Rôm 10:3 - Kálar Nzyɛ̌m : Ejwán é Sáá

³ Bé á si jéʼe nzɨ̌ Nzyɛ̌m á tíʼe ɨ́ lémé wé ó, nyě kǎr ó bé nyǎ, ó bé ócɨɨ tɨ̂, bé obi nkâm tɨ̂ʼ nyɨ́. Bé á jaa sáa njɨ ó, bé káraa nyɔ́ɔ́ nzɨ́. Nó ó bé á gbɔba e Nzyɛ̌m, lɨ́ esú ó, bé bíʼee nkam lɨ́ ecɨɨ ɨ́ nzɨ̌ bɨ́ɛ bé bʉr o tɨ̂ʼ, bé á kar nyɨ́.

Kálara Zyɛ̌m Edwán é mpʉ̌n

³ É mpʉ bé a be ó si jeʼe mbi Zyɛm lé edwe bʉr mokebe e, bé a kʉ ka saa ó, njɨ bé biʼe mokebe é lɔb ocɨcyel wɔɔ, benɔ lé efil bé bʉr o tɨʼ si e Zyɛm ó, nye nkʉʼ dwe be mokebe edwɛna.

Rôm 10:3 ပူးပေါင်းရင်းမြစ်များ

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Lʉkas 16:15

Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Rôm 5:19

Jwɨʼ gwár mpʉ mʉ̂r ngwár á sâ ebɨ̌h, Nzyɛ̌m ntɔ̂ʼ láa ó, bʉr ɨ́ buo buo, bé mû ó osyɛ̂l o mísyóm yɨ́, jwɨʼ gwár e gwár yaá ntémé ó, mʉ̂r ngwár á sâ Nzyɛ̌m mejóʼo, Nzyɛ̌m ntɔ̂ʼ láa ó, bʉr ɨ́ buo buo, bé ó otîtyěl o bʉ̂r yɨ́.

Rôm 1:17

Mbɨambɨa Lɔ́ɔ waá, wé lɛ́ʼlé ó, mpʉ̌ Nzyɛ̌m dí edwe bʉ̂r nkam ɨ́ míh mé yɨ́. Yé tááré ó, ɨ́ búʼó, tó swîʼ ɨ́ búʼó. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Tîtyěl mʉr ótiʼe ó, ɨ́ búʼó.»

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Lʉkas 10:29

Tó kœb ó, lɛ̂ʼla waá á be lɨ́ edǐ lɛ̂ʼle ótîtyěl wé. Nye ntɔ̂ʼ dî e Yésʉs ó: «Á mɨ́ɔɔ́ wǎm mʉr, nye nzé?»

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Rôm 3:26

Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Rôm 10:2

Mě lɛ́ɛ́ bɨ́n ɨ́ páʼ wɔ́ɔ́ ó, mpǎŋ gwɨ́má yɔ́ɔ́, yé ó, bé nkʉ̂ buú dû Nzyɛ̌m. Bé agʉ́a yɨ́ɛ mpaŋ nzɨ́ bé jálá le edû nyɨ́.

Rôm 10:20

Píe tɨ̂, ngwíha milɔ̌b Ésayie á bana kʉ lɛ́ɛ, ajóʼo bʉ́á ó: «Nzyɛ̌m lɛ́ɛ́ ó: Bʉr o b'á be asáa me bá, bɨ́ɛ ó b'á bee me. Me á si lɛ̂ʼle me mʉr tɨ̂ʼ ɨ́ ponó kwá bʉr o b'á be agwɨ̂m yʉ́ʉ́ sɔ̂ʼ e me bá.

Rôm 11:7

Nó, yê yé? Bʉr o b'Ɨ́zraɛ̂l, bé á bé abǐ sá bé á sɨsáa yɨ́. Baá Nzyɛ̌m á twâr bá bɨɛ, bé ó b'á bi yê. Baá bʉ́ʉ́ bɨ́bɛ̂h, milémé myɔ́ɔ́, myé á be ɨ́ buú lele lɨ́ ebúʼla.