Rôm 10:8 - Kálar Nzyɛ̌m : Ejwán é Sáá

⁸ Mekaná mé Nzyɛ̌m mɨ́ɛ lɛ́ɛ́ ó: Lɔ́ɔ́ mé Nzyɛ̌m, wé ó bǎʼ e go. Wé ó, ɨ́ num gô tʉ́ŋlʉ̌. Wé ó dí ɨ́ lémé gô tʉ́ŋlʉ̌ wɨ́. Lɔ́ɔ́ ngwár e ngwár waá, wé ó waá bɨ́h dí etúno ó, bʉr bûʼlaa wé wɨ̂.

Kálara Zyɛ̌m Edwán é mpʉ̌n

⁸ Yé ó tila é Kalara Zyɛm ó: «Lɔɔ Zyɛm, wé ó kunokuno e go. Wé ó é nʉm go ndwe e leme go tʉŋlʉ.» Mɨlɔb mɨmpwar myaa, myé ó myaa bɨh lé eto le etuno, myaa bʉr bé lé ejala le ebuʼla ɛ.

Rôm 10:8 ပူးပေါင်းရင်းမြစ်များ

1 Timotɛ 4:6

Gó sí dwe bɨ́ɔɔ́ bô milɛ́ʼlá mîʼ nó, go bě mpǎŋ syɛ̂l mesâ mé Yésʉs-Krîst! Go ódwidwe mílɛ́ʼlá ɨ́ nzɨ̌ nyaá ó, ɨ́ milɔ̌b mí búʼó gá yɨ́ná, ti e mpǎŋ lɛ́ʼlá gó á jóʼo wɨ́.

1 Pyɛr 1:25

Lwǐb mé Dâ yɨ́ɛ̌ di ó, njʉ̌m dǐ e njʉ̌m dǐ.» Tó kœb ó, lwǐb yaá, yé ó Mbɨambɨa Lɔ́ɔ bé á túno bɨ̌n wɨ́.

Galásia 3:2

Me ódî bɨ́n tíá mpwár nyɨ̂: nzê Nzyɛ̌m á ntɨh bɨ̌n Sísǐm wé jɔʼ bɨ́n á lóŋlo metié yɨ́ ɛ́? Nzê nye á bé antɨh wé ɨ́ jɔʼ bɨ́n á bûʼla Mbɨambɨa Lɔ́ɔ bé á lɛ́ɛ bɨ̌n wɨ́ ɛ́?

Galásia 3:5

Ɨ́ jɔ̌ʼ Nzyɛ̌m dí entɨh bɨ́n Sísǐm wé, le esâ mésimá ménɨ́nɨ́ɨ́ páʼ nyɨ́n yɨ́, nzê nyě sá nó ó ebe bɨ́n dí elóŋlo métié ɛ́? Nzê yé ó ebe bɨ́n dí ebúʼla Mbɨambɨa Lɔ́ɔ bɨ́n á jóʼo wɨ́ ɛ́?

Rôm 10:17

Nó ó, gʉ́ŋáá gá ó, jɔʼ mʉ̂r dyɛ́ʼwá e Krîst yɨ́, yé duho ó, ɨ́ sá nyé á jóʼo yɨ́. Njóʼá wé waá, wé duho ó, lɨ́ ekǎn bé dí elɛ́ɛ nyé, dumo e Krîst lɨ́.

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

1 Pyɛr 1:23

Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

Mɨlʉmlʉ 16:31

Nó bé á yala e né ó: «Dyɛ́ʼwáá e Tî Yésʉs, go nkʉ̂ bǐ twiʼ, bɨ̌n e mbɛ̌r bʉ̂r gô wɨ́wɛ̂h!»

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.