Rôm 10:9 - Kálar Nzyɛ̌m : Ejwán é Sáá

⁹ Mekaná mé Nzyɛ̌m, mé lɛ́ɛ́ ó: gó ólɛ́ɛ ɨ́ num gô go mʉr tɨ̂ʼ ó, «Yésʉs ó dí Njwɨ́ɨ!» le ebúʼla tʉ́ŋlʉ̌ lémé gô ó, Nzyɛ̌m á si pɛh nye lɨ́ odwe nó, nye ódwe gó twǐʼ njʉ̌m dǐ.

Kálara Zyɛ̌m Edwán é mpʉ̌n

⁹ Yé ó tila é Kalara Zyɛm ó: go óbi tiʼ molu mo mpoʼ mɨmɛh nkʉ go ólɛɛ é nʉm go ó: «Yesʉs ó ndɨ Njwɨɨ» le ebuʼla é leme go tʉŋlʉ ó, Zyɛm a si pɛ̀h nye é foo,

Rôm 10:9 ပူးပေါင်းရင်းမြစ်များ

Lʉkas 12:8

«Nó me lɨ́ elɛ́ɛ e bɨ̌n ó, mʉ̂r sí tɨ̂ʼ bɨr, gbân mé témé bʉr nó, Mwân mé Mʉr ógbân nyé ntémé ɨ́ mpǒm beéngeles mé Nzyɛ̌m.

Mɨlʉmlʉ 16:31

Nó bé á yala e né ó: «Dyɛ́ʼwáá e Tî Yésʉs, go nkʉ̂ bǐ twiʼ, bɨ̌n e mbɛ̌r bʉ̂r gô wɨ́wɛ̂h!»

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

Rôm 8:34

Nzé óláa mɨ́ná gá bibaa bí ébébe, le edwe mɨ́ná gá bintɨ́ʼá? Abe e mʉr! Yésʉs-Krîst á si dwe, búra e mɨná gâ. Yé abě njɨ nó. Nye á si pah, duho lɨ́ odwe, tó di ɨ́ mecwɨ́ɨ́, ɨ́ mbó éjʉ́m mé Nzyɛ̌m Sɔ́ŋ. Nye ó mʉr nkɔ̌m, waá dí ekamle e mɨná gá nyá.

Rôm 14:11

Ebě, yê cɛmá ó: Dâ Nzyɛ̌m káálé ó: «Yé bé me dína ó, ɨ́ twiʼ nó, me ókʉ́ bánǎ sâ ó, mʉr nyɨnyɛ̂h bɨ́ʼɨɨ mebóó sí ɨ́ mpǒm nyǎm. Mʉr nyɨnyɛ̂h gúmlo mê, mɛm, mʉr dí Nzyɛ̌m nyá.»

1 Korɛnt 12:3

Nó ó, me múo nzě cɨ̂l bɨ́n ɨ́ pâʼ waá: abe e mʉr dí elwib e nzɨ̌ Sísǐm mé Nzyɛ̌m, dí e nkul elɛ́ɛ ó: «Yésʉs, nyé e meswomlʉ!» Le ntémé ó, Sísǐm mé Nzyɛ̌m bé abe tʉ́ŋlʉ̌ mʉr nó, mʉr waá, nyé abe e nkul elɛ́ɛ ó: «Yésʉs ó dí Njwɨ́ɨ!»

2 Yʉanes 1:7

Ebě, bibɨ́bla bí ólɛ̂ʼla, byé mû ó sí buo ɨ́ sí yɨ́yɛ̂h, lɨ́ etô le edímle bʉ̂r. Byé akpɛl ékam ó, Yésʉs-Krîst á nze ɨ́ sí yɨ̂ʼ ó e nyʉ̂l mʉr mpâ. Mʉr kɛ́lá búʼó gá yɨ́ná nyá, nye ó ndímla bʉr le ntɨ̂m e mbɨn mé Yésʉs-Krîst.

Yʉanes 9:22

(Náǎ yé ó, Sɔ́ŋ ndu e nyɔ̌ŋ, bé á lwilwib nó ó, ebě, bé á be ó lɨ́ ekpɛ́ɛ óYúden, ebě, oYúden baá, bé á bě sí di twíí páʼ nyɔ́ɔ́ ó, mʉ̂r sí lɛ́ɛ ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nó, nye sóŋɔɔ ɨ́ mpáh minjɨʼla nyɔ́ɔ́.

Mɨlʉmlʉ 8:36

Ɨ́ mpʉ bé á tʉ̂to nzɨ́ e nzɨ̌ yɨ́, bê nzě pyâl ɨ́ yʉ́ʉ́ gúmo, yé á be e medíbé yɨ́. Cwɨhá mʉ̂r waá ntɔ̂ʼ lɛ́ɛ e né ó: «Paá bee: medíbé ó mâ! Yé dí e nkul ekǎ kamle mé lɨ́ eduŋɔɔ?»

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.

Mɨlʉmlʉ 2:32

Yésʉs waá ó Nzyɛ̌m á pɛh, dwih lɨ́ odwe nyá. Lɔ̌b wé ó bɨ́h dí eboʼlo bɨ́n wɨ̂.

Rôm 4:24

nye óláa mɨ́ná gá ntémé ó, mɨná gá bé ó otîtyěl o bʉ̂r, baá o dí edyɛ̂ʼwo e né bá, nye waá á pɛh Tî gá wɨ́ná Yésʉs, dwih nyé lɨ́ odwe nyá.

Rôm 10:10

Mʉ̂r dyɛ́ʼwó e Yésʉs ɨ́ lémé wé nó, nye óbi nkâm ɨ́ míh mé Nzyɛ̌m. Mʉ̂r lɛ́ɛ́ ɨ́ num wé ó: «Yésʉs ó dí Njwɨ́ɨ!» nó, Nzyɛ̌m ódwe nyé twǐʼ njʉ̌m dǐ.

Rôm 14:9

Ebě, Krîst á si dwe, nzě pah, ó nye díʼee Njwɨ́ɨ ɨ́ páʼ bʉ̂r o dí ɨ́ twiʼ bá, ndu e baá o mû sí dwe bá.

1 Yʉanes 4:15

Mʉ̂r lɛ́ɛ́ ó, Yésʉs, nye ó Mwân mé Nzyɛ̌m nó, Nzyɛ̌m ótíʼe ɨ́ mpúhlá e nye; nye ntémé ódi ɨ́ mpúhlá e Nzyɛ̌m.