Rôm 10:4 - Kálar Nzyɛ̌m : Ejwán é Sáá

⁴ Mě lwib nó ó, ebě, Krîst á si gbâ nkǎ-ti ɨ́ nzɨ̌ metié, lɨ́ ekamle bʉ̂r lɨ́ ebáʼǎ cɨɨ tɨ̂. Nye á sâ nó ó, lɨ́ esú é bʉ̂r o ngá bi nkâm ɨ́ míh mé Nzyɛ̌m bá, bé díʼee baá bɨ́bɛ̂h dí edyɛ̂ʼwo e né bá.

Kálara Zyɛ̌m Edwán é mpʉ̌n

⁴ Me elwib no ó, ebe, Krɨst a si gba nkati é zi edu motie. Bʉr, bé aŋa ka bi mokebe lé edu zi waa. Bʉr o ndɨ ejyɛʼ taa buʼo yɔɔ boo Zyɛm ɨ, bé ó ndɨ ebi mokebe boo nye.

Rôm 10:4 ပူးပေါင်းရင်းမြစ်များ

Galásia 3:24

Metié maá, mé á bɨbe ó mpʉ pála bwá ó ntwǒm, mʉr á lilîʼle mɨná gá kwá mé Krîst nyá. Nye á sâ nó ó, mɨná nkʉ̂ bi gá nkam ɨ́ míh mé Nzyɛ̌m ɨ́ lɔ̌b búʼó.

Yʉanes 1:17

Nzyɛ̌m á tyêl mɨná gá metié ndu e l'egbâ mémpéné ó, cɨɨ ɨ́ nzɨ̌ mé Moyɨ̂z. Nó ó, mpam nyé le otyeetye bíɛ, byé á nze ɨ́ mɨná gá ó, cɨɨ ɨ́ nzɨ̌ mé Yésʉs-Krîst.

Ebrœ̂ 10:14

Nyɨɛ á jaa dwe ó njɨ ndwéá ngwár, bʉr o b'á be ó, bé púbɔɔ bá, bé ntɔ̂ʼ pubɔɔ mbɨ̂mbɨá ɨ́ mipáʼ mímyɛ̂h. Bé ódidi nó ó, njʉ̌m dǐ e njʉ̌m dǐ.

Kolosi 2:17

Milɔ̌b mínɨ̌ mímyɛ̂h, myé ó sisîm, dí elɛ̂ʼlě sâ mpâ dí enze yɨ́. Nó ó, otyeetye o tɨ̂ʼ wɨ́ɛ, wé ó Krîst.

Kolosi 2:10

Bɨ̌n bé á be ó sí dira mínyɔm mímyɛ̂h ɨ́ mpúhlá nyɨ́n e Krîst. Nye ó dí lʉ̂ kʉ́ misísǐm mí édúrʉ́ʉ́ mímyɛ̂h: le myaá mi dí milʉ̂ mí, le myaá mi dí e nkul jwɨ́ɨ mí.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Galásia 4:5

Nye á jala le esâ nó ó, nye nkʉ̂ dwih bʉ̂r ɨ́ mpila métié. Nye á sâ mɨná gá nó ó, nye nkʉ̂ tyêl mɨ́ná gá ɨ́ tyé bwán mé Nzyɛ̌m.