYúden bá nyá. Me lɨ́ ekʉ́ buú nkʉ́na ɨ́ lɔ̌b syɛ́ɛ́ mé dí eséa lɨ́ esú lɨ́n ó,

Kálara Zyɛ̌m Edwán é mpʉ̌n

¹³ Banana, me mu ó lé eze lwib e bɨn, bʉr o ndɨ abe oYʉden ɨ, mɛm lʉmlʉ Zyɛm a lomlo bɨn ɨ. Me ekʉ bul doʼo e syɛɛ me lé esea é l'efu lɨn ɨ.

Rôm 11:13 ပူးပေါင်းရင်းမြစ်များ

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Galásia 2:2

Me á tô nó ó, ɨ́ pɨʼ Nzyɛ̌m á gwîh me nyɨ́. Jɔʼ mé á pyâl gʉ̂ʼ yɨ́, bɨ̌h le minjwɨ́ʼ mí Mbɛ̌r-Nzyɛ̌m nzě gwɨ̂hla. Me nzě lɛ̂ʼle bé mpʉ mé dí etúno bʉ̂r o bíkûl Mbɨambɨa Lɔ́ɔ yɨ́. Me á bé akpɛl ó, syɛ́ɛ́ mé á be lɨ́ eboó séa yɨ́, yé dwêʼ ntuʼ.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Mɨlʉmlʉ 13:2

Ádwií ɨ́ gúú móhó, ɨ́ jɔʼ bé á be lɨ́ edwe Tî Yésʉs kûm le eti méde yɨ́ nɛ́ɛ: Sísǐm mé Nzyɛ̌m nzě lɛ́ɛ e bé ó: «Tyélɨ́ɨ́ gá me Banabâs, bé e Saʉ̂l, lɨ́ empah. Bé séaa syɛ́ɛ́ mé á jébe bé ó, bé tô séa yɨ́.»