Rôm 11:1 - Kálar Nzyɛ̌m : Ejwán é Sáá

¹ Nó ó mé dí edî ó nɛ́ɛ: ɨ́ mpʉ yé dí nó yɨ́, nzê Nzyɛ̌m á si myah bʉr bé ɛ́? Heʼé, yé abá be nó. Mɛm mʉr tɨ̂, me ó mʉr Ɨ́zraɛ̂l. Me á byɛ̂l ó, lɨ́ onzweh mé Benjamin. Me ó, ɨ́ mpóʼo mé Abraham.

Kálara Zyɛ̌m Edwán é mpʉ̌n

¹ Ebe no, me edî ó nɛɛ: é mpʉ yé ndɨ no e, zê yé lé elɛʼle ó, Zyɛm a si myah kul bʉr ye ɛ? Hɨʼɨ, yé abe ba no! Me mʉr tɨ, me ó mpɛh Ɨzraɛl. Me a byɛl ó, é l'eveh mo Benjamin. Me ó mʉr mpoŋbʉr mo Abraham.

Rôm 11:1 ပူးပေါင်းရင်းမြစ်များ

2 Korɛnt 11:22

Nzê bɨ́ɛ bé ó bʉr o b'Ébrœ̂ ɛ̌? Me ntémé, me ó nye. Nzê bé ó bʉr o b'Ɨ́zraɛ̂l ɛ̌? Me ntémé, me ó nye. Nzê bé ó mpóʼo mé Abraham ɛ̌? Me ntémé, me ó mʉr tɨ̂.

Filipi 3:5

Me á byɛ̂l ó, ɨ́ kúl bʉ̂r o b'Ɨ́zraɛ̂l, ɨ́ mbɛ̌r bʉ̂r mé Benjamin, nyɛ̂r Ebrœ̂. Me á tíʼɔɔ mpʉ́n ó, me mû e melû mwom lɨ́ ebyɛ̂l lâm. Me á si nî ɨ́ sɔ́má óFarizyɛ̂n, lɨ́ esâ sɨ́n lɨ́ ebaʼle métié.

Mɨlʉmlʉ 26:4

«OYúden bɨ́bɛ̂h, bé lɨ́ egʉ́ǎ mpʉ̌ twiʼ yâm, yé á bɨbe, táare lɨ́ osohó wâm, nzě kumo mûh yɨ́. Bé lɨ́ egʉ́a ntémé mpʉ mé á bwaʼ ɨ́ gúmó kúl bʉ̂r yâm, yé á be yɨ́, ti e Yerʉ́zalɛm.

Mɨlʉmlʉ 22:3

«Me ó Yúden. Me á byɛ̂l ó, Tarsôs ɨ́ sí Silisía. Me á ka bwaʼ yɨ́ɛ ó wâ. Lɛ̂ʼla wǎm á be ó Gamalyɛ̂l. Nye ó b'á lɛ̂ʼle me mpʉ mé dúʼoo metié bímpám gá bíná yɨ́. Me á si gbâ nyʉ̂l nyǎm lɨ́ edwě Nzyɛ̌m kûm jwɨʼ gwár mpʉ bɨ́n ntémé dí esâ ɨ́ báánâʼ yɨ́.

Rôm 9:3

Wé kpaa mé nó ó, ebe bɨ́ɔɔ́ bâm, bʉr o bɨ́h le onɔ́ɔ́ bé á byɛ̂l bá, dí e meswomlʉ. Yé bé Nzyɛ̌m á bě sí kam nó, lɛ́ɛ́, mɨ́ kam ó, nye dwíhɨɨ bé meswomlʉ mé, nye syɛ́mɨɨ me, damá jóʼo ó mpʉ bɨ́h e Krîst, bé óbɔ́ʼa mpɔ́ʼá mpá yɨ́.

Rôm 3:4

Heʼé, yé abá be nó. Bʉr bɨ́bɛ̂h damá sâ bíbɛr, Nzyɛ̌m nyɨɛ́ jaá lóŋlo ó, njɨ lɔ́ɔ́ wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Gua Nzyɛ̌m, ɨ́ jɔʼ gó dí elwib yɨ́, bʉr bɨ́bɛ̂h, bé ókʉ́ gʉ́a ó, gǒ lɛ́ɛ́ ó otyeetye. Bé ósáa édwe gó mebě nó, go ójaá bi ó, njɨ nkam ɨ́ lɔ̌b waá.»

Lʉkas 20:16

Mɛ̌m bee ó, nye ónzě jʉ̂ bílóbila byaá bíbyɛ̂h, nzě pɛ̂h bʉ̂r oswîh, nzě kǎ tímle bé pemé yaá.» Jɔʼ bʉ̂r bé á jóʼo nó yɨ́, bé ó: «Heʼé, yʉ́ʉ́ sɔ̂ʼ, yé ákóʼó syɛ́ɛ bá nó!»

Rôm 11:11

Nó ó, me lɨ́ edî tíá ó: nzê oYúden, bé á jaa twe ó, dumǎ tyeetye ɛ̌? Heʼé, yé abá be nó, ebě, Nzyɛ̌m á si tiʼ bʉr o byúú bíkûl biswîh ɨ́ lɔ̌b ébébe lɔ́ɔ́ bé á sâ lɨ́. Nye á dwe byé twǐʼ njʉ̌m dǐ ó, lɨ́ egbâ óYúden egú ɨ́ miléme.